EUSKARAZOAK

Aspertuta nago, beti lelo berarekin dabiltza eta. Munduan zehar pasatzen den edozer gauza, gizaki arruntaren errua. Beti guregan jartzen digute gaitza. Eta azkenean geuk izan behar dugu, arazoak konpondu behar ditugunok

Radio Euskadin klima-aldaketari buruz inkesta-ikerketa bat egin dute.

Inkesta honen arabera biztanleek nahiz eta klima-aldaketa famatu honetan arazo larri ikusi, ez dute bizimodua aldatu nahi.

Hori bai bekatu mortala

Jakintsu batzuen iritziz gizaki arruntaren bizimodua aldatzea derrigorrezkoa da, gainean dauzkagun arazo larri guztiak eteteko

Guregan beti ardura eta errua.

Gure bizimodua aldatzen ari da eten gabe, baina gure eskuetan ez daukagu bizimodu honen gida, batzuek horrela dela esan arren.

Gizarte moderno honetan erabat  telegidatuta gaude eta azken boladan telegidatzen gaituztenen ausardia handitu da nabarmen.

Eskema sinple batekin beraiek nahi dutena eragitera gaituzte: hainbat hedabide erabiliz, edozer gauza edo arazoa azaltzen dute eta guregan errua botatzen dute, eta nahiz eta benetako soluzioa beste arlo batean egon, guri eskatuko dizkigute elkartasuna, laguntza eta azken finean dirua, gakoa, beste gauzetan bezala dirua da eta.

Bitartean multinazionalek eta munduko Estatu boteretsuek lasai-lasai, nahi dutena egiten