Sartu barrura laguna, odolki aza ta babarruna!

-Nire liburuetaz asperturik nago.. -Ez daukat denborarik erostera joateko.. -Orain krisia dela eta ezin dut dirua liburuetan gastatu… BLA BLA BLA!! Aitzekiak denak!

Etxeluze Gaztetxeak irakurtzea gustuko duzuen guztientzat eta aurretik aipatutako arrazoi ustel horiei erantzuna emanez, liburu ibiltariak zabalduko ditu Euskal Herritik abentura berrien bila!!

-Etaa.. zer da liburu ibiltariaren kontu hori??

-Etxeluze Gaztetxeak hainbat liburu utziko ditu inguruko txoko ezberdinetan, nahi duenak irakurri eta nola ez, beste nonbait uzteko irakurle berrien bila!

-Eta nola dakigu zein diren Gaztetxeko liburuak?

-Liburu guztiek Etxeluze Gaztetxeko logoa eta etiketa bat eramango dute, honen moduan:

Beraz, etxean askotan irakurritako eta iadanik behar ez dituzun liburuak, zuen gustukoak besteren batek irakurtzea nahi baduzue… Orioko Etxeluze Gaztetxearentzat liburu guzti horiek Liburu Ibiltari bilakatzea ohore bat izango da inguruko herrietatik zabaltzeko!

Lan eta lan jardun ziren orio eta getariar gazteak igeltsuaren inguruan ikasiz Etxeluze apaintzen! Mila esker bertara gerturatu zeineten guztiei eta baita irakasleari ere!! Ea hurrengoan gehiago bertaratzen garen!

Giro paregabea joan den ostiralekoa!
Kontzertu bikainak eskaini zizkiguten Morphina eta Kasik taldeek!! Eta ahaztu gabe, eskerrik asko inguruko herrietatik berturatu ziren guztiei ere!
Jarraian, Mikel Fernandez argazkilariaren eskutik gaueko argazki batzuk:

• Morphina

• Kasik

   Ez dakit zergatik, ia eztabaida guztietan aditzen dudan azken esaldia den; “zuk zurea eta nik nirea, baina biak dira onargarri”. Ño! Espresio hau kasu guztietan erabiltzea, ez dela baliagarri esango nuke. Eztabaida gai batzuetan baliagarri izan liteke, baina zoritxarrez, erlatibismoaren alderdi hau eztabaida guztietara zabaltzen ari gara eta ez dut uste, moral eta etika kontuetan, “zuk zurea eta nik nirea” espresioak balio duenik.

   Egia da gustuez hitz egiten dugunean, iritzi ezberdinak egon daitezkeela: Ea zakilaren neurriak inporta duen ala ez, gustu kontua denez, gizon edo emakume batek baietz esan lezake, eta besteren batek aldiz jostagarria den bitartean ezetz. Koadrilako afaria bat egiteko menua aukeratzean, oilaskoa saltsan edo erreta, nola den hobea eztabaidatzean, baliagarria litzateke. Bina lehen esan bezala, moral eta etika alorretan ez.

   Imajina dezagun, arrazakeriaz, homofobiaz, genero indarkeriaz, birziklatzeaz… edo estiloko beste gai batetaz hizketan dihardugula lagun batekin, taberna batetan; Onar al genezake gure lagun horrek, etorkinak gutxiestea eta beraien jatorrizko herrira bidaltzeko jarrera edukitzea. Edo homosexualak gaixoak direla argudiatzea, edo matxista izatea eta bere bikotekidea bere zerbitzura edukitzea, edo klima aldaketa ez dela egia eta ez dela birziklatu behar esatea edo… 

   Ildo beretik, bada puri-purian dagoen estabaida gai bat ere, historia. Orain Euskal Herriko historia idatzi behar omen da. Historiako protagonista ezberdinek, ikuspuntu ezberdinekin, bando ezberdinetakoak, denek nahi dute idatzi histroia. Bakoitzak bere modura gainera. Bakoitzak bere ikuspuntuak eta baloreak errelatoen kontaketen bidez zabaldu nahi ditu. Nolabait esateko irabazleen eta  galtzaileen historia bat sortzeko arrisku larria dago. Eta arazo hau onartezina da, historia bakarra izan zelako eta beste narrazio pertsonal guztiak interpretazioz beteriko narratibak direlako.

   Beraz kontuz ibili erlatibismoarekin, dena errespetagarri den ideiarekin, zuk zurea eta nik nirea esaldiarekin. Besterik gabe, hiru minutu inguru hausnartzeko arrazoirik eman badizuet bete dut nire helburua, ondo izan. 

EGOITZ DORRONSORO