BERBA EIZU!

EHU Leioako Gizarte eta Komunikazio Zientzien Fakultatea eta Kafetegia

Liher Puente de la Cal — Wed, 02 Jan 2008 18:56:23 +0100

Hemen daukazue EHUko Leioako Gizarte eta Komunikazio Zientzien Fakultatea eta Kafetegia. Argazki eta bideoen bidez bideo honetan ikusi daitekenez gure fakultate eta kafetegiak beti daude koloretsu eta bizi. Segi dezala horrela, kar-kar-kar.

Liher Puente de la Cal, 2007ko abendua

Gizarte eta Komunikazio Zientzien fakultatean komunikaziorik ez

Libe Lombraña Iturregui — Sun, 09 Dec 2007 22:17:46 +0100

Duela bi aste inguru gure fakultatean (Gizarte eta Komunikazio zientzien fakultatean) hauteskundeak ospatu ziren, Ikasle Kontseiluaren baitan ordezkatuko gaituen taldea aukeratzeko asmoarekin.
Hautagaiak, Ikasle Abertzaleak, Unibertsiateko Ezkerra, Lurgorri eta ASI ziren.
Aste hartan, fakultatea, talde horietako batzuk egindako propagandaz josita ikus zitekeen eta talde desberdinek aurkezten zituzten urteko programen orri informatiboak ere eskuragarri genituen. Benetan, ez ninduen bat ere harritu fakultatean nabari zitekeen giro informatibo eta pertsuasibo horrek. Ez dakit nola bizi zituzten hauteskundeak gainerako fakultateek, baina gurea komunikazioaren fakultatea da!
Bi aste pasa dira eta oraindik askok ez dugu hauteskundeak irabazi zituen taldearen berri. Ez al da kontraesan bat komunikazioaren fakultatean komunikazio gabezia hain larriak egotea? Zer dela eta ez da komunikatu hauteskundeak nork irabazi zituen?
Bi erantzun baino ez zaizkit bururatzen:
- Ikasleak ordezkatzen gaituen Kontseilu hori ez da oso fidagarria edo serioa eta itxurak gordetzeko baino ez da egiten; beraz, kontseilu hori osatuko duen taldea zein den ez da garrantzizko gauza ez gaituelako ganoraz ordezkatuko. Hortaz hau izango litzateke neure buruari egin beharreko galdera nagusia: Zertarako bozkatu dut?
- Arazoren bat egon delako edo atzean ikasleok ezagutzen ez ditugun bestelako gai nahasi edo ilunak daudelako. Horrela bada, zergatik ez dugu ikasleok horren berri? Noiz eta nola konponduko da?
Niri behintzat, ikasle moduan, gai serioa iruditzen zait, unibertsitatearen barne gure interesak ordezkatuko dituzten eta gure alde aterako diren pertsonak aukeratzen ditugulako hauteskunde horiekin.

Hauteskunde programa desberdinak irakurtzeko, alderatzeko eta egun hartan bozkatzera joateko ardura hartu genuen ikasle guztiak emaitzaren zain gaude.

Olentzeroren etxea ireki dute Mungian

Liher Puente de la Cal — Wed, 05 Dec 2007 20:56:40 +0100

XVI. mendekoa izan arren, etxeak ezusteko modernoak ditu, besteak beste, ikus-entzunezko kontakizunak, joko birtualak eta erakusketa eta ekintza interaktiboak. Euskal Herriko ikazkin ospetsuena menditik Mungiako Udalak prestatu dion baserrira jaitsiko da eguerdian. Bere etxe berria, 'Olentzeroren baserria', Euskal Herriko lehen parke mitologikoaren barruan kokatutako 500 urteko baserria izango da. Landetxo Goikoa-Olentzeroren Baserrik (Izenaduba Basoa) balio arkitektoniko eta historiko handia dauka eta Euskal Herriko baserri zaharrenetakotzat jota dago.Ikusi nahi duenak 94.674.00.61 telefonora dei dezake.

Sotoa, behe-solairua eta lehenengo solairua zuhaitz izugarri batek zeharkatuta ditu baserri honek eta XVI. mendekoa izan arren, ezusteko moderno asko eskainiko ditu, besteak beste, ikus-entzunezko kontakizunak, joko birtualak eta erakusketa eta ekintza interaktiboak. Asteartetik igandera bitartean izango da zabalik.

