2009/06/23 18:15:13.986 GMT+2
Aramaixoko jaixek 2009.
EGITARAU OSOA IKUSTEKO EGIN KLIK
Guk laburpentxo bat jarri dizuegu hemen, egitarauean azaltzen diren bertso saioak eta zenbait perla eder. Irakurri, gozatu eta ahal bada amaieran zeozer kontatu!...
BARIKUE, uztailak 3
19.00 TXUPINAZUE ARAMAIXOKO SOKATIRA TALDEKOAK IZANDAKOEKIN
Azkeneko urtietako arrakasta ikusitxe, San Ferminetako jende kopurue gainditzeko intentue eingo da.
19.10 BERTSO TRIKI POTEUE.- Gazte Asanbladarekin
TRIKITILARIXEN KALEJIRA (Trikitixa eskolako kideak)
HERRIKO BURUHAUNDIXEK
HERRIKO TXISTULARIXEK
Baten batek etxien egoteko gogue badauko, egon daixela, baine... kaleko "oferta" ikusitxe...
23.30 ERROMERIXIE PLAZAN LUHARTZ taldearekin
Ta gero lo... bestela, ikusi hurrengo goixien zer datorren...
ZAPATUE, uztailak 4
**Akordau! Afarireko tiketak erosteko azken egune
12.30 UMIENDAKO EKINTZA. Geppetoren tailerra (Eta egurrezkue dala esan eta geldi-geldik geraketan danai... egurre!)
12.30 TXARANGA eta TORTILA TXAPELKETA (Arraultzak norberak jarri biherko ditxu... Hamen be genero bereizkerixie!)
18.00 TXIRRITOLINPIADAK
ROCK KONTZERTUEK: Krisis, Residuos, Decepcion Rock
23.00 PANTXOA ETA PEIO (Nostalgiko jarten dan jentie lagunketako animadorak/animadoriek jarriko ditxu jai batzordiek.)
DOMEKA, uztailak 5
13.00 HERRIKO DANTZARIXEN EMANALDIXE (Aurretik makillaje tailerra egongo da, begizuluek eta tapetan ikesteko).
18.00 HERRI KIROLAK PLAZAN. Baten batek mueble zaharren bat badauko etxien, ekarri daixela, aizkolarixek beso zabalik hartuko daue.
22.30 BERTSO - MONOLOGUEK.- Elizako eskaileretan. Manex Agirre, Eneko Barberena eta Jokin Labaien.
Peligro, peligrooo...
ASTELEHENA, uztailak 6
16.30 KOADRILEN ARTEKO PIKIE.- Gazte Asanblada
COBRA team, SWAT eta Aramaioko Udaltzainen Akademia Ofiziala arduratuko die segurtasunaz, animuek beroketan hasten badie.
21.30 HERRI AFARIXE.
AFAL OSTIEN ZAPARRADA Batukada Taldie (Gazte Asanblada) Txubaskerue eruen (txiste erreza, baine ein biherrekue)
01.00 DJa TXOSNETAN: Gazte Asanblada
07:23 "Ogeazoietz? kepringau" izeneko plataforman ekitaldi politikue, txosnetan.
BARIKUA, uztailak 11
20.00 Bertso poteue
21.30 Bertso afarixe: Sebastian Lizaso, Amaia Agirre eta Andere Arriolabengoa. Gai jartzailea: Lierni Altuna
Posted by: Gorbeialdea-bertsotan.2009/06/23 18:15:13.986 GMT+2
Tags:
agenda
| Permalink
| Comments (0)
| References (0)
2009/06/23 17:55:54.546 GMT+2
ARABAKO BERTSOZALE ELKARTEAREN
BERRIPAPERA
2009-6-23 EKAINEKO ALEA
Eta lasai, ez gara eta oraindik izerditan hasi… ondo ureztatuta sartu gara udan Arabako bertsozaleok.
Maiatzean eta ekainean zehar ABETXIKI, Arabako Eskolarteko Bertsolari Txapelketaren 2009ko edizioa jokatu da, Arabako bertsojale gazteen topaketak eta azpiko iruditan ikusi dezakezuen bezala, loreak eta fruituak sortzeko nahikoa ur eta lur izan dugu Araban…
Gazteak sortzeko, eta helduak (eufemismo bat da, noski) frexko mantentzeko eskaintza ederra izan dugu beraz. Ea jasotako ur guzti honek uda osoan zehar irauten digun…
Baina egarri handia duenak izango du dudarik gabe, non freskatua: bertso udalekuak baitatoz, Errebantxa saria Uztailaren 4ean Kanpezun eta Gasteizko jaietako bertso saioak…
Gure partetik, irailera arte. Frexko bizi!
