http://www.blogak.com/batekjakin Gazte baten pentsaerak http://www.blogak.com/batekjakin/batek-jakin-non-egon-zaren - Non sartu zara, aizu!
- Barkatu blogtxo, baina azterketak direla eta...
- Ai ama! Non daukazu zuk burua...
- Lasai, lasai, hemen naiz berriro eta.
- Hala bedi.

Ez dezazuela pentsatu ahaztua nuenik blogosfera hau. Banekien galaxia honen griña ez zitzaidala inoiz ere galduko; hemen naiz berriz.
Akaso gaur, akaso etzi... Idazteari ekingo diot; hala ere, batek jakin!
]]> batekjakin interesagarria http://www.blogak.com/batekjakin/batek-jakin-non-egon-zaren#comments batekjakin Fri, 16 Nov 2007 16:15:07 +0100 http://www.blogak.com/batekjakin/carvich "Bienvenido a Carvich" dio pankarta zuri batek. Barrurantz begiradatxoa: hainbat edadetu daude bertan; denak 70 urte baino gehiagokoak. Ah, zaharren egoitza bat da...

Madrilgo Carvich egoitzan hainbat edadetu zeuden; den-denak ziren oso atseginak, istorio asko zeukaten kontatzeko. Ia-ia txanda bat osatu zuten, agure bat beste baten atzean, bere istorioa munduratzeko zain.
Gustura entzuten ditut zaharren kontuak; beraiek txikiak zireneko istorio pila bat kontatu zidaten. Baina gehien arritu ninduena, Emilia izeneko agure batena izan zen. Hain zuzen ere, umezurtz gelditu omen zen 3 urte zituenan. Gerra garaietan asko sufritatutakoa da Emilia, berak zihoen bere osaba-izebak Frankoren tropa batek hil zituela, bere aurrean. Bere jostailu bakarra, amak oparitutako panpinatxoa zen; oraindik han zeukan, eta erakutsi egin zidan.
A ze gozamena. Orduak eta orduak pasatuko nituen zaharren gertakizun ikaragarri horiek entzuten; baina autobusa hartu behar nuen, Bilborantz.
Hori bai, agindu nien berriz Madrilera nindoanean handik pasatuko nintzela.
]]> batekjakin http://www.blogak.com/batekjakin/carvich#comments batekjakin Fri, 21 Sep 2007 21:37:02 +0200 http://www.blogak.com/batekjakin/mila-esker-mikel Karrikako auzoan baloiarekin nola ibiltzen ginen, gogoratzen? Momentu latza da hau neretzat, Mikel, baina badakigu esku onetan uzten zaitugula. Lagun zaitzala Jainkoak, lagun zaitzala zure bizitza berri horretan; gu, zurekin gaude, badakizu.
Zure laguna, Goian Bego.
]]> batekjakin http://www.blogak.com/batekjakin/mila-esker-mikel#comments batekjakin Thu, 20 Sep 2007 21:45:04 +0200 http://www.blogak.com/batekjakin/maldrilgo-ostera Atzo, medikuarekin nuen zita Madrilen; han izan nintzen. Medikuarengana joan, eta hiru ordu pasa ostean buelta; hasieran egun lasaia zela zirudien. Baina "Alcalá de Henares"-en nengoela, taxi bati eskua altxatu nion, para zedin. Isiltasunean gindoazen, baina berak bazekien ez nintzela bertakoa; gidariak. "¿De dónde eres?" galdetu zidan; "De Euskal Herria" neuk berari. Begirakuna arraro bat gurutzatu zidan, eta gelditu behar nintzen tokian gelditu ninduen; ez zidan, ez eskerrikasko, eta ez agurrik esan. Baina ez zen hori izan dena, ez zoritxarrez. "Calle Provenio" delako batera nindoan, autobusa hartzera eta ondotik pasa zitzaidan gizon batek eskuan neukan papel guztiak bota zizkidan lurrera; "Perdone usted".  Ez dakit zer pentsatu zuen, baina niri papelen bat irakurri orduko hasi zitzaidan arraro begiratzen. "¿Eres de la ETA?" esan zidan, beste ezer gabe. "¿Y tú eres gilipollas?" esan nion. Ordulariari begiratu, buelta erdia eman eta nire bidea jarraitu nuen; "fatxa zikiña".
Madrilen lehen aldiz izan naizena. Badakit orain zergatik diren Maldrildarrak hain fama txarrekoak; ez dut orokortzen, badakit jende on asko egongo dela. Baina ezin da ukatu, jende hau bezelakoak ere pila bat direla.
Zein urtetan bizi gara?
]]> batekjakin http://www.blogak.com/batekjakin/maldrilgo-ostera#comments batekjakin Thu, 20 Sep 2007 16:23:20 +0200 http://www.blogak.com/batekjakin/baratze-bat-nahi-deizut-egin "Baratze bat nahi deizut egin
Amets segeretuenekilan,
Liliak egun jauntsi ederrenetan
Mila kolorez dantzan bihotzetan."