Durangoko Azokaren 42. edizioa

Liher Puente de la Cal — Wed, 05 Dec 2007 18:39:22 +0100

Ukan euskararen birusak zabaldu ditu abenduaren 5eko goizeko 10:30etan Durangoko Azokako ateak. Ikastetxeetako ikasle eta irakasleak izan dira lehenengo bisitariak. Dena dela, edozein bisitarirentzako ditu irekiak ateak. Horretarako, 554 nobedade (395 liburu eta 74 disko) izango dira eskuragai. Aurten, baina, umorearen hiriburu ere izan nahi du aurten Durangok. Horretarako, eta umorea gai nagusi hartuta, hainbat ekitaldi antolatu dituzte Gerediaga elkarteko kideek.

Audioa ::: Jon Irazabal, Durangoko Azokako zuzendariari egindako elkarrizketa Euskadi Irratian.

Lurrak ohartarazten gaitu

Libe Lombraña Iturregui — Mon, 19 Nov 2007 16:24:13 +0100

Ostegunean Sidr zikloiak Bangladesh suntsitu zuen eta 3.000.000 pertsona barrualderantz eraman behar izan zituzten.Oraingoz dakiguna da 2500 pertsona inguru hil direla baina aditu batzuk diotenez 10000 hildakora hel daiteke zifra.
Honelako ezbeharrak gertatzen direnean amorrua sentitzen dut. Ez dakit gogoratzen duzuen duela gutxi aldaketa klimatikoari buruz hitz egin nuela eta une hartan esandakoa berriro errepikatzen dut: beti dira lurralde berdinak gure ongizatearen eta progresuaren ordainak jasan behar dituztenak.
Bangladesh munduko lurralderik pobreenetariko bat da eta ikerketa zientifikoek jakinarazi dutenez, hurrengo hamarkadetan 10 eta 30 milioi ebakuatu egongo dira gauzak horrela jarraitzen badira eta gainera lurraldearen %20 itsasoaren azpian geratzeko arriskua dago.
Datu hauek ikaragarriak dira!! Baina niri gehien harritzen nauena da lurralde garatuetan dugun kapazitatea gure bizitzarekin normaltasunez jarraitzeko. Lotsa-lotsa eginda egon beharko ginateke!! Gure erruagatik, milaka pertsona hiltzen dira munduan zehar egunero, bai pobreziak jota, bai guk eragindako aldaketa klimatikoak jota.
Dakizue gaur egun gu bezalako klase ertaineko pertsona batek duen ongizate maila mundu osoak izateko bost mundu beharko liratekeela? Bost mundu!!
Benetan herrialde garatuak makinak gara, dirua eta progresua egiteko makinak. Ez dugu bihotzik ez gupidarik.
Dakizue herrialde garatuetan bizi garenok gure ongizate maila pixka bat jaitsiko bagenu mundu osoak izan lezakeela ongizate maila bera? Hainbesterako izango litzateke gure bizitzeko erritmoa apur bat geldotzea? Bai, ez genituzke izango gaur egun ditugun gauza mordoa baina benetako pertsonak izango ginateke eta batzutan uste dut zoriontsuagoak ere izango ginatekeela. Azkenean denetarik izatea ilusioa amatatzen du eta gu ezerk edo inork harritzeko aukera suntsitzen du. Hainbeste gauza edukitzeak gizaki pasibo bihurtu gaitu, zer espero dezakegu jada denetarik badugu? Gutxigorekin bizitza zirraragarriagoa litzateke, dirua edukitzeari baino askoz ere garrantzi eta balio handiagoa emango geniekelako gauza txikiei eta batez ere, pertsonei.
Esnatzeko unea iritsi dela uste dut. Ez zaizkigu balio munduak berak bidaltzen dizkigun alertak gauzak aldatzen hasteko? Gertakari hauek guri zuzentzen dizkigu lurrak, gu baikara egoera aldatzeko aukera dugunok, herrialde horietan bizi direnek ezer gutxi egin dezakete eta.

Non daude nire anai jaioberriaren 2500€uroak?

Liher Puente de la Cal — Sun, 18 Nov 2007 15:56:14 +0100

Urte honetan onartu da jaioberrientzat 2500 €uro eskuratzeko aukera, baina ez da urte osoan aplikatuko, bakarrik Zapatero jaunak mezua igarri zuen hiletik aurrera, eta zer gertatzen da urte hasieran jaio zirenekin, edo are gehiago aurreko hilean jaio zirenentzat. Era honetako legeak ezin dira inondik ere egun konkretu batetik martxan jarri jaioberri bat ez baita egun bateko gauza, umea jaio egiten da eta haur pixoiak ez ditu soilik lehenengo hilean erabiltzen, biberoiak, sehaska, kapaza, arropa, esterilizatzeko pastillak, txertoak (ordaindu behar dira ere, arraroa ematen badu ere)… eta abar oso handi bat, nik esango nuke, nahiko handia dela eta dirua ez da zerutik etortzen.

