Gasteiz, 2008/04/08.

 Famili agurgarriak:

Guztiok dakizuen bezala, kurtso honetan zehar gure ikastetxeko irakasle espezialistak presio neurri batzuk burutzen ari dira joan den urteko ekainetik aurrera inposatua izan zaien diskriminazio ekonomikoarekiko beraien adostasuna adierazteko.

Beste ikastetxe publiko batzuetako irakasleekin adostu zuten ahalegin haundiz egiten zituzten ekintza batzuk ez gauzatzea, ez baitziren beraien lan espezifikoak, nahiz eta horrela erabakia izan ikastetxe bakoitzeko irakasleen arteko lan banaketa egiterakoan.

Ikastetxe bakoitzean lan hauek desberdinak dira eta gurean hain zuzen ere, jaiak antolatzea, Olentzero eta Inauteriak adibidez.

Administrazioak haintzat hartzen ez dituen lan hauek ez egitea erabaki zuten, beste irakasleek baino gutxiago kobratzearen ondorioz bigarren mailako irakasle bihurtu dituztelako.

Zuetariko askok AMPAri zuen desadostasuna adierazi diozue eta irakasle hauen aldeko zerbait egiteko aukera dagoen galdetu diguzue.

Orain gure desadostasuna sailburuordeari jakinarazteko proposamena luzatzen dizuegu ondorendo eskutitza sinatuz. Zenbat eta gehiago bidali presio gehiago egingo dugulakoan gaude.

Hori dela eta, eskutitza sinatzea eta ikastolako portxean jarriko diren kutxetan uztea eskatzen dizuegu.

         Noiz: Apirilak 14 eta 15.

Zer ordutan: Goizeko 9.30etan (umeak ikastolara                                                            sartzerakoan)

Besterik gabe beti bezala zuen laguntasuna eskertzen dizuegu  Baita ere  jakinarazi nahi dizuegu ikastetxetik egoera hau konpontzeko biderik egokiena bilatzen ari dela.

Agur bat

AMPA

 Sailburuordeari igorritako gutuna:

ASANBLADA SESTAON

GAIA: Ikasturtea amaitu baino lehen, PIZGARRIAK direla eta, egoera aztertu eta ekintza berriak asmatu

NOIZ: Datorren asteazkenean, apirilak 16an, 13:30etan

NON: ALBIZ LHI ikastetxean, 13.30etan, STEE-EILAS, ELA, LAB eta UGT sindikatuekin.

Albiz LHIko eta Kueto LHIko irakasle espezialistak

Asanblada honetan 25 lagun inguru bildu ginen, egoera aztertu ondoren, protestako hainbat ekimen burutzekotan adostu zen, horretarako beste asanblada bat konbokatzeko asmotan gaude, blog honetan eta ikastetxeetan honen berri emango da.

ADI EGON!!!

pública

VITORIA. Una treintena de personas se concentró ayer frente a la

sede del Gobierno Vasco en Lakua para protestar por el decreto

sobre la enseñanza pública acordado entre el Ejecutivo y CCOO,

que supone "un paso atrás" en las principales reivindicaciones del

profesorado, según los convocantes de la protesta, STEE-EILAS,

LAB, ELA y UGT. La portavoz de STEE-EILAS, Belén Arrondo,

aseguró que los sindicatos van a reclamar que se reabra la

negociación sobre los problemas que el decreto pretendió cerrar en

falso" en la mesa sectorial que tendrá lugar hoy. Las centrales plantean, entre otras cosas, la reducción del

horario lectivo para los mayores de 55 años.

Lasai egoteko motibo ugari dagoela erakutsi du azken egunotan berriro Hezkuntza Sailak. Lasai egoteko esan du, ordezkorik ez daudela, baina horri aurre egiteko norberaren gauzatarako baimena eskatzeko irakasleek duten eskubidea, bertan behera gelditzen dela. Gorputz Hezkuntzako irakasleen grebaren aurrean, ikastetxez ikastetxe aritu dira ikuskariak dei zuzenak egiten. Beraz, argi ikus daiteke dena “kontrolpean” dutela. Baina, jaso al du norbaitek deiren bat EAdministrazioaren aldetik zenbat ordezkapen bete gabe gelditzen ari den jakiteko? Bestaldera begiratzea omen da ez ikusteko modurik hoberena.

