denetik - borthuzai

Ni, zuetako gehientxuenak bezalaxe, The Simpsons zale itsua naiz. Bertako txiste guztiak jakingo ditut honezkero, baina hala eta guztiz ere oraindik par egiten jarraitzen dut egunero beraiekin (beraietaz? gutaz?), badirudielako, Homer ez dela gogoratzen orain hiru hilabete ere hanka sartze bera egin zuela :-)

Oso onak dira. Baina lehen denboraldiak soilik. Zuek ere antzemango zenutenez, badago hor jauzi kualitatibo bat seriearen umorean. Beti esan izan dut hori, azken kapituloei ez diedala batere grazirik hartzen. Izan ere, badut Simpsons-ak baino Futurama gustokoago duen lagun bat (bai,bai! Badakit sinestezina dirudiela eta ez didazuela sinesten baina egia da! Futurama Simpsonak baino gustokoago!! Deitu medikuren bati mesedez! :-) eta sarritan eztabaidatu izan dut berarekin honetaz, nire ustez, Simpsons-en amaierako umorea Futuramatua dela, eta horregatik direla txarrak...

           

Eta halako batetan... TATXAN! Berriz ere wikipedia jainkoaren argiak itsutu nau.
Berak dioenez, bada The Simpsons-en Yoko Ono-a izan den Dana Gould izeneko produktore bat. Telesailaren ardura berak hartu zuenean egin omen zuen behera kapituloen kalitateak. Badakigu hortaz nori bota errua!

Baina beno, izenburua irakurri baduzue konturatuko zinetenez ez naiz post hau idazten hasi Dana Gould-etaz mintzatzeko. (beste bi txorrada esateko baizik:-)

Beti harritu nauen kontu bat izan da, futbola edo soccer-a estatu batuetan zabaltzeko saiakera baten berri ematen duen kapituluan agertzen dena. Bertan, gogoratzen bazarete (eta bestela berriz beheran duzue youtubetik hartutako videoa ;-) Mexico- Portugal partidaren propaganda egiten da, eta aipatzen dituzten jokalarien izenak hauek dira:
- Arriaga, Arriaga II, Barriaga
(Adiaga, Adiaga II, Badiaga beste batzuen ustez)

Begira! Begira!



Beti egin dit grazia futbola eta mexiko lotzea, mexiko eta abizen euskaldunak, eta abizen euskaldunekin I eta II egitea, pelotan bezalaxe :-) Kuriosoa da.

Gainera, partidaren iragarkian, hauek esaten dituzte:
"bajos marcadores y empates, claro que sí!"

Norbaiti entzun nion (eta erabat ados nator) futbolak estatu batuetan arrakastarik ez badu arrazoi horiegatik dela. Estatu batuarrentzat partida bat 0-0 edo 0-1 amaitzea ez delako batere interesgarria, partida oso batetan gol aukerarik ere ez egoteak ez dituela erakartzen, eta noski, berdinketen kontua! Estatubatuarrek irabazi egin beharra dutela, nahitanahiez, eta berdinketaren kontzeptua arrotza zaiela.

Baina beno, jarrai dezagun aurrera.

Gogoratzen bazarete, badago Homer lankide batetaz (erdi euskalduna berau ;-) maitemintzen den kapitulu bat. Neska gazte horren izena, Mindy Simmons da. Ez dakit berataz gogoratzen zareten:

Mindy Simmons

Beno ba, kontua da, latinoamerikan, Homer-i Homero deitzen dioten bezelaxe, Mindy Simmons-en izena bertan Margo Zavala dela!!! :-)   (bikoizketa originalean Michelle Pfeiffer-en ahotsaz gainera)

Ez dakit, wikipediaren arabera munduan lanpostu gehien izan dituen (127)  Homer eta Homero izen berdina direnez, ados, baina nolatan Mindy Simmons-etik Margo Zavala?

Egia esan ez dut erantzunik galdera honentzako. Izan ere, bikoizketa mexikarrean pertsonaiei izenak aldatzen zizkietela banekien, baina beti jarraitzen zuten halako "koherentzia" bat (zerbait esateagatik egia esan).

Star Wars-eko Luke Skywalker adibidez Luca Trotacielos da, edo Chiwacca Mascatabaco. Eta niretzat behintzat arrigarriena dena,
R2-D2 EZ DA ERREDOSDEDOS, ARTURITO BAIZIK!!!
Ingelesez R2-D2 "artwoditwo" ahoskatzen delako!!!

"Arturito"

Beno, horixe zen ba dena!
Wikipediak The Simpsons-i eskeitzen dien web orria gomendatu nahi nizueke azkenik, bertan, xelebrekeria asko agertzen direlako:

- Homer-ek 1.83m neurtzen duela (nik bezala!) eta 108 Kg. pisatzen (horretan urrun nabil, oraindik! :-)
- Homer-ek sortu zuen webgunea
- Duff zerbeza errealitatean badagoela (Mexikon)
- ...

 Duff zenbezen sortzailea
(mmmm... una fría y refrescante Duff...)