bakarrizketan http://www.blogak.com/bakarrizketan pentsatu, ez sinistu... Getariako Gaztetape hondartza http://www.blogak.com/bakarrizketan/getariako-gaztetape-hondartza Getariako Gaztetape hondartza oso berezia da.
Behin bainu bat hartzera
hurbildu nintzen itsasertzera.
Betaurrekoak jantzita neuzkala konturatu nintzen.
Haitz baten gainean utzi eta
murgildu nintzen freskura ederrean.
Ateratakoan betaurrekoak falta!
Karramarroak ikusi nituen iheska.
Haiek eraman izango zizkidaten.

Geroztik egunkariak desagertu egiten zaizkio jendeari
uretako sartu-irteeretan.
Astero liburu bat ostu diotela salatu duenik bada.
Jehovako lekuko bati biblia desagertu zitzaion,
eta bera pozik.
Haitzartera hurbiltzen direnek kontatzen dute
karramarroek politikaz hitz egiten dietela,
Ibarretxeren planaren atal inkonstituzionalei buruz.
Surflariei taula hobeak non erosi gomendatzen diete.
Bikoteen ur azpiko ferekak sailkatzen dituzte
patologia sexualen arabera.
Ez dira mariskoaren aristokraziako partaide,
baina saiatzen dira euren maila soziala hobetzen.
Zaintzaileei burtsako gorabeherak
komentatzen dizkiete.
Behin Juan Mari Arzak aurkitu zuten uretan
eta genozida bat zela esan zioten.
Gauez haitzetara joan zen bikote batek
marihuana erretzen aurkitu zituen,
eta cannabisaren onurei buruzko hitzaldia
entzun behar izan zuten.

Karramarro irakurriek orain
mundua politagoa dela esaten duten arren,
zientzialariak oso kezkatuta dabiltza
espezie honen garapena dela-eta;
hori eragozteko, sei telebista aparailu
kokatu dituzte haitzetan
Haizearen Orraziko burdinak horretarako ekarrita.

]]> poesia http://www.blogak.com/bakarrizketan/getariako-gaztetape-hondartza#comments Pako Aristi Thu, 15 Mar 2007 21:39:00 +0100 Militantea eskiatzera doa http://www.blogak.com/bakarrizketan/militantea-eskiatzera-doa arratsaldean presoen aldeko manifan izan ondoren.
Rockeroa furgona berrian doa kontzertua ematera,
eta ordu txikietan sartuko da
amak goizean egin dion ohean.
Gazteak autobusean doaz Donostiako gaurko manifara
eta gauean bapo afaldu eta mozkortuko dira.
Funtzionarioa Chiapasera doa iraultzaren taupaden bila
urte osoan hiritar ernegatuoi
burokrazia tonak irentsarazi ondoren.
Gosearen aurka limosna eman duen kristauak
bi hilabeteko soldata botako du
udako apartamentuagatik.
Futbolariak dira jende xehearen miresmen eta eredu:
diruagatik euren burua
edonora saltzen duten mertzenarioak.
Gure historia aztertu duen ikerlari sutsuak
ez daki bere aurkikuntza jatorrizko hizkuntzan ematen.
Eskuineko parametroen erosotasunean bizi gara
baina herrialde iraultzaileekiko sentibera gaude beti:
aberatsak izanik prest gaude beti
pobreei pobreago izaten laguntzeko.
Gauza garrantzitsuak gazteleraz esanez
babesten dugu euskararen garrantzitxoa.
Hau da Euskal Herria:
burges putaz beteta dagoen
munduko herririk iraultzaileena. ]]> poesia http://www.blogak.com/bakarrizketan/militantea-eskiatzera-doa#comments Pako Aristi Thu, 15 Mar 2007 21:25:00 +0100