Eta zertara dator hau guztia? Aurreko hilabetetan zenbait arazo eman bazen ere, abenduan zehar nabariagoa egin zen gure ikastetxeetan ordezkapenen betetze maila ohikoa baino askoz baxuagoa zela, ez bakarrik espezialitate berezietan, arruntetan ere. Hezkuntza Saila konturatu zen azkenean premiazko neurriak hartu behar zirela eta zerrenden irekiera berezia egin zuen urtarrilaren hasieran, lehenbailehen ordezkapenetarako pertsona gehiago izateko. Dena martxan zirudienean, gero eta dei eta komunikazio gehiago jasotzen hasi ginen, ordezkapenak betetzen ez zirela salatuz. Ikastetxeei premiazko kontsulta egin ondoren, eta Administrazioarekin hitz egin eta gero, salaketa publikoa egitea erabaki genuen, zerrendak ireki eta 25 egunera egoerak berean jarraitzen zuelako. Hiru egun geroago agertu zen Sailburua parlamentuan ikasturtearen hasieran gertatutako kaosaren inguruko azalpenak ematera. Campos jaunak ez zuen pasatzen utzi bere burua zuritzeko aukera, garbi utziaz ordezkapenen inguruko arazoaren errua ez dela Hezkuntza Sailarena. Gripea da erantzule nagusietako bat, tituludunen falta nabarmena dago eta ordezkapenen zerrendaren araudia “oso garantista” da, hau da, araudiak gehiegi babesten ditu zerrendetan dauden ordezkoak. Beraz, naturak, irakasle eskolek eta ordezkoek dute ordezkapenak ez betetzearen ardura. Harrapazak/n!

Lerro hauen bitartez gogor salatu nahi dugu Hezkuntza Sailaren ardura falta, harrokeria eta axolagabekeria. Ez gara penizilina asmatzen ari esaten badugu arazo estruktural bat badagoela, tituludunen falta arazo honen adierazle bat izanik, baina honek ezin du estali ordezkapenen gaian erantzukizun nagusia Hezkuntza Sailarena dela. Aurreikuspen falta nabarmena izateaz gain, kudeaketa negargarria egin du – eta hala jarraitzen du – ordezkapenen zerrendekin, baina ez dute onartuko. Gainera, berriro atera dute ahulenen kontra jotzeko jokaera paranoikoa, ordezkoak disparaderoan jarriz, eta langileen eskubideak bertan behera utziz. Formazioa edota birziklapen jarduera batzuk ere kolokan gera daitezke, zenbait liberazio eta ikastarotan parte hartuko duten irakasleen ordezkapenak ezin direlako ziurtatu. Hori dena gutxi balitz, gaia “naturalizatu” nahi du sailburuak 2010 urte arte arazoa luzatuko dela esanez.

Axolagabekeria, ardura falta eta kudeaketa negargarria gertatzen direnean, bada ohitura demokratiko osasuntsu bat gure administrazio honetan batere ohikoa ez dena. Agian horrexegatik gogorarazi nahi genieke. Zer moduz dimititzen baduzue?

DENAK ireki dira eta horrela jarraituko dute kontrako agindua iritsi bitartean. Hasiera batean ez daukagu ezer honen aurka, honekin bideratu baitaitezke, alde batetik ordezkapenak garaiz egitea eta bestetik langile berrien sarrera. Baina esan behar dena da irekiera hau BERANDU egin dela eta atzerapen honek ikastetxeetako eguneroko martxan eta langileen lan baldintzetan modu negatibo batean eragin duela.

Hona gure azalpenak: ikasturte hasieratik ordezkapenen hornidura ez da ona izan ikastetxe askotan, ezta zenbait espezialitatetan ere, Administrazioaren esanetan, ordezkorik ez dagoelako.

Ordezkogaien falta honek urtarriletik aurrera norberaren gauzetarako baimen guztiak bertan behera geratzea dakar.

Ez dugu zalantzan jartzen langileen falta hau, baina ardura Administrazioarena da, aurreikuspen falta erakutsi duelako. Gure sindikatutik behintzat, denbora daramagu aipatutako zerrenden kudeaketa arrazionala egiteko eskatzen, honek dagoeneko hondatu samar dauden langileen baldintzetan okerrera egitea ekarriko duten egoerak saihestuz.

Norberaren gauzetarako baimenak bertan behera uztearen erabakiak berriz,  Lan Akordioaren urratze nabaria da, bertan lehen egunetik ordezkatzeko konpromisoa hartu ondoren, orain dekretu bidez baimen horiek deuseztatu dituztelako. Barre egitekoa izango litzateke, gai serioa ez balitz.

Dena den eta ongi pentsatuz gero, ez gara harritu behar Administrazioaren jokabide honekin:

Nola aplikatu dute 2 urteko geletarako sinatutakoa?  Pertsonala aurrezteko formula batekin. Zer gertatzen da  59 urtetik gorako langileriaren lanaldiaren murriztearekin? Datorren ikasturtean saiatuko omen dira… EPAko orientatzaileak zer? Aurreko erantzunak balio digu…

Alegia, Administrazioak eta badakigu nork sinatutakoaren ez-betetze maila puntuz puntu aztertzen joango  bagina, tamaina honetako iruzurrik ez litzaiguke faltako.

Aurreko ikasturteko mobilizazio eta negoziazioen ondoren, Hezkuntza Sailak eta CCOOek akordioa sinatu zuten ekainaren amaieran. Gutxiengoan sinatutako hitzarmen honek ez du jasotzen sektorearen gehiengoak eskatzen zuena eta aukera paregabea galdu da hainbat esparruetan hobekuntza nabariak lortzeko.

