Kaixo! Badaramagu hilabete batzuk alpertuta sarrerarik idatzi gabe, baina ez pentsa geldirik egon garenik. Trikitixa taldekook martxan gabiltza proiektu eta egitasmo berriekin. Bergarako jaiak datozela eta, Bergarako txosna batzordean sartzea erabaki dugu, aurrerago pentsatuta dauzkagun ekintzak aurrera eramateko sostengu ekonomikoa lortze aldera. Guri plazako txosnako txandak egokitu zaizkigu eta ordutegi lasaia. Beraz, txandatan esku bat botatzeko interesa duzuenok jarri gurekin harremanetan. Hauek dira urrengo hilabetetara begira dauzkagun ekintza proposamenak. Batzuk lantzen hasita gaude eta besteak urrengo hilabetetan landuko ditugunak.
Urriak 27an, Euskal Herriko trikitixa eguna ospatuko da Bergaran. Egun honen harira, bezperatan hainbat ekintza antolatu nahi ditugu herrian. Tartean, bezperan Joseba Tapiaren kontzertua antolatu nahi dugu.
Urtarrilan egin genuen afariak izandako arrakasta ikusirik, ekainak 29an Elusun antolatuko dugu urrengo afaria (udalekuen amaierarekin koinzidituz).
Otsailak 17 an (ostirala), kontzertu berezi bat antolatu dugu. Euskal Herriko bazter guztiak eta munduko hainbat txokotan izan diren Esne beltzako Xabi Solano (trikitilaria) eta DZ (Scrachak), ESNE BELTZA SOUND SYSTEM emanaldia eskeiniko dute. Emanaldi didaktikoa izango da. Bergarako gaztetxean izango da kontzertua, arratsaldeko 19.00tan. Sarrerak aurrez salgai daude, Depor, Bule eta Arrano tabernetan, 3€-tan. Momentuan ere sarrera batzuk salgai jarriko dira. Hona hemen beraien bideo batzuk:
Gaurkoan, 2010ko apirilan Soraluzen ospatu zen Debagoienako trikitixa eguneko bideo bat jarriko dizuegu. Trikian: Garazi eta Maitane Perkusioa eta ahotsa: Olatz Gitarra: Irene
San Sebastian egunez egin genuen lehen afaria eta ezin obeto joan zen. Aurrez trikitilariek kalean trikitixa doinuez alaitu zituzten. Ondoren tripa ondo bete ta gero, kantu ta dantza ez zen falta izan elkartean! Beste bat egiteko gogoz geratu ginen, beraz, uda aurretik errepikatu beharko da ezta?
Asteazken honetan, Euskal Telebistak oso modu berezian jarraituko
du aurtengo sagardoaren denboraldiaren irekiera. Julian Iantzik egingo
du denboraldiaren lehenengo txotx-a Petritegi sagardotegian eta Ilaski
Serranok emango du bertan biziko den giroaren berri. Gainera,
denboraldiari hasiera emateko Petritegin elkartuko diren hainbat
pertsonaia ezagunekin elkarrizketak eskainiko ditu Ilaskik, baita Julian
Iantziren lehenengo adierazpenak jaso ere.
Aldi berean, Mikel
Elizegi Egiluze sagardotegian egongo da eta bertan, bi dantza taldek,
Gozategi musika taldeak eta hainbat gonbidatuk denboraldairen hasiera
ospatuko dute. Gozategik bere disko berriaren hainbat abesti joko ditu,
baita betiko kantak ere, bertako giroa piztu eta gonbidatuak dantzan
jarriz. Mikel eta Ilaski harremanetan egongo dira denbora guztian,
hartara saioak sagardotegi batetik bestera egingo du salto, bietan
biziko den giroa tartekatuz.
'Txotx 2012!' asteazken honetan emitituko da 22:00etatik aurrera ETB-1en.
Gure burua aurkeztu ondoren eta 2012.urtea ate joka daukagula...antolatu dugun lehen ekintza aurkeztuko dizuegu: Trikitixa afaria. Trikitilari edota trikizale guztientzat aukera polita!
Eguna: Urtarrilak 20 (ostirala) Lekua: Artatse elkartea Prezioak: 12€ umeak eta 15€ nagusiak. Tikeak: Urtarrilak 9an jarriko dira salgai herriko tabernetan (beranduago konfirmatuko dizuegu tabernen izenak)
Bitartean, ondo amaitu urtea eta obeto hasi datorrena!
"Infernuko hauspoa", halaxe jarri zioten izena garai bateko apaizek trikitixari. Ez zuten oso gustuko itxuraz... hala ere, ez zuten isilarazterik lortu, infernu zaleak izan baikara beti! Bergaran ere gaur egun inoiz baino trikitilari gehiago dauzkagu, eta, honen harira, proiektu sendo hau sortu berri dugu: btbatzordea. Helburu nagusia Bergarako trikitixa mugimendu indartzea eta ekintza berriak antolatzea litzateke. "Bergarako trikitilariak" bloga ere egitasmo berria da, herriko trikitilari eta trikitizaleei zuzendutako gunea, hain zuzen ere. Hemendik aurrera, batzordearen gaineko informazio guztia eta oro har trikitixaren gainekoa ere eguneratuta izango duzue. Beraz, aurrera bolie! Altxaporru!
Bergarako trikitilari eta trikitizaleen bloga.
Bergarako btbatzordearen gunean zaude. Talde honek antolatutako ekintzen informazio eguneratua izango duzu bertan. Honez gain trikitixa munduko azken berriak ere bertan izango dituzu. Gozatu eta altza porru!
Trikitixa ez da betidanik izan euskal kulturaren parte. XIX. mende amaieran hasi zen trikitixa hedatzen. Iturri idatzietan 1889. urtean du bere lehen agerpena, hain zuzen ere, Urkiolako (Hego Euskal Herria) erromeria gaitzat duen idatzian Juan Carlos Guerrak aipatu zuen lehendabizikoz. Trikitixa, trikitia, soinu txikia edo eskusoinua bezala ere ezaguna den instrumentuaren jatorriari dagokionez, eztabaida ez dago itxita. Gehien nagusitu den teoria honako hau da: Trenbidea egitera Alpeetatik Euskal Herrira etorri ziren langileek ezagutarazi zutela Euskal Herrian trikitixa. Bada, trikitixaren jatorria eta hedapena Bizkaitik Gipuzkoarakoa izan zela defendatzen duenik ere. Kontuak kontu, trikitixak Euskal Herrian eta hemendik at hedapen nabarmena izan zuela garbi dago.