Posted by: Gorbeialdea-bertsotan.2009/06/23 17:55:54.546 GMT+2
Tags:
berripapera
| Permalink
| Comments (0)
| References (0)
2009/06/14 18:06:46.217 GMT+2
XABI IGOA eta PERU ABARRATEGIK bigarren saria eskuratu dute Arabako Eskolarteko txapelketako finalean
Arabako eskolarteko txapelketako finala jokatu da gaur goizean, Gasteizko Armentia ikastolan. Goizeko 9:00etarako Araba osotik hurbildutako 80tik gora haur eta gazte batu dira azken txapari ekiteko asmoz. Gure eskualdetik ere, azken urteetan ohikoa den bezala, ordezkaritza aparta izan dugu maila eta sail guztietan.
Idatzizko lana izan da lehendabizi egin beharrekoa eta finalera sailkatu diren bertsolari gaztetxoek liburu sorta, zukua eta txokolate bokata jaso dute opari bezala. Azkenean bi bigarren sari etorri dira eskualdera, Peru Abarrategik lortu du bigarren saria Lehen Hezkuntzako sailean eta gazteen mailan Estitxu Saratxo Elosuarrak.
BAT-BATEKO FINALA:
Txikitan, Peru bigarren
Idatzizko lanak burutu ostean bat-batekoaren txanda izan da. Oholtza gainera igo dira 14 urtez azpiko finalistak: Ane Olano, Maddalen Arrausi eta Beñat Olano gasteiztarrak, Bingen Sainz Arrizalarra, Jon Unai Aspe Aguraindarra, Unai Gondra Artzinegarra eta Antton Carretero eta Peru Abarrategi Aramaioarrak.
Saio polita egin dute, arina eta freskoa. Bigarren fasera Jon Unai, Bingen, Beñat eta Peru sailkatu dira, baina azkenean txikienek nagusienei aurrea hartu eta sorpresa eman dute. 11 urte baino ez dauzkate lehen bi sarituek: Beñat Olanok jantzi du txapela eta bigarren saria lehendabiziko aldiz txapelketan parte hartu duen Peru Abarrategi Aramaioarrak.
Handitan, Ander Solozabal txapeldun
14 urtetik 18 urtera bitarteko gazteen txanda izan da azkena. Sei finalista izan dira oholtza gainean, Elyem Chej legutiarra, Estitxu Saratxo Elosuarra, Ander Solozabal gasteiztarra, Ainhoa Comas amurrioarra eta Maria Izaga eta Xabi Igoa Aramaioarrak. Eskualdeko 4 gazteek maila aparta erakutsi dute saio osoan zehar. Bereziki azpimarratzekoa izan da, nagusitan finalisten artean izandako konfiantza eta lagun arteko giroa.
Eskualdetik joandako lau ordezkarietatik bi, Xabi Igoa eta Elyem Chej, bigarren fasera sailkatu dira, hirugarren sailkatua Ander Solozabal izan da, erdi aramaioarra izatez. Anderrentzat izan da txapela eta Xabi Igoak bigarren saria lortu du. Honenbestez erabaki dira Altsasun Ekainaren 20an jokatuko den Euskal Herriko Eskolarteko txapelketako finalean arituko diren arabako ordezkariak: Peru Abarrategi, Beñat Olano, Xabi Igoa eta Ander Solozabal. ZORIONAK guztiei, eta bereziki LEGUTIO eta ARAMAIOKO BERTSO ESKOLEI, horren lan txukuna egiteagatik!
Goseak geratu bazarete, ikusi egunean zehar ateratako argazki gehiago:
IDATZIZKO FINALA
BAT-BATEKO FINALA
Posted by: Gorbeialdea-bertsotan.2009/06/14 18:06:46.217 GMT+2
Tags:
berriak
| Permalink
| Comments (0)
| References (0)
2009/06/10
Posted by: Gorbeialdea-bertsotan.2009/06/10
Tags:
agenda
berriak
| Permalink
| Comments (1)
| References (0)
2009/05/31 18:29:50.508 GMT+2
Posted by: Gorbeialdea-bertsotan.2009/05/31 18:29:50.508 GMT+2
Tags:
berriak
| Permalink
| Comments (2)
| References (0)
2009/05/23 13:55:34.401 GMT+2
Ostiralean jokatu zen Aramaion eskolarteko bertsolari txapelketetako gure eskualdeko finalerdia. Idatzizko lanak egin zituzten lehenbizi eta gero bat-batekoaren txanda izan zen.
Peru Abarrategi gazteak lortu zuen txapela eskura eramatea, Antton Karreterok bigarren postua eta finalerako txartela. Horiekin batera aritu ziren, Peio Arriolabengoa, Beñat Zalakain, Sabin Aranburu eta Danel Fernandez Aramaioko bertso-eskolako figurak. Zorionak guztiei eta finalean egurra!
Aramaion ere badakite idazten.
Ez, ez, ez.... onena (H gabe) Peru izan zen!!!
Bertso-eskolako mari pertxentak, datorren asteko juerga preparatzen.
Arriolabengoatarra izan behar hau ere.... Segi horrela, hurrengoan txapela baietz!
papera alderantziz daukazuela!!!
