Altsasuko Gaztetxea

Kamaradak gazte internazionalisten aurkezpena

agaztea — Fri, 19 Dec 2008 17:14:13 +0100

Abenduaren 29an KAMARADAK Gazte internazionalisten sarearen eskualdeko aurkezpena eta ISRAELI BOIKOT EUSKAL EKIMENAren inguruko hitzaldia egingo dira Altsasuko Gaztetxean arratsaldeko 7etatik aurrera.

Kontzertua Altsasuko Gaztetxean

agaztea — Mon, 15 Dec 2008 12:23:44 +0100

Hurrengo ostiralean, abenduak 26, Injurias eta Lendakaris muertos taldeak egongo dira Gaztetxeko eskenategian gaueko 11etatik aurrera.

"No Dal Molin" Hitzaldia abenduaren 5ean

agaztea — Mon, 01 Dec 2008 11:28:42 +0100

Hitzaldia ABENDUAK 5, OSTIRALA, 19:30tan. - ALTSASUKO GAZTETXEAN-

Estatu Batuak europan sortu nahi duen base militar handiena izango litzateke Italiako Vicenza hirian egin nahi duten "Dal Molin" basea. Vicenzan existitzen diren beste bi base yankeetara gehituz. Horregatik Vicenza hirian base militar honen sorreraren kontra borrokatzen duten ekintzaileak izango dira Altsasun, bertako bizilagunetzat guzti hau suposatuko duenaren inguruan mintzatuz eta beraiek darameten borroka erakutsiz.

II. Laburmetrai Txapelketa

agaztea — Sat, 29 Nov 2008 13:55:19 +0100

Altsasuko Gazte Asanbladak 2. LABURMETRAI TXAPELKETA aurkeztu du. 1. laburmetrai txapelketa Altsasuko Gaztetxearen XV.Urtemugan egin zen eta aurtengoa txapelketaren bertsio berritua eta hobetua izango da, Jaialdi alternatibo eta autogestionatua.

II. Laburmetrai lehiaketaren oinarriak:

Gehienezko iraupena: 15 minutu
DVD formatuan aurkeztu
Kartelaren formatua A4
Kategoriak

Animazioa
Salaketa
Fikzioa
18 urtetik beherakoak
Telefono mugikorrarekin eginak

Laburmetraiak Gaztetxean aurkeztu behar dira maiatzaren 8a baina lehen. Bideoarekin batera egilearen datuak agertu behar dira: zuzendariaren izena; harremanetarako telefonoa; eta laburmetraiaren datuak: izenburua, iraupena eta kategoria. Nahi izanez gero, Gaztetxeko gelan grabatzeko aukera dago.

Bestaldetik, astero bideo emanaldiak izango dira Gaztetxean palomitak edo bestelako elikagaiekin lagundutak. Behin aurkezpen epea amaituta ekitaldiak hasiko dira: zozketak, opariak, erakusketak, etab.

ANIMA ZAITEZ!

18 urte okupazioa eta autogestioaren bidean!

agaztea — Sun, 05 Oct 2008 12:02:22 +0200

Gaur, urriak 5, Altsasuko Gaztetxeak 18 urte betetzen ditu. Orain dela 18 urte, gazte talde batek "Casa de Socorro" okupatu zuten gazteek antolatzeko, ekintzak burutzeko eta ekimenak sortzeko toki bat izateko. Aurten, adin nagusitasunera ailegatzen da Gaztetxea. 18 urte okupazioa eta autogestiaren bidean!

18 urte hauek behar bezala ospatzeko Altsasuko Gazte Asanbladak zenbait ekintza, erakusketa, kontzertu, etabar. antolatu dituzte aste honetarako.

Gaur bertan, urriak 5, urtemugari hasiera emango diote arratsaldeko 19:00tan txupinazoa eta bideo emanaldi batekin.

Urriak 7, asteartea, AHTren kontrako tira komikoen erakusketa izango da ikusgai.

Asteartean, urriaren 8, arratsaldeko18:00tan Emakumearen inguruko hitzaldia izango da Gaztetxean Bilgune Feministaren
eskutik.

