denetik - borthuzai

"erori banaiz ere, gorantz erori naiz
nola urazaleratzen diren arrainak hiltzean
oroimena da urperatzen nauen beruna
ametsa, berriz, gorantz naraman zama astuna
aingura hegoduna"

Zaila da horrelako hitzekin hasten den diskorik aurkitzea. Handia da Anari eta azken diskako zuzenekoak izugarriak dira gainera

Erabat ados zuekin, anari harribitxi bat dugu.

Ni halere aurreko bi diskoekin geratzen naiz. dut-eko Xabi Strubel-en gitarrak gaur-gaurkoz euskal musikagintzan gaindiezinak direlakoan nago eta bere presentzia eta moldaketek anariren diskoak ezin hobe osatzen zituztela uste dut (nik neronek, xabiri bap!!-eko kideei baino garrantzia handiagoa emango nioke anariren bandan). Kontzertuak ere nahiago nituen berarekin. Ez dakit, ez zait gitarra berri hau gustatzen (ez naiz bere izenaz oroitzen, argazkiko eskuinekoa). Diska berrian Audience taldearen ukitua ere zenbaitetan gehiegizkoa edo nabarmenegia dela uste dut, eta Audience oso gustoko dut, baina anariren disko batetan… bi abesti Audience estiloan… ez dakit, ez dakit. (baño halare ikaragarri gustatzen zait hirugarren diska hau :-)

Anariren beste abesti baten hitzak ipini behar nituen, baina horrela hasten bagara ez dugu sekula amaituko. Edozein zatitan Play-ari eman eta edonor hunkitzeko moduko zatiak topatzen direlako. (zuek lasai ipini nahi baduzue noski :-)