Outkast eta Eskupelota (?!)

Aste Santuko opor hauetan izan naiz lehenengoz Artium-en. Bertan hiru erakusketa interesgarri ikusteko aukera izan dut.

Nik, Maitatu, pentsatu eta eutsi... erakusketan aurkitu ditut gehien gustatu zaizkidan lanak (besteak ere oso-oso interesgarria dira). Beti asmatzen duen Bill Viola-ren lan bat, Txomin Badiolaren beste bat… eta baita beste mordoska bat ere. Eta guzti hauen artean, zur eta lur utzi nauen Doug Aitken artista amerikarraren instalazio bat.

Ez nuen aurretik artista amerikar honen lana ezagutzen, eta asko gustatu zaidala aitortu behar dizuet. Wikipediak dioenez sari asko irabazia da (1999ko Veneziako Bienala barne) eta MOMArako ere ikus-entzunezko lan erraldoi bat espreski egina du. (60 seg.ko trailer-a)


MOMA-ko kanpokaldea

Gasteiz-en ikusgai duen Interiors (2002) lanean berriz, hiru pantaila aurki ditzakegu (azpiko irudian agertzen den bezala). Bakoitzean pertsona baten bideo irudiak agertzen dira, lehenik lasaiak (paisaia bati begira, oinez…) eta ondoren, creccendo baten bitartez, eta hiru pantailak sinkronizaturik, pertsonaia bat klaket-a dantzatzen hasten da, beste bat rap-eatzen… Zarata handi horren osteko lasaitasunarekin amaituz. Eta berriz ere hasten da dena beste pertsonaia batzuekin. Oso intentsoa dena. Oso ona.



Kontua da, rap-eatzailearen aurpegia ezaguna egiten zitzaidala. Ez nago ni mundu horretan sartua, baina badut rap zale itsu-itsua den lagun bat eta haren bitartez ezagutzen ditut bertako kontuak. Beno, ba interneten begira, rap-eatzailea Outkast taldeko Andrea3000 dela ikusi dut! Gogoratzen beraien “Hey ya!” abestia? Ziur baietz!



Eta ez hori bakarrik, hiru pantailetan agertzen zen pertsonaietako bat (eta post honen izenburua irakurriz erraz asko asma dezakezuenez ;-) ESKUPILOTA JOKATZEN ZUEN!

Gure artean horren erroturik dagoen joko honen hots eta perkusio erritmoez baliatzen da Doug Aitken bere instalaziorako. Kasu honetan hori bai, jokalaria, estilo handiegirik gabeko neska lirain bat da, eta soinean, winbeldon estiloko niki eta gona motz zuri batez gain, eskularruak ere badaramatza! Eskupilota Eskularruaz!? Benetan! :-O



Gero ikusi dut interneten eskupilota edo handball-a ez dela guren bakarrik ezaguna. 60-70 hamarkadetan New York-en ezaguna egin zela irlandar etorkinen eskutik… Gainera, Txinatar, australiar, galestar eta beste hainbat eretara jokatu omen liteke. (begira, begira!) Oso kuriosoa.

Eta horren frogak ere badaude interneten, noski!

- AEBko hadball elkartea
- Handball pilotak
- Estrategi eta teknika liburua :-)
- Argazkiak


Eskupilota Chinatown-en

eta VIDEOAK NOSKI!
Brooklyn-en grabatua