Hainbat kasutan alderantziz izan dela egiaztatzen ari gara:

·   Pizgarri ekonomikoen bidez irakasleen arteko zatiketa eta, ondorioz, ikastetxeak pizgarri horien arabera antolatzea.

·   Egonkortasun Akordioa galtzean, 1000 irakasle baino gehiago izan dira bere egoera laboralean atzera pauso nabaria izan dutenak.

·   Lanpostu Eskaintza Publikoa (LEP), egonkortasunarekin amaitzeko formula bakarra izan da Administrazioarentzat.

·   Etab...

Aukera paregabea galdu da, ikastetxeek eta irakasleen beharrei erantzun egokia emateko:

·         Irakasle gehiago benetako beharrei aurre egiteko: besteak beste, 2 urteko eta 3 urteko geletarako, baliabide egonkorrak elkarbizitza, kulturartekotasuna, Hizkuntza Normalizazioa edo Teknologi Berriei modu egokian erantzuteko.

·         Soldata igoera duina eta unibertsala.

·         Ordezkoen lan baldintzak hobetzeko. (Finkapena ez da Egonkortasun Akordioa)

·         Ordu lektiboak jaisteko.

·         LEP eta Egonkortasun Akordioa modu osagarrian gauzatzeko.

·         Ordezkapenak lehen egunetik eta etapa guztietan betetzeko.

·         55 urtetik gorakoentzat beharrezko murrizketak, plantilak gaztetzeko bidean.

·         Etab…

Azken batean, ikastetxeek eta irakasleok behar ditugun neurriak, eskolari eskatzen zaionari modu onean eta lan baldintza egokietan aurrera eramateko. Eskola Publikoak baliabide gehiago behar ditu!

Jasotzen diren hobekuntza txikiak ez dira nahikoak eta mobilizazioen ondoren lortutakoak izan dira.

·   Ordezkapenak betetzeko egun kopuruen murrizketa.

·   Bakoitzaren eginbeharretarako baimenaren ordezkapena lehen egunetik izatea.

·   2 urteko geletarako laguntzak

·   Elkarbizitza, Teknologi berriak, ikasle etorkinak, orientatzaileak. Ikastetxe batzuetan soilik eta urte baterako hainbat kasutan.

STEE-EILASek hemendik aurrera

·   Bere indar guztiak ipiniko ditu kaltegarriak diren neurriak atzera botatzeko. Dagoeneko, Hezkuntza Sailari premiazko bilera deitu dezan exijitu diogu pizgarrien gaia bideratzeko eta  berriro ere soldaten berdintasunari ekiteko. Hau bideratzen ez bada, beste neurri batzuk hartzeko prest gaude.

·   Lan Eskaintza Publikoak ez dira nahikoak.

·   Egonkortasuna eta Ordezkoen lan baldintzak hobetzea ezinbestekoa da.

·   Eskola Publikoak behar duen bultzada eta horretarako behar diren baliabideak esigitzen jarraituko dugu. Gauza asko dago hobetzeko!

·   Irakasleok lan baldintza egokiak eta gure lanaren aitortza behar dugu!

Osagarri hauek Eusko Jaurlaritzako Funtzio Publikoko 9 milioiko poltsa baten banaketaren ondorioa da. Aipatutako banaketa, oso era desegokian egin da Hezkuntza Sailak eta CCOOek, (gutxiengoan eta beste gainontzeko sindikatuen iritziaren kontra), sinatutako akordioari esker.

Banaketa honela gelditu da: tutoreak (63,75 euro), zikloko koordinatzaileak (57,91), zuzendariak (79,16), ikasketa buruak, idazkariak (43,75).

Gauzak horrela, Haur eta Lehen Hezkuntzan badago sektore bat bere burua banaketatik kanpo ikusi duena, espezialistena, hain zuzen. Egoera honek kolektibo honetan izugarrizko ezinegona sortu du haien lana gutxi baloratuta ikusi dutelako.

Ikastetxeen arduren banaketaren ikuspegitik, kolektibo honetako parte handi batek, nahiz eta askotan tutoretzaren funtzioa ez bete, ikastetxeetako beste funtsezko ardura batzuk aurrera eramaten ditu.

Pizgarrien banaketa desegoki honek ikastetxeetan apurketa bat suposatu du eta hau ez da batere onuragarria izango irakasleentzat zein ikastetxeentzat.

STEE-EILASetik jarraitzen dugu lana eta presioaren bidea jorratzen egoera injustu honi irtenbide egoki bat emateko. Honen inguruan ideiak eta iradokizunak jasotzeko prest gaude arazo hau konpontzeko asmoz. Honetarako deituko diren bilerak eta asanbladetan parte hartzeko gonbitea luzatzen dizuegu.

Ez gara isilduko!