Gasteizko bertso kontuak

BERTSO ABENTURA BARRIAN!!

EKAITZ SAMANIEGO BERTSO-ESKOLETAN

 

Ekaitz Samaniego 21 urteko gazte gasteiztarra da, orain dela bospasei urte hasi zen bertso eskolan eta ordutik etengabea izan da Arabako Bertsozale Elkartearekin duen harremana. Kurtso honetan ere ume taldeak bertsozaletzen aritu da, hiru bertso eskolaren irakaslea baita. Eskolarteko adina pasa aurretik ere, Eskolartekoa bera antolatzen, montatzen... aritzeko prest egon da beti. Saio antolatzaile nekaezina, barnetegiko begirale, BERTXOKOko esatari, irakasle, langile porrokatua... ezinbesteko pertsona gure eguneroko jardunean, eta dena, irria ahoan.

 

Orain, Audientzia Nazionalak emandako epaia berretsi du Auzitegi Gorenak, bi urte kale ekintza batengatik eta sei urte SEGIko kide izatearren, guztira zortzi urte etxetik eta bertso-eskoletatik kanpo.

 

Arabako Bertsozale Elkartetik orain arte gurekin egindako lana nabarmendu eta guretzat galera handia dakarrela azpimarratu nahi genuke.

 

Ekaitz, jaso ezazu gure eskerrik beroena egiten duzun lanarengatik, besarkada bat.

 

ARABAKO BERTSOZALE ELKARTEA

 

Ekaitz maite zaitugu 

 

Euskararen eguna aitzakiatzat hartuta abenduaren 2an bertso rap emanaldia izan zen Gasteizko alde zaharreko tabernan. Ekaitz Samaniego, Iñaki Viñaspre eta Iker Pastor bertsolariak aritu ziren 121 Krew talde bizkaitarrarekin batera.

 

Bertxoko sariketa berriz ere gurean da.
Pasa den astean jokatu zen lehenengo finalaurrekoa Gasteizen. Bertan, Peio Ormazabal, Aimar Karrika, Amaia Lasaga, Jagoba Apaolaza, Ainhoa Mujika eta Ekaitz Samaniego, Beñat Goitiaren esanetara. Agurretik harritu zuten publikoa bertsolariek, saioa ederra izan zen, ale gogoangarririk ere utzi zuelarik.
 Saio honetatik Azaroaren 25ean Aramaion jokatuko den finalerako sailkatuak Ekaitz Samaniego gasteiztarra eta Peio Ormazabal arrigorriagarra izan ziren.
Aipatzekoak Amaia Lasagaren lehen parte-hartzea Bertxoko sariketan, baita Errexala elkarteko afaria bezain giro goxoa.
Hurrengo saioak Azaroaren 11an Kanpezun eta Azaroaren 18an Agurainen izango dira.

BERTXOKON EGINGO DUGU TOPO!


Informazio gehiago: www.halabedi.org

Urtero lez, aurten ere Gasteizko Bertso Eskolaren eskutik badator BERTXORAKERIKETA. Aurreko urteetan egun ederra izan da, aurtengoan ere hala izango al da?

 

 

Bertsotan ikasi nahi? Bertsoek zirrara sortarazten badizute eta lagun artean gozatzea gustatzen bazaizu… ez gelditu besaulkian eserita eta etorri Gasteizko Bertso Eskolara!

Animatu, ez zara damutuko!

Asteazkenean, hilak 26, arratsaldeko 17:30etan Amaia Zentroan

Informazio gehiago behar izan ezkero: 945-010505

Egin klik hurrengo estekan gasteizko urtekaria irakurtzeko: http://www.box.net/shared/8j5zmf9g64j6lmyyxs12

Txapelketa handia da bertsolari txikiena. Txapelketa eta festa handia. Gasteizek sekula galtzen ez duena. Arauek hala ziotenez txikien mailan kantatzeko talde bat egin behar zen, beraz,14 urtetik beherako bertsolariek kanporaketa bat jokatu zuten Amaia zentroan (Bertxilika, Xagumendi eta Amaia Zentroko bertso eskolen artean) eta talde ederra osatu zuten final handirako.Sei neska-mutil ausart! Handien mailan (14-18 urte) bost gasteiztar lehiatu ziren Izarran, Zalduondon eta Elosun jokatutako kanporaketetan. Denek lan ederra osatu zuten, nahiz eta aipatzekoa den Amaia Lasaga, berak eskuratu baitzuen final handirako txartela.

Finaleko eguna iritsi zen. Egun ederra espero genuen, bazkaria, musika, herri kirolak eta bi lehia. Lehenengotik has gaitezen: Legution hiru talde zeuden oholtza gainean,hiru talde txiki handi: Gasteiz, Lautada eta Aramaio. Final estua izan zen eta Aramaiok txapela eraman bazuen ere, Maialen Arrausi gasteiztarrak ere Euskal Herriko txapelketarako txartela eskuratu zuen. Bazkalostean, handien txanda heldu zen. Oholtza gainean sei bertsolari(Josu, Maria, Paula, Amaia, Elyem eta Ainhoa). Saio freskoa osatu egin zuten denen artean. Emaitza izan zen bigarren sorpresa,txapelduna……… Amaia Lasaga!

Beraz, Gasteizek ordezkaritza izango du Euskal Herriko txapelketan, handien eta baita txikien mailan ere. GORA ZUEK!