Gaueko hitz bakartiak

2005eko abenduan ekin nion nire lehenengo blogari: Arantzatxu. Garai horretan lagun batek blogger plataformaz hitz egin zidan eta blog bat nola egin irakatsi eta bertan egin nuen. Ondoren, berriz, euskaraz egiteko beste plataforma batzuk ezagutu eta erabili ditut, baina Arantzatxu ez nuen lekuz aldatu, blogger-ean galduta zegoela jakin arren.
Egia esan, hasieran nahikotxu idazten nuen blogean, baina gero ez nuen hainbeste denbora hartu horretarako, lagun batek dioenez "premiazkoa egiteak galarazten baitu garrantzitsua egin ahal izatea", eta hori gertatu zitzaidan. Ia eguneroko kontutxoak astean behingoak bihurtu ziren eta, azkenean, hilean batekoak.
Egia esan ez dakit nolako maiztasunez idatziko dudan hemendik aurrera, baina bloga bizi ala hil egoeran zegoela sentitu nuenez, aldaketa batzuk sartu behar nituelakoan nengoen, eta bata hauxe izan da blogger-etik hona migratzera, euskal blogosferara.
Dena den aurrekoak irakurri nahi duenak aukera izango du alboko zutabean.