Ametsez beteriko mundu bat

Interneten trasteatzen guk orain urte batzuk jeitxitako kainoi baten bideo batzuk topatu ditut. Althagneta Xuberoan dago. Kakuetta arroilarekin juntatzen da. Rapel ugari eta oso irristalariak. Ez naiz oroitzen 2001ean edo 2002an izan zen nire kainoietako garaiaren despedida. Nire urtebetetze bezperan beste kainoi batean 13 metroko erorketa bat sufritu eta gero (Zenbaki ederra istripu batetarako ezta?)hurrengo egunean, urtebetetze egunean bai, "Oltzarte Phista" kainoa jeitxi nuen opari moduan. Egun horretan eman nion agurra kainoien munduari (nire buruari egin diodan oparirik onenetakoa agian). Ala ere.... bideo hauek ikusita........Diosssssss ke monazoooo!!!!!!

Camille hartza gaixorik zegoela eta berri ugari atera zen egunkari, irrati eta telebistan orain dela denboratxo bat. Berri bolada horren aurretik beste berritxo bat egon zen ordea. Garde inguruan beste hartz bat ikusi zutenaren berria. Hartzaren jarraipena egiten hari diren basozainek bataiatu eta guzti egin zuten "ponciano" izenarekin. Hartz rubio eta osasuntsu bat omen zen. Canelle zenaren semea ote zenaren dudak egon ziren, Canellito beraz. Aspe ere izan liteke eta Nere ere bai.Ordudanik ez da besterik jakin.

"el Gobierno de Navarra ha marcado hábilmente las pautas de cuándo había que hablar del oso y cuándo había que callar. Se ha dosificado la información en función de los intereses del momento"

Ixiltasun "ofizial" bat sumatzen nuen. Camillek emandako arazoak medio bertako abeltzainak oso aserre agertu ziren eta beraiek lasaitu nahian a bombo y platillo Camille gaixorik zegoela eta gutxi iraungo zuela zabaldu zuten, egia da eta hori ezin ukatu baina; nola esan ingurukoei beste hartz batek dagoeneko bere lekua artu duela?

"¿Vive Camille ? Tengo mis dudas. Leo en los periódicos que está muy enfermo, incluso muestran su foto, supuestamente sacada el pasado 9 de abril, con sus cuartos traseros pelados como síntoma inequívoco de su enfermedad. Exactamente tal y como estaba hace algo más de un año cuando una enfermedad le dejó así, con ese aspecto.Permítanme decir, con todo el respeto del mundo, que no me lo creo."

Nahiz eta Camilleri agurra eman behar izanak pena eman, nire susmo guztiak bide honetik doazenaren seinaletxo bat topatu dut. Ideia honekin bakarra ez naizenaren seinale:

Canellito, Aspe, Nere, zarena zarela: EGURREEEEE!!!!

Diario de Noticias: "Camille" principio y fin

Urtero bezala Aizkorriko azken maldetan egon naiz argazkiak ateratzen. Zorionak parte hartzaile guztiei. Bertan ateratakoaren muestra txikitxo bat erakusten dizuet.








Diaporama jaisteko ondorengo linka erabili. 158mb inguru dira. Klikatu eta Megaupload zerbitzariaren orrira iritsiko zarete, bertan, goian 3 letra ikusiko dituzue, letra horiek bere eskuinean dagoen lehiatilan idatzi eta Download sakatu

Zegama Aizkorri 2008 Diaporama

Lasaitasuna transmititu nahian...


..

Maiatzeko zubi honetan Lakora gainetik ateratako panoramika duzue hau:

Beste hau berriz Lakora gauez Ipar izarra zentrutzat duela. 45 minutuko exposizioa.

1998. urtetik ona Erronkari Ibaxako basoetan ibili zaigun Camilleri, oraindik bizi den artean, tartetxo bat eskeini nahi nioke gaurko honetan. Bere azken egunetan gaudenaren sentsazio txarra dut. Papillon hartz arre zaharrak hil aurretik zuen konportamentu berbera erakusten du. Beraz...