Nire anaia urte honeko ekainaren 22an jaio zen eta lege berria uztailaren 1ean jartzen da martxan, ez urtarrilaren 1ean hasiera batean esan zen bezala, gobernuak aurrekontuko dirua koadratzeko hainbat trikimailu erabiltzen ditu, kasu honetakoa adibidez. Beraz, bederatzi egunengatik laguntzarik gertatzen gara. Zer gertatzen da, nire anaiak orain ia bost hilabeterekin ez duela horrelako laguntzarik behar. Dirudienez, berak ez du negarrik egiten gose denean, eta bakarrik doala komunera kaka egitera painalak erabili beharrean.

Gainera horretaz aparte gure kasuan lortzen ez dugun dirua handiagoa da, familia ugaritua gara orain (Danel ia bost hilabete, Eder 12 urtekoa eta ni), beraz diru laguntza 1000 €uro gehiagoetaz osatua egongo litzateke, familia ugarituei eta kasu bereziei gertatzen zaien bezala.

Hala ere, hau ez da erabili zitekeen sistemarik egokiena, familia bakoitzak errenta desberdinak izango ditu eta. Laguntza beraien egoeraren araberako izan beharko litzateke eta ez “ume-txeke” bakarrarekin 2500 edo 3500 kasu berezietarako.

Hemen usten dizuet nire anaiaren argazki pare bat, nahiz eta gobernua ez ohartu beraren existentziaz, gutxienez blog hau irakurtzen duzuenok hemen duzue nire anaiaren existentziaren berri.

GKE-ak jomugan

Libe Lombraña Iturregui — Sat, 17 Nov 2007 13:33:24 +0100

Aste honetan Gobernuz Kanpoko beste Erakunde bat berriro izan dugu albiste, baina zoritxarrez, ez egindako lanagatik, baizik eta Etiopiako umeak gaizki tratatzeagatik eta sexu-abusuagatik salatuta. Global Infantil da erakundearen izena eta bere zuzendaria ikertuko dute, umeek berarengandik tratu txarrak jasan dituztela salatu dutelako bi boluntariok.
Azken bolada honetan ohitu egin gara honelako berriak entzutera: lehenengo ANESVAD, gero INTERVIDA, ondoren EL ARCA DE ZOÈ eta azkena GLOBAL INFANTIL.
Gauza da, hedabideetan albiste diren gertakariak baino ez direla azaltzen eta kasu honetan, horrek kalte handia egiten diela GKE-ei. Miloika GKE daude mundu osoan zehar eta horietan, bizitzako esparru guztietan gertatzen den bezala, era guztietako pertsonak aurki ditzakegu: onak eta txarrak, zintzoak eta aprobetxategiak... Hori sahiestezina da.
Hala ere, ez dut uste hedabideek errua dutenik; hedabideek ezin dute plazaratu munduan gertatzen den guzti guztia eta horregatik albiste dena da jakinarazten digutena. Bestetik, egokia iruditzen zait horiek ikertzea eta irregulartasun guztien berri ematea, azken finean pertsona ugari daudelako GKE-ei dirua ematen eta horiek, gertatzen dena ezagutzeko eskubide osoa dute.
Baina esan behar dizuet kezkatuta nagoela GKE-en irudia asko desegin delako eta jendea mesfidantzaz gainezka dagoelako. Hemendik dei egiten dizuet GKE-engan konfidantza izatera, betiere informazioa eskatuz eta erabat ziurtatuz.
Kontutan izan behar dugu benetan lan egiten duten milaka legezko GKE daudela baita horietan parte hartzen duten bolondres desinteresatu ugari; nik uste dut guzti horiek gure laguntza eta babesa behar dutela, beharrezkoak direlako, gobernuek ezer gutxi egiten baitute. Ezin dugu pentsatu, lau GKE horiek ekintza ustelak aurrera eraman dituztelako gainerakoak berdin jokatuko dutela. Hori bai, orain badakigu, edozein erakundetan sartu baino lehen, oso garrantzitsua dela informazioa eskura izatea eta egiten duten lana ondo ezagutzea.

Kazetariak aire freskoaren bila beti

Liher Puente de la Cal — Fri, 16 Nov 2007 16:16:53 +0100

Blogeko gaia pixka bat aldatuko dut gaurkoan, baina uste dut merezi duela. Bariku honetan agur esan baitio Joseba Iriondok Euskal Telebistari. 'Gaur egun' albistegia aurkezten ikusi dugu urte askotan zehar Euskal Telebistako lehenengo katean, baina ez da horretara mugatu. Iraken kontrako gerran ere egon zen gerra korrespontsal moduan eta gerrari buruzko informazioa Euskal Herrira ekarri zigun egunero, horretaz aparte, liburu bat ere idatzi du horren inguruan eta han hemenka hitzaldiak ematen ere ibili izan da.