Urriak 9, osteguna, Herri mugimenduaren pegatina erakusketa egongo da.

Ostiralean, urriaren 9an, Haurrentzako jolasak izango dira arratsaldeko 17:00etatik aurrera herriko enparantzan eta gauean Kafea eta Zirkoa izango da Gaztetxean.

Urriak 11, larunbata, Goizeko 11:00tan Gaztetxean kalderete txapelketaren hasiera egingo da. 14:30tan Herri bazkaria izango da eta ondoren gazte jolasak. Gaueko 23:00tan kontzertuak izango dira Gaztetxean:

-THE FREETANGAS (Rock experimentala Gasteiztik)
-VENDETTA (ska nabarriko)

ANIMA ZAITEZ!!!

Gazte Eguna

agaztea — Wed, 10 Sep 2008 22:17:32 +0200

Sakana berri bat piztuko dute irailaren 12an, ostirala, Altsasun Gazte Egunarekin

Sakanako gazte independentisten oharra:

Kaixo eta ongi etorriak!

Jaso ezazue Sakanako gazteon hitza, aldarrikapenak eta salaketak, Nafarroako txoko honetatik iraultzaren suziria piztera goaz.

Urte dezente, hamarkadak... belaunaldiz belaunaldi bakoitzak berean; suziri honetan bere aportazioa utzi dute. Borrokaren ondorioz hainbat lorpen eta sari jaso izan ditugu Sakanan, herrietako gaztetxeak, intsumisioaren aztarnak edo eta jai herrikoi eta parte hartzaileen egonkortasuna...

Estatuaren estrategia errepresiboari aurre egitea ere; gaztez gazte landutako, ikasitako eta transmititutako lana eta beharra izan dugu bailara honetan. Txakurrez betetzen dizkigute kaleak, kontrolak, atxiloketak, kargak... Ez dute borroka grina itzali eta gu geuk antolakuntzan eta lanean jarraitzen dugu. Aipaturiko suziri horretan beraiek sartuko ditugu, gure herritik ahalik urrutien bidaltzeko; baita estrategia errepresibo hiltzaile hori forma eta aurpegia ematen dioen politikari faxista eta ustelak. Sanz, Jimenez, Barcina, Garrancho suziria itzali nahi digute... baina alferrik duzue... Berari lotuta gure herritik desalojatuak izango zarete...PIKUTARA!!

Pikutara zuek eta zuen inposaketa, zuen apartheid politika, zuen Abiadura Handiko Tren madarikatu hori...UTZI BAKEAN AMALURRA!!... eta gelditu.

Gelditu ere lan-munduan txertatu duzue prekarietatea eta terrorismo patronala; gelditu zuen eraikitzeko etengabeko nahia eta gosea...diru gosea Etxebizitza eskubideak bereganatu eta garatuko dugu!!!

...Eta suziriari sua emateko Bolognako araudi zapaltzailea erabiliko dugu euskal ikasleriak beharrezkoa duen Euskal Hezkuntza herritarra eta nazionala aldarrikatuz!!!

Badoa pixkanaka, pixkanaka argitzen etorkizunezko Euskal Gazte-herria, eta bertan PNV-NABAI-ren jarrera kolaborazionistak eta Espainiar zipaio-morroi izateak ez dauka lekurik.

Euskal Herriari prezio jarri diozue, zuen poltronen beroketak behar duena. Horixe bera... eta gainera Ezker Abertzalearen aurkako erasoetaz baliatuz ederki daramazue faxisten txakur-moko lehiala izatearen papera!!! zelako muturra...

Ez hurbildu... suzirira, berarekin joateko boletoak dauzkazue... onenean erre egingo zarete!!!

Animatu eta parte hartu Gazte Egunean.
Gora Sakanako gazteri errebeldea!!!

