Argazkiak.org
Euskarazko fotolog zerbitzu librea
Argazkiak.org Doiketa teknikoak egin ditugu aste honetan Argazkiak.org webgunean. Horien ondorioz, tarteka gertatu den errore tekniko bat zuzenduko zela espero genuen. Erabiltzaileon artean batzuek nabarituko zenuten argazkia igo ondoren, ez zela bere irudirik agertzen, edo agian irudi partzial bat agertzen zela bakarrik. Mezua geratzen zen horrela, irudia prozesatzen bageunde bezala... baina ez zen prozesatzerik gertatzen, eta irudia igo gabe geratzen zen. Hori zuzendu dugula uste dugu. Igotako argazkien prozesatzeak huts egin dezake oraindik ere, baina hori gertatzen denena, itxaron-zerrenda baten jart...
Argazkiak.org sortu duen enpresak, CodeSyntaxek, ohitura du 2005etik CodeSyntax Eguna ospatzekoa. Uztaileko ostiral bat hartzen dugu lankide guztien artean egunpasa egiteko.Argazkiak.org | Meaztegi Kluba (Trapagaran, Bizkaia) © cc-by-sa: asarasuaAurten, goiza Trapagarango Zugaztieta auzoko Meaztegi golf klub publikoan praktikatzen ibili ginen. Eguerdian, Maite erretegian egin genuen babarrun-jana, Zugaztieta bertan, eta arratsaldez Max Center merkatalguneko bolatokian izan ginen txirloak botatzen nor baino nor amerikarrago.Eguneko irudiak etiketa honekin gordeko ditugu.
Dozena bat argazki eta hiruzpalau betatester erabilita hasi zena, pixkanaka hazi da. Asteburua igarota, 180 argazki daude datubasean, eta 92 erabiltzaile erregistratuta.Eskerrik asko lehen hornitzaileei. Batzuek benetan argazki ederrak eman dituzue, baina telefonoaren kalitate eskasagoarekin bada ere, testigantza polita izan daiteke argazki batek ematen duena. Hona, Tom Waitsen agerraldia Donostian joan den larunbatean, non argazkiak egitea debekatua egon zen: Argazkiak.org | Tom Waits Kursaalen © cc-by-sa: auggie
Sustatu eta Hitza.info Interneteko albistegietan hasi dugun publizitate kanpaina txiki baterako, CodeSyntax-eko bi lankidek egindako bi argazkirekin egin ditugu banner txiki horiek. Argazkiak.org | Pa! © cc-by-sa: asarasua Eskerrik asko Asier eta Zaloa! Argazkiak.org | Kristal urak © cc-by-sa: zaloa
Berria egunkarian azaldu da gaur Argazkiak.org, eta baita Sustatun ere. Horien eskutik etorriko ziren gaur erabiltzaile berriren batzuk... Hona Ibaizabalen itsasadarrean berrietako batek egin zuen argazkietako bat: Argazkiak.org | arratsaldea © cc-by-sa: jonezkurra Prentsaurrekorik gabe, horrenbeste aurkeztutzat emango dugu gure zerbitzu berria.
Gaur uztailak 8, hasi da martxan CodeSyntax enpresaren webgune berria, Argazkiak.org. Euskarazko fotolog zerbitzu librea da hau. Gorde eta partekartu nahi beste argazki, doan, mugarik gabe. Guztia, gainera, eduki librea da. Eta Blogak.com-en bidezko blog honen bitartez informatuko dugu bere eboluzioaz. Argazkiak.org | Iñaki © cc-by-sa: EraunzetaGonbidatuta zaudete bertan erregistratu eta zuen irudiak kargatzen hastera!
