Lehortetik ihesi http://www.blogak.com/euritan ...zertan dira ispiluak begiratzen ez diegunean... Naizena http://www.blogak.com/euritan/izatea Hizkuntzaren galbahetik igarotzea lortzen duten hitzek osatzen dute besteentzat naizena. Zirrikituak igarotzeko baldarregiak diren ideiek neuretzat naizena. Bi izate, sarri batzen zailak..

Eta ideiok ehotzen dijoazkit egunak.. estutzen nauzulako, neuretzat naizen hori ezagutu nahian. Neke gozoa biona.

]]> http://www.blogak.com/euritan/izatea#comments euritan Tue, 19 Oct 2010 18:17:45 +0200 bidean-bidean http://www.blogak.com/euritan/bidean-bidean

Pentsatzen hasia naiz patuaren esistentziaz kabroikeriaren bat egiten digunean soilik ohartzen garela. Bitartean, inkonsziente koitaduak, libre garela iruditzen zaigu.

]]> http://www.blogak.com/euritan/bidean-bidean#comments euritan Mon, 06 Sep 2010 01:25:38 +0200 Behin Parisen http://www.blogak.com/euritan/behin-parisen Irakurri dut Simone de Beauvoir eta Jean Paul Sartrek Montparnasseko Royal Bretagne hotelean bizi izan nahi izan zutela atzera Parisa bizitzera itzuli ziren batean (1937 inguruan).

Honelaxe irakurri dut: "bakoitzak bere gela propioa zuen: intimitatearen eta bakardadearen plazerei uko egin ez eta gertu egoteari probetxu ateratzeko formula erosoa".

Sekula  baino bizimodu indibidualistagoa dugun honetan bakardadeak nabarmen izutzen gaitu. Ez gara gu geuri aurre egiteko gai. Eta lagunarenganakoan ere ez dugu asmatzen. Osoki entregatzen gara: diberti nazazu, elika nazazu, maita nazazu, masturba nazazu, konta iezadazu, erantzi nazazu, etor zaitez, jo iezadazu larrua, atera iezadazu tragoa, babes nazazu, josi itzazu nire zuloak, senda itzazu nire zauriak.

Irentsi ezazu nire askatasuna, ez naiz-eta bera kudeatzeko gai.

Geure bizi-filosofiaren abandonoa, pobrezia eta idorreria.

]]> http://www.blogak.com/euritan/behin-parisen#comments euritan Wed, 21 Jul 2010 19:13:33 +0200 Kakalarria http://www.blogak.com/euritan/kakalarria

Euria ari duenean sentitzen dut neure burua mintzeko grina ilun bat.

Halako zerbait, samin bilatua, ilustrazio zirriborrotsua, albiste txarren liseritze gozorako prest nagoela, olatuen gainbeheraren frakasoarekin bat egingo banu bezala.

Grabitatearen lana onartu gabe, hondarretara erretiratzeko behar hori. Nork ez luke esponjatan desagertua izan nahi behin amaiera asimilatu ondoren.

Iritzi zorrotzen zauria. Agian euria ari duelako da. Edo uste baino ahulagoa naizelako.

Aditzik bako esaldia, deskribapen hutsa ote da gure historia?

Etorkizun estatikoak kakalarritzen nau.

Batez ere.

]]> http://www.blogak.com/euritan/kakalarria#comments euritan Mon, 03 May 2010 15:03:46 +0200 Autokreazioa autodestrukzioa http://www.blogak.com/euritan/autokreazioa-autodestrukzioa

]]> http://www.blogak.com/euritan/autokreazioa-autodestrukzioa#comments euritan Sun, 25 Apr 2010 23:19:22 +0200 Haize bolada http://www.blogak.com/euritan/haize-bolada

Instant bateko ufadak zenbat gauza eraman ditzakeen airean...

]]> http://www.blogak.com/euritan/haize-bolada#comments euritan Mon, 19 Apr 2010 22:28:23 +0200 Ihesa http://www.blogak.com/euritan/ihesa

Haize hegoak,

grabitateari eta inertziari eginiko boikotak,

oin nekatuen ihes gogoak...

ez dakit zerk naraman.

Tripeko miñez,

katerik eza bailitzan loturarik astunena.