Egitaraua:

11.00 - Plazatik AHT STOP mendi martxa

14:30 - Plazan Bazkari herrikoia (ikasleak musutruk) Bologna soilik pastan, eskerrikasko

17.30 - Futbolin erraldoia
19:00 - Sokatira lehiaketa Sakanako Gazteen artean
19:30 - MANIFESTAZIOA
20:15 - Poteoa batukadarekin
21:45 - Bokatada Gaztetxean
23.00 - Kontzertua Gaztetxean
Hell beer boys eta Akto Reflejo

Iturria: GazteSarea

Altsasuko Gaztetxea 2008ko Jaiak

agaztea — Sat, 06 Sep 2008 15:38:09 +0200

Altsasuko Jaiak ostiralean, irailak 12, hasiko dira Gazte Egunarekin. Arratsaldean haurrentzako jolasak eta batukada egongo dira eta zenbait beranduago botakada eta sagardo kupela. Gauean kontzertuen garaia izango da HELL BEER BOYS eta AKTO REFLEJO taldeak igoko dira Gaztetxearen eskenatokira.

Irailaren 13an "Presoen aldeko eguna" ospatuko da Gaztetxean. Altsasuko Udaletxetik Jaien hasiera aldarrikatzen duen txupinazo "ofiziala" izan aurretik hamaiketakoa izango da Gaztetxean. Ondoren Presoen aldeko brindisa eta bazkaltzeko orduan Presoen aldeko bazkaria. Arraltsaldeko bostetan kukaña egongo da Gaztetxeko aldapan. Zortzietan, Zumalakarregi enparantzatik, peñen bajadika ospatuko da, gaurko egunean Presoen aldekoa izango dena. Gauean kontzertuak izango dira Gaztetxean: KISAP eta KALEGINEZ.

"Emakumearen aldeko eguna" irailaren 14an ospatuko da. Peñen bajadika egin aurretik merienda egingo da Bilgune Feministaren eskutik. Bajadika emakumeen aldekoa izango da eta ondoren, gauean, txupitada eta guatekea egingo da Gaztetxean.

Gazte Txosnan Sakanako HESIAN taldea egongo da zuzenean gaueko 23:00etatik aurrera. Eguraldi txarra eginez gero Karpa Herrikoian izango da kontzertua.

Irailaren 15ean "Jai herrikoen eta euskararen aldeko eguna" ospatuko da Gaztetxean. Zumalakarregi enparantzan hamaiketakoa izango da eta ondoren, eguerdi aldera, bajadika egingo da. Bazkari herrikoia egongo da karpan eta ondoren herri jolasak. Gaurko peñen bajadika Euskararen aldekoa izango da.

"AHTren aurkako eguna", irailak 16, indarrarekin hasteko, goizeko seitan kaldikoa izango da Gaztetxean ondoren Gaupasa Sound System-rekin herritik zehar joateko. Gaurko bajadika, AHTri EZ esateko izango da.

Jaien azkeneko eguna, irailak 17, "Herri mugimenduen eguna" izango da. Bazkaltzeko herri bazkaria ospatuko da karpan, Bajadika ur festa bihurtuko da azken egun honetan eta gauen KATAPUNK egongo dira kontzertuan.

Programa zabal honekin Gazte Asanbladak ez du ezer alternatiborik egin baizik eta herriko beste kolektibo eta taldeekin batera (Altsasuko Peñak, Amnistiaren aldeko mugimendua...) Jai Herrikoiak prestatu dituzte.

Garagardo Festa '08

agaztea — Thu, 04 Sep 2008 14:20:14 +0200

Aurten ere Altsasuko Jaien aurreko asteburuan ospatuko da Garagardo Azoka. Gaurtik hasita eta larunbata arte, irailak 7, Zubeztia enparantzan jarritako karpan munduko hainbat garagardo desberdin dastatzeko aukera egongo da. Garagardoekin batera afaltzeko aukera ere egongo da Zubiondo Elkarteak antolatutako festan zenbait denda eta tabernen laguntzarekin.

Larunbatean ere, irailak 6, Bixente Goikoetxea "Willi"ri ongi etorri ekitaldia egingo zaio. Ekitaldia eguerdiko 14:30tan hasiko da bazkari batekin. Arratsaldeko 18:00tan manifestazioa izango da "Euskal Herriak askatasuna behar du" lelopean eta manifestazio bukatzerakoan Ekitaldia egingo da. Bazkarira apuntatzeko ohiko lekuetan.