Zergatik ote zait zaila, behin baino gehiagotan, nire sentimentuak adieraztea. Txikitatik esaten didate, "lotsatiegia zara", baina ez dakit zergatik, ez diet kasurik egiten. Nire irakasle izan zen Josu Apaolaza-k beti zihoen, "Altxatu burua, errealitatea ondo begiratu, eta salto egizu; disfrutatu!"; baiezkoa esaten nion, eta nola gainera. Baina ezin dut, ez naiz horretarako jaio.
Gaur melankoliatsuegi jeiki naiz, astelehena delako agian. Hala ere, ezin diot egunari bota erru guztia; egia da diodana, gaurko egunean tokatu zait esatea baina horrek ez du aldatzen nere izana.
Baratze bat nahiko nuke egin bai, lorez beterik, ametsez beterik. Mikel Urdangarinek ondo abesten du, arras ondo, Josuk esango zukeen modura..
]]> batekjakin http://www.blogak.com/batekjakin/baratze-bat-nahi-deizut-egin#comments batekjakin Mon, 17 Sep 2007 21:37:51 +0200 http://www.blogak.com/batekjakin/berriainfo-n-ere-badago-joxeluix Gaur bertan frogatu dut; egunkaria ireki eta han zegoen, denen prezentzian, gure Joxeluix-en marka. Web orriaren ere ikusgai daukazue, egin klik hemen ikusteko.
Gustatuko litzaidake, pila bat, Joxeluix berak ikusiko balu; ilusioa egingo lioke, bai horixe!
]]> joxeluix batekjakin http://www.blogak.com/batekjakin/berriainfo-n-ere-badago-joxeluix#comments batekjakin Mon, 17 Sep 2007 20:11:30 +0200 http://www.blogak.com/batekjakin/hau-da-hau-burukomina Atzo Mutrikun egon nintzen, Kalbarioak zirela eta Goitibeherak ikusi eta gaueko "txanda"-ra. Mutrikuko kaleen egoera dela eta, dena dago aldapaz josia, atletismoko korrikalarien entrenamentua baino gogorragoa egin zitzaidan: hankak hautsiak nituen. Eta hobe nuen hori soilik izango bazen, burua ere egoera berean nuelako.
1954. urtean, Jensson Ridich filosofalariak esan bezela, "Noches alegres, mañanas tristes". Arraroa egingo zaizue baina, atzo gauean esaldi horri biraka ibili nintzen, agian abestiren bat asmatuko nuen horrekin; alkoholaren efetuek edozer egiten dute.
Eta esan bezela orain hemen nago, ohean. Bai damutu ere.
]]> batekjakin http://www.blogak.com/batekjakin/hau-da-hau-burukomina#comments batekjakin Sun, 16 Sep 2007 17:39:07 +0200 http://www.blogak.com/batekjakin/espanolito-con-tinto Pello Zabalak bere blogean:
JOSU JON
gure patroi haundia,
Iñigon konpaiñia
fundatu eta dezu armatu,
ez da ez etsairik
jarriko zaizunik
iñolaz aurrean
gaurko egunean,
nahiz betor
Egibar deabrua
utzirik Gipuzkua.
Zure_ertzain bilauak
dirade aingeruak
zure gidaria
JOTA JOKA haundia.
Garaitu ditu
zure konpainiak
etsaiak.
Ez dauka Bizkaiak
ez Euskalerriak
ez dauka beldurrik
inongo aldetik.
Iñ...Urkullu hor dago
beti ernai dago,
dauka konpainia
armetan jarria
txispaz armaturik
ikurriña zabalik,
gau ta egun guk
zeozer transbertsal dezagun,
transbertsal gau ta egun,
gau ta egun!

Gau ta egun dio Pellok. Graziaren islada puntu bada abestia, baina teorikoki egia da; errefuxatu bat bezela alegia.
Bagenekin zer zen Imaz, bagenekien bai. Nire birraitonak esango zukeen modura, "Españolito con tinto".
]]> españolito tinto batekjakin con http://www.blogak.com/batekjakin/espanolito-con-tinto#comments batekjakin Fri, 14 Sep 2007 15:32:23 +0200 http://www.blogak.com/batekjakin/joxeluix-1 Kasualitateak ere barrua amildu zidan; bere albora joan, egun onak eman eta Santutxura joateko trena noiz datorren galdetu nion, euskaldun bat Le Mondue Parisko auzoan bezela, badakizu, galdu itxurak egiten. “Eskeyetatik jeisten bazea ikusikezu karteltxue hor aurrian” esan zidan. “Aiba la letxe” pentsatu nuen; nire kasualitatea ez da arrunta ez, hala iruditu zitzaidan behintzat.
Polizia, bilboko metro atarian, bakardadean eta gainera euskaraz dakiena.
“Listo Joxeluix, déjame la llave”  zihoen beste batek. Hau ere polizia zen, antza zenez txanda aldatu behar zion. Eta halaxe joan zen Joxeluix, bere maletatxoa hartu eta “ufada” bat tartekatuaz egin zion eskaileretan gora oinez egiteari. “Agur joxeluix, ondoloiñ” esan nuen neuk ere, barrenean badakizu.
Atzoko kontuak dira horiek, baina gaur ere metroa hartzera joan naizenean... Zein topatuko eta Joxeluix! Gaur hausartagoa izan naiz, eta “iepa” batekin agurtu dut gure baserritar polizia. ]]> bilbo joxeluix batekjakin metroa http://www.blogak.com/batekjakin/joxeluix-1#comments batekjakin Thu, 13 Sep 2007 20:27:35 +0200 http://www.blogak.com/batekjakin/sarrera-edo-batek-jakin Baina oso erraza iruditu zait; teknologia berrien aurrerapena gaur egun itzela dela ikusi dut gaur, hiru minutu eta lortu dut Internet delako honetan nire etxetxoa.
Batek jakin zer idatziko dudan; agian lagunarteko pasarteak, agian lehiotik ikusten dudan txoriaren txorrotxioa, agian... Batek jakin!
]]> batekjakin jakin batek sarrera ataria http://www.blogak.com/batekjakin/sarrera-edo-batek-jakin#comments batekjakin Thu, 13 Sep 2007 20:16:37 +0200