Jausteko beldur, hegan.

]]> http://www.blogak.com/euritan/ihesa#comments euritan Sun, 18 Apr 2010 11:14:15 +0200 Ekilore transgenikoak http://www.blogak.com/euritan/ekilore-transgenikoak  banksy

]]> http://www.blogak.com/euritan/ekilore-transgenikoak#comments euritan Mon, 12 Apr 2010 23:40:20 +0200 Ekaitza http://www.blogak.com/euritan/balantza

 

Zelan eramango nauzu haraino?

Nola, arrastaka, herresta narratsean narras…

Suntsitze nauzu barrutik

samin izengabe

hitz ederren eskale

eta zauri odola baino ez didazu erauzten.

Zurrupatzen

banpiro baten eran

Bizitza lapurtzeraino.

 

Voz en off estiloan dirauzu presente.

Ez zait gustatzen.

Oka eta negarra

biak, nor baino nor.

Lehertzen ez baitakit, nolabait hustu behar.

 

Zientziaren dogmak gabesten ditut sentimentuen esparruan

Nondik hasi nora jo

parametro eztabaidaezinen bat.

Dena litzateke errazagoa.

 

Sistemak ikustezintzen nau

inoren mesedetan

hodeitik hodeira zubiak nola eraiki pentsatzen dirautenen ahanzturan

hantxe topatu naiz ados ez dauden besteekin.

Hala ere, ez gara hizkuntza berean mintzo.

Babel madarikatu hura.

Nortasun ezberdinena ere zigorra ote?

 

Txikitatiko bidearen pausalekuetatik atzeko parajeari ateratako argazkia da nortasuna.

Norbera.

Nor izatera daramana

sarri,

izaten jakin gabe,

gaizki izatera.

 

Geldirik egonda soilik kabitzen gara eskemetan

Gizakia animalia antisoziala,

burbuila propioa behar izatera iritsi da eboluzioan zehar

Gizakia ezinegonak jotako animalia

nora jakin gabe badoa,

aurrera, gor, mutu, itsu…

arre

minari amen.

Hala izan behar balu bezala.

 

Gehiegizko askatasunean aukeratzeko aukerarik gabe

inertziaren errazkeriara eroria.

 

Maitasuna eta gorrotoa sentimentu legalak dira.

Gainerakoei izenik ere ez.

Existitzen ere ez diete laga,

Ez digute laga,

Ez baita komeni.

 

Beldur banaiz, ixilik behar dut beldur izan.

Eta ixiltzera noa.

  

Neurri bako piroteknia.

Arriskua.

]]> http://www.blogak.com/euritan/balantza#comments euritan Wed, 07 Apr 2010 12:13:01 +0200 Ezkutaketan http://www.blogak.com/euritan/ezkutaketan Xiringa zikinez beteta daude kale bazterrak. Bi haur dabiltza ezkutaketan. Eta zu leihotik haiei begira, zigarroak iraun artean. Neskak begiak estali ditu eta hormara begira arabieraz zenbatu du. Mutikoa korrika hasi da, oso ondo nora ez dakiela. Neskatoak amaitu du. Mutikoak ez du erabaki. Eta etxe karratuaren bueltan korrika darrai. Ez du atzera begiratzen, jende olatuaren uretan deskantsatu du azkenean. Badator neskatoa, heldu da, eta metro gutxitara daude elkarrengandik. Ozen hitz egiten duten sei bat gizon doaz pasieran. Mutikoa haien atzetik abiatu da, disimuloz. Neska autopeetan eta zabor tartean dabil begira. Mutikoa haren ondotik pasa da. Ez du ikusi. Etxe karratuari buelta bat gehiago eman dio, orain mezatara doazen gazte batzuen tartean doa, bera ere erdi oihuka. Neskatoak ez du ikusi, espaloiaren parte den odol tanta bezain arrunt egin zaio. Mutikoa, apurka, ikustezin izatera ohitu da. Neskatoa bila dabilena ez aurkitzera.

Eta geroz eta zailagoa egingo zaie elkar aurkitzea.

]]> http://www.blogak.com/euritan/ezkutaketan#comments euritan Sun, 24 Jan 2010 14:04:44 +0100