Street Basket 3x3 txapelketa

agaztea — Fri, 22 Aug 2008 16:12:13 +0200

Abuztuaren 30ean Street Baket (3x3) txapelketa antolatu du Altsasuko Gazte Asanbladak (AGA).
Izena emateko Gaztetxean edo altsasukogaztetxea@sakanerria.com helbide elektronikora mezu bat bidaliz egin ahal da nahiz eta egunean bertan ere apuntatzeko aukera dagoen. Talde bakoitzak 15€ ordaindu beharko dituzte txapelketan parte hartzeko.
Street Basket txapelketa arratsaldeko 16:30tan hasiko da Altsasuko Gaztetxean.

Ongi etorri Willi!

agaztea — Thu, 21 Aug 2008 10:11:27 +0200

Zazpi urteko espetxealdiaren ondoren, Altsasun da Bixente Goikoetxea «Willi»

Larunbatean berreskuratu zuen askatasuna Bixente Goikoetxeak eta bere herrikideek lehen harrera egin zioten Altsasura iritsi bezain pronto. Zazpi urte igaro ditu preso Euskal Herritik milaka kilometrotara dauden presondegi
frantsesetan.

Bixente Goikoetxea «Willi», Altsasuko preso politikoak larunbatean berreskuratu zuen bere askatasuna Estatu frantseseko presondegietan zazpi urtez gatibu egon ondoren.

Askatasunak azaldutakoaren arabera, Estatu frantsesak Goikoetxea kaleratu egin zuen larunbatean, zegokion zigorra bete ostean, eta Madrilen utzi zuen. Han aske gelditu zen, eta Euskal Herrirako bidea hartu zuen, Altsasurakoa, hain zuzen.

Larunbatean bertan, iritsi orduko, 250 herritar inguruk lehen ongietorria egin zioten herrian. Ondoren, Goikoetxeak berak herriko gaztetxean eskegita zegoen argazkia, bere erretratua, pozarren kendu zuen, bildutakoen txalo artean.

Altsasuko bizilaguna 2001eko urrian atxilotu zuen Polizia frantsesak, haren bikotekide Muriel Lucantis eta beraien alaba Maddirekin batera, Tarbeko landetxe batean. 2003an aldiz, Pariseko Auzitegi Korrekzionalak epaitu eta bederatzi urteko espetxe zigorra ezarri zion Goikoetxeari; Lucantisi, aldiz, bost urteko kartzela zigorra ezarri zion epaileak, baina espetxean soilik 30 hilabete bete beharko zituela ebatzi zuen.

Atxilotu bezain laster, komunikabide espainolek Goikoetxea ETAko zuzendaritza politikoan kokatu, eta «Zutabe» aldizkariak, erakunde armatuaren barne aldizkaria, egitea leporatu zioten.

Askatasunak jakinarazi zuenez, 2001eko urritik hona Goikoetxea «beti egon da sakabanatuta eta sorterritik milaka kilometrora»; azken urte hauetan Fresnes, Bois D' Arcy, La Sante eta Saint Maur espetxeetan egon baita preso.

Jipoiak espetxean

Larunbatean bertan Sakanako bizilagunek Goikoetxeari lehen harrera egin bazioten ere, ez da hori haren alde egingo duten ekitaldi bakarra, datorren irailaren 6an, larunbatean, Altsasun Goikoetxeari ongietorri ekitaldia egingo baitiote.

2002ko azaroan, Goikoetxea Estatu frantseseko Bois D' Arcy espetxean preso zutela kartzelako funtzionarioen eskutik hainbat jipoi jasan zituen. Altsasuko bizilagunak bezala, Txus Martinek eta Zorion Zamakolak, espetxe berean preso zirenak, eta Juan Antonio Olarrak, Fresnesen zenak, salatu zuten euskal presoek ere kartzelako funtzionarioen jipoiak jaso zituztela. Protesta ugari egin ziren gertakari horiek arbuiatzeko bai presondegietan, bai Euskal Herrian barna ere.

Iturria: Gara