Hori da, hori posea, txapeldun izateko jaioa....
Aramaioko ganadua, Ekainaren 6ko feriarako prest!
Posted by: Gorbeialdea-bertsotan.2009/05/23 13:55:34.401 GMT+2
Tags:
berriak
| Permalink
| Comments (1)
| References (0)
2009/05/20 20:56:13.809 GMT+2
2009-06-06, GASTEIZ
Arabako eskolarteko txapelketako finala
Lekua: Armentia ikastola Ordua: 10:30etanaurrera 14 urte arteko finalistak. 11:30etan 14 urtetik 18 urtera bitartekoak.
2009-06-13, IZARRA
Bertso-poteoa eta bazkaria Izarran Ordua: 20:00 Lekua: Frontoiko taberna. Protagonistak: Zigor Enbeita, Angel Mari Peñagarikano eta Andoni Egaña. OHARRA: Afaritara izena eman frontoian bertan ekainaren 11a baino lehen.
2009-06-20, ALTSASU
Euskal herriko eskolarteko txapelketako finala
Lekua: Altsasu Ordua: Goiz eta arratsalde. Arabako bertsozale elkarteak AUTOBUSA antolatuko du.
2009-06-28, MURGIA
Bertso-poteoa Zuia euskaraz-en. Ordua: 12:30etan Protagonistak: Iñaki Viñaspre eta Oihane Perea,
Posted by: Gorbeialdea-bertsotan.2009/05/20 20:56:13.809 GMT+2
Tags:
agenda
| Permalink
| Comments (0)
| References (0)
2009/05/11 12:25:21.349 GMT+2
EGIN KLIK irudiaren gainean, eta on egin!
SUMARIOA:
-
Haindietatik txikietara
-
Oiongo bertso-eskola
-
Arabako bertsojale gazteen topaketak
-
Eskolarteko txapelketa
-
Zernahi: Urteko bertsorik onena
-
Hilabeteko Agenda
Posted by: Gorbeialdea-bertsotan.2009/05/11 12:25:21.349 GMT+2
Tags:
berripapera
| Permalink
| Comments (0)
| References (0)
2009/05/06 20:25:17.917 GMT+2
18 urtez azpiko arabako ikastetxeetako eta bertso-eskoletako haur eta gazteen txapelketako edizio berri bat dakarkizuegu Arabako Ikastolen Federakundea eta Arabako Bertsozale Elkarteak. 1300 lan inguru izango dira idatzizko sailean eta 35 haur eta gaztetxo inguruk parte hartuko du bat-batean. Idatzizko txapelketak 3 sail izango ditu aurten, Lehen Hezkuntza, Bigarren hezkuntzako lehen zikloa eta 14 urtetik 18 urtera bitarteko gazteena. Bat-batekoak bi besterik ez, 14 urte arteko gaztetxoena eta 14 urtetik 18 urtera bitarteko gazteena.
Dagoeneko ari dira Izarra, Legutio eta Aramaioko ikastetxeetan gelan bertan bertsoak idazten. Laster izango duzue kanporaketara sailkatutakoen berri.
Gorbeialdeko kanporaketa. Maiatzaren 16ean, larunbata Aramaion (14 urte arteko gaztetxoak)
10´00etan idatzizkoa Kultur Etxeko LIBURUTEGIAN
11’00etan hamaiketakoa
11´30etan bat-batekoa Kultur Etxeko aretoan
Posted by: Gorbeialdea-bertsotan.2009/05/06 20:25:17.917 GMT+2
Tags:
berriak
gaztetxoen-txokoa
| Permalink
| Comments (0)
| References (0)
2009/05/04 18:21:54.090 GMT+2
Gaztea bazara (edo zure burua gaztetzat baduzu), bertsoak jatea gustatzen bazaizu, arabarra izateaz harro bazaude... zatoz gurekin UBIDEARA! Primerako menua dugu zuretzako.
Arabako bertso-eskola guztietako gazteak batu nahi ditugu, elkar hobeto ezagutu eta primeran pasatzeko. Topaketa aprobetxatuz 14 urtetik 18 urtera bitarteko gazteen eskolarteko txapelketako kanporaketa egingo dugu (Finala Ekainaren 6ean izango da).
3 eguneko egonaldiaren kostua 30 euro izango da, janaria eta aterpetxea barne. Bide batez, esan dezagun paraje zoragarri batean dagoela, egin klik eta ikusi, ikusi.
IZENA EMATEKO, bi bide ezin errazago:
- BERTSO-ESKOLAKO IRAKASLEARI esan
-
JARRI GUREKIN HARREMANETAN Maiatzaren 26a baino lehen. Tel. 945 01 05 05 e-posta: araba@bertsozale.com
Posted by: Gorbeialdea-bertsotan.2009/05/04 18:21:54.090 GMT+2
Tags:
berriak
| Permalink
| Comments (0)
| References (0)
Next posts
