Nire ustez, hala ere, polemikaren terminoak ez daude ondo planteatuta. Izan ere, arazoa ez datza tituluak ematean edo ez ematean. Arazoa da eskolak ez duela euskalduntzen. Eta tituluak emanda ere, jarraituko du euskaldundu barik.
Benetako arazo horri heldu ezean, jai dugu. Tituluez eta abarrez aritu gaitezke luzaz, baina muinari haginka egin barik jarraituko dugu. Eta aspaldian idatzitako artikulu batekin oroitu naiz berriro ere.
Erantzunak
Horren ondoan tituluen kontu hori txikikeria besterik ez da. Eskolak bere mugak ditu eta muga horiek zabaltzeko lan egin beharko dugu.
Tituluak oparitzearena, baina, laguntzeko baino, kalterako izango dela iruditu zaigu batzuei. Lehen eskolatik euskara ikasi gabe ateratzen ziren batzuk euskaltegi eta hizkuntza eskoletara jotzen zuten bigarren aukeraren bila. Baten batek auzitara eraman zuen hezkuntza saila euskara ikastetik baztertua sentitu zelako.
http://www.berria.info/albisteak/15206/.htm
Tituluak oparitzearen "abantaila" nagusiena; bigarren aukera horren beharrik eza. Titulua automatikoki esleituz gero, euskaltegiak eta hizkuntza eskolak kanpotarrentzat bakarrik zabalik mantendu beharko. Gure hizkuntza sistematik ateratako gehienak, A eredukoak ez direnak behintzat, ofizialki euskalduntzat hartuko dira.
Eta mamia horixe, jakina, "eskolak ez duela euskalduntzen". Ofizialki euskalduntzat hartuko diren asko, euskara gaitasun eskasekoak izango direla.
Nork: gorkaazk.2011/10/07 13:18:26.229 GMT+2
http://bihardaberandu.wordpress.com
Nork: txerra.2011/10/10 15:37:08.465 GMT+2
http://www.blogak.com/garaigoikoa