Burdinazko izaratan

Errutina?? pfff

Ez daukaguna nahi izaten degula geroz ta argiago det...

Beti gabiltza errutinatik ihesi, daukagunetik baino, ari garenetik alde egin nahian.
Kontua da errutina beti ez dela goizeko seietan iratzargailua madarikatzea, dutxatzea, gosaltzea... automatikoki, errobot baten gisan.
Badira, eta esan dut, iratzargailua programatzeaz oroituko ote diren intrigaz bizi diren metalezko bihotzak, oinak doazkienak batek daki nora, esnatzen direnak, lokartzen direnak, momentuan dauden hiriko airearen erritmora.

Ahaztu zaie zer den automatikoki garbitzea goizero hortzak Baina automatak dira, egunero berdina egitea errutina bada, egun oro ezberdina izatea ere errutina delako. Ezberdintasun errepikakorra.

Orain badakit ez gaituela berdintasunak aspertzen, errepikak baino.
Daukaguna errepika bada, arrazoi duzu.

.

Daukaguna errepika ez bihurtzea izango da kontua, orduan. Egunero berdin diren une horien artean zerbait berria bilatzea, beharbada; errutinaren kaiolatik at dagoen edozer... Une bat. Irribarre bat. Blog batean irakurritako esaldi bakarti baina trinko bat. Nik aurkitu berri dut horietako txoko bat...