ZIRT EDO ZART

Londonen bizi naizenetik denbora dezente igaro dut metroan (underground or tube) eta egia esan asko gustatzen zait eskolara metroan joatea.

Egia esan oso garestia da, bidai bakoitzak 2 libra balio ditu, 3 euro eta piko, baina oinez ezin ibil gaitezkeenez eta autobusak gehiago tardatzen duenez, ez dut beste aukerarik.

Metroan denetatik ikus daiteke. Nire geltokian (Notting Hill Gate), linea gorria edo central line hartzen dut eskolara joateko, goizero han aurkitzen dut gure eguneko lehen artista. Hare crisnas bat da, burua rapatuta eta tunika gorri batekin, gitarra eskuetan duela abesti zoragarriak eskaintzen dizkiguna. Aurrekoan "stand by me" famatua jotzen ari zen eta egia esan ondo abesten du tipoak, nahiz eta duen itxura oso barregarria izan.

Horrez gain metroak ingelesak nolakoak diren konturatzeko parada ematen du. Arauak oso argiak dira, ez zikindu metroa, zaharrei eseritzen utzi, ez trabarik egin eta ez jaleoa armatu. Horrelako zerbait eginez gero, bagoi guztiko begiradak zurenagatuko dituzu.

Bestalde, ezin ahaztu "mind the gap" esaldi famatu nahiz pedantea. Egunero 50 aldiz entzuten den esaldia da eta inglesa tutik ere ez dakien edonork ikasten duen lehen esaldia. Halere, youtuben salseatzen aritu naiz eta badirudi denek ez dutela gustuko metroa. Abestia kutrea da, baina letra bikaina benetan eta gainera erraz ulertzen da, nik eta guzti ulertu baitut!