Emakumea Pilotari

Datorren larunbatean, azaroak 22, jokatuko dira Egian (Donostia) ezker hormako III. Emakumea Pilotari txapelketako finalerdiak. Guztira bi partidu jokatuko dira, 2. mailako bat eta 1. mailako beste bat, arratsaldeko 17:30ean hasita.

Neurketak oso garrantzitsu eta erabakigarriak izango dira, irabazleek finalerako txartela eskuratu eta galtzaileek, berriz, txapelketari agur esango diotelako.

Hona hemen partiden taula:

Maila bakoitzean ligaxka amaieran 2. eta 3. postuan sailkatutako bikoteak dira elkarren aurka jokatuko dutenak, lehen sailkatuak zuzenean igaro baitira azaroaren 29an Zarauzko Aritzbatalden jokatuko den finalera.

Bi donostiar arituko dira, bana maila bakoitzean. 1. mailan Estitxu Pierola eta 2.ean Arantza Elizegi. Biek ala biek dituzte finalean izateko aukerak, nahiz eta horretarako beltz lan egin beharko duten.

Finalak Zarauzko Aritzbatalde pilotalekuan jokatuko dira azaroaren 29an, arratsaldeko 17:30 inguruan hasita. Hona hemen sailkatuta dauden bikoteak:

Denok zaudete gonbidatuta.

Joan zen larunbatean, azaroaren 15ean, Urretxun jokatu zen ligaxkako azken jardunaldiarekin amaitu da lehen fasea.

5 jardunaldi jokatu dira guztira ligaxka honetan, urriaren 11n Amasako pilotalekuan txapelketa abian jarri zenetik. Tartean Ataungo Auzoeta, Tolosako Beotibar eta Oreretako Fanderia pilotalekuak ere bisitatu ditu neskaz osaturiko paletari talde honek.  

Hona hemen bi mailetan nola geratu diren sailkapenak:

1. maila

2. maila

Sailkapenean lehen postua eskuratutako bikoteak zuzenean sailkatu dira azaroaren 29an Zarauzko Aritzbatalde pilotalekuan jokatuko diren finaletara. 2 eta 3. postuetan sailkatuek, berriz, larunbat honetan bertan jokatuko dituzte finalerdietako partidak Egian (Donostia).

Asteak aurrera egin ahala emango dizuet honen berri.  

Iaz bezala, aurtengo denboraldian ere Ezker Hormako III. Emakumea Pilotari txapelketa Urretxura heldu da. Urriaren 11tik abian den txapelketa honetako ligaxka bertan amaituko da, hain zuzen ere. Beraz, ez da emoziorik faltako.

5 partida jokatuko dira arratsaldeko 15:30etatik aurrera. Lehen biak 1. mailakoak eta azken hirurak 2. mailakoak. Norgehiagoka ia guztietan ohi baino urduritasun eta presio gehiago izango dute jokalariek, finalerdietarako eta finalerako txartelak izango baitira jokoan. Une honetan 1. mailan 5 bikotetik 4k dute aukeraren bat eta bigarrenean 6tik 4k.

Hona hemen partiden taula:

Arratsaldeko lehen partidan arituko da Uxue Fernandez urretxuarra, Ainhoa Montes lagun duela, Echave-Argainen aurka. Echave arituko da min hartuta dagoen Randezen ordez. Partida parekatua espero dute, finalerako txartela baitago jokoan. Bigarren norgehiagokan, Pierola-Unanue eta Redondo-Gurrutxagaren artekoan, garaileak finalerdietarako bidea hartuko du. Baita hirugarrenean ere. Honenbestez, emozio handiko arratsaldea izatea espero da.

Beraz, neska federatuen gomazko paletako partidak ikusteko aukera paregabea daukazue larunbat honetan, azaroak 15, arratsaldeko 15:30etatik aurrera Urretxuko Ederrena pilotalekuan.

Urriaren azken asteburuan hasi eta batere etenik gabe ari da jokatzen Gipuzkoako neska jubenilen txapelketa. Hauek ere, nagusiek bezalaxe, gomazko paletan jarduten dute.

Partidak "etxean eta kanpoan" sistema jarraituz jokatzen dituzte, euren edo aurkariaren herrian. Hona hemen zein partidu dauden asteburu honetan.

Une honetan, 2 jardunaldi jokatu eta 5 jokatzeke daudenean, honela dago sailkapena: