Aupa GASTEIZTARRAK!!!!

Oraindik opor usaina sudurretik kendu nahi ez baduzue ere, jakin ez dela komenigarria norbere burua engainatzea.... amaitu da batzuen deskantsua eta beste batzuen txolloa!!

ATSEDENIK EZ DROGARIK GABE zioen lakuako kanpaina publizitarioa datorkigu une honetan burura. Nork ez du udan bertso saiotxo bat edo beste irentsi??? Aitortu dezagun, bada, gurea zaletasuna baino dependentzia da.

Horren exenplu hona dira Gasteizko jaietako Aihotz plazako eguerdi epel, bero, sargori zein bustiak!

Hona hemen irailean a la karga bueltatu aurretik matrailezurrak eta esku ahurrak berotzeko zizka-mizkak:

GASTEIZKO JAIAK 2008
AIHOTZ PLAZAKO BERTSO SAIOAK
ITURRIA: www.bertsoplaza.tv

09/08/2008 AIHOTZ PLAZA- Gasteizko jaiak

Ikusleak : 200

Urtero bezala aurten ere Matxete plaza izan zen Gasteizko jaietan euskal kulturaren gune garrantzitsu eta oparoena. Trikitilari eta bestelako musikariei bertsolariak gehitu zitzaizkien, egunero-egunero eguerdi partean izan ziren ekitaldietan.

2008/08/09 AIHOTZ PLAZA- Gasteizko jaiak

Bertsolariak: J. M. Irazu, Aitor Mendiluze, Zigor Enbeita, Xabi Paya

Ikusleak: 250

Aurtengo Gasteizko Andra Mari Zuriaren jaietako azken saioan bertsolariek espero ez zuten sorpresa batekin egin zuten topo Matxete plazan. Gaijartzaileak bat-bateko txapelketa baten parte hartzea propostau zien. Honela, lau bertsolariak bi finalerditan banatuta buruz-buru aritu ziren. Saio bakoitza bukatutakoan publikoari eskatu zitzaion txaloen bitartez irabazlea hautatzeko. Honek guztiak giro paregabea ekarri zuen plazara eguerdi eguzkitsu honetan.

• Lekua: Gasteiz
• Data: 09/08/2008

Bertso onenak bideoan
ITURRIA: bertsoa.com - Bertso plaza digitala.

GASTEIZKO JAIETAKO EGITARAUA

2008-08-05, GASTEIZ
Jaietako saioa
Lekua: Aihotz plaza Ordua: 13:30etan Protagonistak: Anjel Mari Peñagarikano, Asier Otamendi, Sebastian Lizaso, Andoni Egaña

2008-08-06, GASTEIZ
Jaietako saioa
Lekua: Aihotz plaza Ordua: 13:30etan Protagonistak: Manex Agirre, Unai Iturriaga, Sustrai Colina, Andere Arriolabengoa

2008-08-07, GASTEIZ
Jaietako saioa
Lekua: Aihotz plaza Ordua: 13:30etan Protagonistak: Julen Zelaieta, Iker Zubeldia, Iñaki Viñaspre, Fredi Paia

2008-08-08, GASTEIZ
Jaietako saioa
Lekua: Aihotz plaza Ordua: 13:30etan  Protagonistak: Maialen Lujanbio, Jon Maia, Oihane Perea, Izar Mendiguren

2008-08-09, GASTEIZ
Jaietako saioa
Lekua: Aihotz plaza  Ordua: 13:30etan  Protagonistak: Xabi Paya, Zigor Enbeita, Jexux Mari Irazu, Aitor Mendiluze

 Egonaldiaren eguerokoa (Egin klik)

 1. Eguna. Kaixo!

 2. Eguna: Inguruko misterioak

   3. Eguna: Kantaldi mundiala

            

     Ander Solozabal kantari (ITURRIA: otamotz.com)

           Miren Amuriza berriztarrak irabazi du Euskal Herriko Eskolarteko txapela helduetan eta Maialen Akizu urretxuarrak umetan. Bigarren, Jone Uria algortarra gelditu da gazteetan eta Maiana Txoperena hendaiarra umetan. Goiz eta arratsalde maila handiko finala izan da eta iaz bezala aurten ere neskak izan dira protagonista: lau sari nagusiak neskentzat izan dira.

           Autobus bete txoro joan gara Altsasura (Laudio, Amurrio,  Legutio, Agurain, Aramaio eta Gasteizko bertso-eskolako 40 kide eta lagun), pankarta, turututa eta txalo beroz gure ordezkariak animatzera.

           Txikitan ederki kunplitu dugu, eta arrastoa utzi ere bai. Historiara pasako dira Bingenen profesional posea, bukaerako agurra, eta Comas eta punto handia! Amurrioko damak, bere irribarre eta estilo inkonparableaz txundituta utzi zuen bat baino gehiago. Ziur gaude jende mordo bat hurbilduko dela aurtengo udan Amurriora bertako mutil guapoak nikia kenduta ikustera...

              Handitan Ekaitz Samaniegok inspirazio intermitentea izan arren, espezie desberdin batekoak garela demostratu zuen, eta Ander Solozabalek, Iñaki Viñaspre handiaren pausuak jarraituz, bigarren fasera pasatzea lortu zuen. Lehen bi postuetatik hurbil ibili zen, uste baino hurbilago.

                 Hurrengo urterako erronka berria dugu: Txapela arabara ekartzea. Hori lortzen duenari monumentu bat jarriko diogu Amaia Zentroan.

IKUS ARGAZKI GALERIA(otamotz.com, Urretxu eta Zumarragako Atari Digitala)

           Ekainaren 21ean Arabako 4 animali xelebre izango dira Altsasun: Lautadako tximino bateria jolea, Aiarako txirrina-pantika (ez badakizu zer den begiratu hiztegian guk egin dugun bezala) eta extintzio arriskuan dauden Gasteizko bi animali: Azeri bandidoa eta armadillo sekreta .

          Horregatik, egun historikua izango delako, eta ez bada ere guk egingo dugulako historiko, bi solairuko AUTOBUS bat kontratatu dugu. Zer diot kontratatu, EROSI egin dugu porsiaka... Ze kristo!

OHARRA: Egia da, joaterakoan pixu batekin nahiko izango da behar bada, baina bueltan puztuta egongo garenez, bakoitzak bi plaza okupatzea aurrikusi dugu.   

Ekainaren 21ean,  9:00etan

IPARRALDE Gizarte Etxean

Ekaitz Samaniego agurra kantatzen

        Ekaitz Samaniego gasteiztarrak eraman du arabako eskolarteko bertsolari txapelketako gazteen txapela, bertsotan ederki aritu eta gero. Ihazko txapeldun Ander Solozabalek hala ere, oso hurbiletik jarraitu dio saio osoan zehar, eta beretzat izan da bigarren saria. Giro beroa eta animoak emateko pankarta ugari izan dira gaur goizean Armentia ikastolan. Armentia ikastolako BERTXILIKA bertso-eskolako bi gazteek (Lierni Balanzategi eta Gillermo Vegas) ere lan txukuna egin dute, nagusien mailan lehen urtea izan arren.

14-18 urte bitarteko gazteen finala. Ezkerretik hasita: Lierni Balanzategi, Ander Solozabal, Ekaitz Samaniego, Estitxu Saratxo, Xabi Igoa, Gillermo Vegas eta Elyem Chej.

Beñat Olano bikain

         14 urtez azpiko gaztetxoetan aldiz, Beñat Olanok  lan benetan txukuna egin du, bera izan da txikiena alde handiarekin (9 urte baino ez ditu)  baina ez da atzean geratu, inondik inora ere. Gasteizko bertso-eskolako ikasleak denetik egin du: gozatu eta gozaarazi.

Finalista guztiak saoia amaitu ostean.

       14 urtez azpiko txapela Amurriora joan da, Ainhoa Comasen etxera. eta bigarren saria Bingen Sainzek eraman du Arrizalara. Beñat, Bingen eta Ainhoarekin batera, Antton Karretero, Beñat Zalakain eta Maria Izaga Aramaioarren osatu dute finaleko seikotea.

Ander Solozabal bigarren bietan

       Idatzizko sariketan ere ez gara esku hutsik joan etxera, handien mailako bigarren saria gasteizko Ander Solozabalentzat izan da, eta hona hemen saritutako bertsoak:

GAIA: Balkoian zaude eta ezin diezu malkoei eutsi

DOINUA: Zein ederra den Himalaiako

1

Nire etxearen aurrean hasi

da AHTaren obra

Diru pila bat sartuko dute

gutxi batzuek kolkora

teknologia ta aurrerapena

gizarte honetako moda

joan daitezela kanpora!

hobea baita gerora!

Paraje hauek liluratuta

ikus ditzazket gustora

baina hemendik gutxira aurreko

dena desagertuko da

 

2

Malko bat jausi zait beste askoren

artean dagoeneko

nire etxean, nire auzoan

bizitzearren ederto

hemendik bota egin behar naute

lege zikin bat tarteko

Gizartearen mendeko

ez izatea hobeto

eta oraindik denon artean

lan asko dugu egiteko

Gure semeek herri hau orain

bezela ezagutzeko.

Urte osoko lanaren uzta oparoa jaso du Gasteizek. Zorionak guztiei!

2008-06-07, GASTEIZ
Arabako eskolarteko bertsolari txapelketa: Finala
Lekua: Armentia ikastola Ordua: 9:00etan idatzizkoa  eta 10:30etan bat-batekoa Antolatzailea: ARABAKO BERTSOZALE ELKARTEA eta ARABAKO IKASTOLEN ELKARTEA.     

2008-06-12, GASTEIZ
Atlas Garaiara bertso-bidaia. Diapositiba eta bertso emanaldia
Lekua: Caruson Ordua: 21:00etan Protagonistak: Beitto, Asier Otamendi

2008-06-13, DURANGO
GU TA GUTARRAK. despedidea!!
Lekua: Plateruenea Ordua: 22:00

2008-06-14, IZARRA
Bertso-poteoa
Lekua: Herriko tabernetan Ordua: 20:00etan Antolatzailea: LAN ETA JOLAS ELKARTEA Protagonistak: Zigor Enbeita, Amets Arzallus, Jon Maia

2008-06-15, BASTIDA
ARABA EUSKARAZ 2008. Bertso-saioa

2008-06-21, ALTSASU
Euskal Herriko eskolarteko txapelketako finala.
Lekua: Burunda pilotalekua. Ordua: Goiz eta arratsalde Antolatzailea: IKASTOLEN ELKARTEA  Protagonistak: Herrialde guztietako txapeldun eta txapeldun orde gaztetxoak.

2008-06-26, GASTEIZ
Bertso-desafioa
Lekua: Caruson Ordua: 21:00etan Protagonistak: Julen Zelaieta, Rikardo Gonzalez de Durana, Iñigo Eizagirre, Felipe Zelaieta Gai-jartzailea: Asier Otamendi

• Antton Karretero (Aramaio- GORBEIALDEA)
• Beñat Zalakain (Aramaio- GORBEIALDEA)
• Maria Izaga (Aramaio- GORBEIALDA)
• Bingen Sainz (Arrizala- LAUTADA)
• Ainhoa Comas (Amurrio- AIARA)
• Beñat Olano (Gasteiz- GASTEIZ)

Ekainaren 7an, 9:00etan hasita Armentia Ikastolan jokatuko da finala eta bertako txapelduna eta bigarrena izango dira, Ekainaren 21ean Altsasun izango den Euskal Herriko finaleko arabako ordezkariak.