Ba esan bezala, hemendik aurrera ez dugu berriz ere bazkal orduko albistegian ikusiko free lance bezala egongo baita BBKan berak esan duen bezala. Baian ez da ETBko albistegia utzi eta beste enpresa handi batetara joan den bakarra, Julio Ibarrak ere Teleberria utzi zuen Bilboko Metroko harreman publikoko sailean lan egiteko. Egan egiten dute platoan lanean dauden kazetariak, askok kexatzen dira, oso lan neketsua dela eta kaleko kontaktua faltan botatzen dutela. Airea behar dute, Joseba Iriondok hori oso argi erakutsi zuen Irakera kazetari bezala joan zenean. Zorte ona izan dezala.

Bideoan duzue berak egindako azken albistegiko momentuak, bi aurkezleak, bera eta Maribel emozionatu egin ziren.

Sexo... con "seso"?

berbaeizu — Wed, 14 Nov 2007 16:13:47 +0100

Harrituta gelditu gara ikustean Sexo con seso kanpainak 6000 gazteei egindako elkarrizketen datuak ikustean. Ikerketa honetatik atera dituzten datuen arabera, 10 gazteetatik 4k ez dute metodo antisorgailurik erabiltzen! Arrazoi bagusiak? Momentuaren euforia eta lehenego aldian ez dela ezer gertatzen zabaldutako mitogatik!

Datuak hauek irakurtzean ahozabalik geratzea ez da arritzekoa; nola izan daiteke gaur halakorik gertatzea? berdina pentsatu behar izan dute Sexo con seso kanpainiaren egileok, eta sexua eta gazteen inguruko infirmazio ugari eskeintzeko hainbat ekintza egin dituzte.

http://www.sexoconseso.com/

Espero dugu, kanpaina hauen beharra gutxitzen joatea, eta hurrengoko inkestak bestelako datuak aurkeztea.

Naziak VS Antifaxistak

Libe Lombraña Iturregi — Tue, 13 Nov 2007 00:05:17 +0100

Dakizuenez, asteburuan Democracia Nacional talde faxistak etorkinen aurkako manifestazio bat antolatu zuen Madrilen. Hori dela eta, gazte talde antifaxista batek manifestazio horretan parte hartu zuen gazteetako bat aurkitu zuen metroan eta liskar egiten hasi zion. Une honetan piztu zen borroka eta mutil antifaxista baten heriotzarekin amaitu zen.
Lehenik eta behin esatea, faxismoaren aurka nagoela zeharo eta ez dudala ulertzen zelan oraindik egon daitezkeen bizi garen garaian, horrela pentsatzen duten pertsonak. Harritzekoa egiten zait ere, gobernuko ordezkaritzak, behintzat teorikoki estatu demokratiko batean gaudelako, manifestazio xenofobo bat baimentzea. Berdintasuna aldarrikatzea ez da gobernuak benetan nahi duena? Ala hori da soilik eman nahi duen irudia?
Hala ere, ez dut uste liskarra eta borroka denik faxismoarekin amaitzeko biderik hoberena. Batzutan ematen du bai talde naziek baita talde antifaxistek ere, bilatzen duten gauza bakarra dela bata besteari erasotzea eta horrek ez dauka zentzu gehiegirik.
Noski pertsona hauek defendatzen dituzten ideia xenofobo, arrazista, autoritarioak eta krudelak ez ditugula zertan jasan behar ezta onartu behar ere, baina pertsona bakoitzak bere ideologia eta pentsatzeko era du eta horiek ezin dira inadarrez aldatu. Gehienetan, probokazioa da talde hauek bilatzen dutena eta horretan sartzea maila berean jartzea litzateke; ergelkeri hutsa bere jokabidea kritikatzea bada gure asmoa, era berdinean jokatzen gabiltzalako eta horrek bere ideologia indartzea baino ez duelako ekartzen.
Pertsonen pentsatzeko era argudio sendoek baino ezin dute aldatu, eta ez borrokak.

Hemen uzten dizuet ikus dezazuen Democracia Nacional taldeak web orrialdean duen argazkia; etorkinak ardi beltz baten bitartez irudikatzea eta gainera ostiko bat ematen azaltzea mespretxuz betetako jokabide gaitzezgarria iruditzen zait.