Garaigoikoa

Arrazoi duzu,Txerra. Harritzeko eta kezkatzeko modukoa da. Egiten dugun (eskolan, familietan, aisialdian, hedabideetan...) kultur transmisioaren inguruan hausnartu beharko genuke. Adibide gisa iaz Debako institutuan keezkatuta utzi ninduen beste "anekdota" bat. DBH-ko bigarren mailako hiru taldetan (60 gazte) Xabier Silveirak prestatutako "MC Txirrita" DVD-a jarri nien. Bertan, euskarazko raparen errepaso bat egiten da bertsolaritzarekin lotuz. Une batean, euskarazko rapa eta bertsolaritza lotu zuen lehen taldea agertzen da: Negu Gorriak. DVD-a gelditu nuen eta gazteei taldearen izenaz galdetu nien. Inork ez zuen taldea ezagutzen. Kontutan hartuta Negu Gorriak erreferentziazko taldea izan dela Euskal Herrian eta nazioartean, ez al da euskal kultur transmisioaren inguruan hausnartzeko datu esanguratsua?.

Ba bai, Jaime hala da. Eta ez gara kezkatuta gauden bakarrak. Gainetik bada ere, Euskal Kulturgintzaren Transmisiorako gradu-ondokoa segitzen ari naiz sarean eta behin eta berriro agertu den kezka da. Pentsatu beharko da zelan egin zuten eta zelan egiten ari garen geu trasmisioa.

Negu gorrietan jaio ginenok, dut eta naiz aditzak ezberdintzen ikasi dugunok, deabruak ere etxe gainetan ibiltzen direla dakigunok, artoaren izen zientifikoa ikasi dugunok, berri onak barik txarrak maite ditugunok, adorea eta kemena Iparraldean zer den ikusi dugunok, babarrunak eta aza popularrak jaten ditugunok, gauzak ozenki esan eta metatzen ditugunok, bizarra daukagunok, loreak zaraman topatu ditugunok, amari sei eta eskaleei zazpi eskatzen dizkiegunok, anestesia baldin bada danba eta danba egiten dugunok, emeak maite dugunok .... hori dana transmititzen ez badugu jakin, nork egin behar du????? Eskolak???? Aisialdi talde antolatuek???? Inork leitzen ez dituen hedabideak???? Inork ikusi edo entzuten ez dituen hedabideak???? Gure auzo eta herrietako tabernek????

Eskola, tabernak, hedabideak, asiaildi taldeak... ez dira ente abstraktuak. Zure hasierako hitzak ulertu ditugunok eskoletan, familietan, hedabideetan, aisialdiko elkarteetan, tabernetan, alderdi politikoetan, instituzioetan...gaude. Eta zuk diozun moduan, ziur aski, guk daukagu arlo guzti hauetan kultur transmisio egoki baten alde lan egiteko ardura nagusiena. Hori zen aurreko erantzunan azaldu nahi nuena: "Egiten dugun (eskolan, familietan, aisialdian, hedabideetan...) kultur transmisioaren inguruan hausnartu beharko genuke".