Urte hartan, 1998,  Camille gure artean zebilela entzun nuenean izugarrizko poza sentitu nuen. Betidanik gustatu izan zaizkit hartzak, bereziki Pirinioetako hartz arrea. Baina Camillek biziki piztu zuen nigan beraienganako jakinmina;. dokumentalak, internet, liburuak, bai!  hartzen inguruko biologia liburuak erosi eta goitik behera ikasteraino. Elikadura, ugalketa, hibernazioa, habitata

Bakartia, misteriotsua, indartsua baina guzti horien gainetik jakintsu eta zuhurra. Munduko kultura askotan ageri da hartza.Migel Mari Elosegi basozain Leitzarraren  "Hartz arrea Pirinioetan" liburuan agertzen den kondaira zahar batek dioenez Ipar-mendebaldeko amerikar indioentzat hartza izan omen zen aintzinako gizakiei basoan bizirik irauten irakatsi ziena: hark adierazi omen zien zer jan eta zer ez, eta urte sasoi bakoitzean zein baliabide ustia zitzaketen. Baina negua lotan pasatzeko sekretua ikasi aurretik, beldurra medio, hartzak hiltzen hasi omen zen gizakia. Eta ordudanik hartzak lozorroan zeuden bitartean gizakiak gorriak eta bi ikusi behar izaten dugu neguko hotzari aurre egiteko.

Badira urte batzuk Belaguako basoetan barneratzen asi nintzela hartzaren magiak bultzaturik. Argazki kamera eskuan eta begiak lurrean oinatz edo beste arrastoren baten bila. Bide zidorren batean anka arrastoren bat topatu osteko zirrara ezin da deskribatu. Sentsazio izugarria da.

  

Azken egun hauek iritxi arte inork ez du lortu fisikoki zu ikusterik. Oinatzak, gorotzak, ileak etab bai baina zu fisikoki ez. Mamu baten antzera ibili zara gure artean. Ilusio asko piztu dituzu. Oraintxe bertan zuk zeuk eginiko "okerkeria" asko datozkit burura; Belaguako artzain bati erlauntzetatik eztia jan zenionekoa, radiotransmisorea ipintzeko arrapatu nahian gauero gauero pasatzen zinen bidezidor batean ipinitako 4 tranpak berauetan erori gabe pasa zenituenekoa, Uztarrotzeko plaza erdi erditik pasa zenuenekoa.... ezin ahaztu gosea dela medio jan dituzun  ardi gajoak.

Zu Belaguan ibiltzeak  inguru harekiko dudan arreman estua oraindik ere gehiago lotzea lortu du. Ukerdiko erreserba integrala (mila urtean atzera artxiboetan ez da ageri giza ustiaketarik Ukerdiko basoan) eta bere inguruak ezagutzera bultzatu ninduzun. Egun horietako batean Ukerdiko basoaren erdi erdian geundela ikusi genituen artz gorotzak, azeri mahatsez osaturiko botaka beroa eta entzundako oihu gogor hura ez ditut sekula ahaztuko (orein, basurde, kortzo eta bestelako animalia basatien oihuak entzunak nituen askotan aurretik eta hura ez zen izan horietako bat). Ordudanik lehen Belagua ikusten ez nuen modu berezi batean ikustea lortu duzu. Bailararen egoera osasuntsuaren bioindikadorerik hoberena zara. Bailararen kontserbazioaren aldeko borrokaren eragileetako bat.

Bizi arazi didazun guztiagatik, baso batean sartzen naizen bakoitzean ingurunea ulertu ahal izateko jakinmina pizteagatik, naturarekiko maitasun eta miresmena indartzen laguntzeagatik eta beste hainbat gauzengatik eskerrak eman nahi dizkizut zu gure ondotik joan aurretik.

Zure lekua ez da hutsik geratuko, badituzu lagunak inguruan. Zure jolas parkea zoragarria da eta Nere, Aspe Ouest edo Canellito gure artean izango direla zihur naiz Aztaperreta eta Ukerdiko azken hartz seinaleek adierazten duten bezala.

Agur eta ohore Camille!!!

Hauexek dira Aste Santu honetan Bretagnen ateratako argazkiak.
On egin!

Igande arratsaldean ateratako argazkia duzue hau. Marea goruntz zetorren eta olatuak geroz eta handiagoak ziren. Momentu batzuetan lurra jan behar zutela zirudien, hau nirea da esanez. Besterik gabe...

Ba hori, aurtengo argazki lehiaketan herriko saria lortu dudala argazki honekin. 90 eurotxo eta zeramikazko garaikurra.