Gorbeialdea bertsotan

BERTSO ABENTURA SARRIAN, 2010eko Apirilaren 6, 7 eta 8an
9-12 urte bitarteko haurrentzat PREZIOA: 40 €
IZENA EMATEA: Martxoaren 25a baino lehen ZUIAKO KOADRILAKO UDALETXEETAN

ESKURATU IZENA EMATEKO ESKUORRIA

IAZKO ARGAZKIAK

      Arabako kuadrilla arteko bertso txapelketa 2010. Zuia – gorbeialdeko liga.   Aramaio, Izarra eta Elosuk osatzen dutena. Lehenego faseko kanporaketetako hirugarren saioa. Izarrako fontoian. Ostirala, Martxoak 12. Aurreko bi saioak Aramaioko taldeak irabaziak, Izarrako bertso eskola VS Elosuko Itorrigorri. Izarra “vertsus” Elosu, alegia.

Alea jacta est, zioen bertsolarietako batek. Baina zori alerik ez, dagoeneko. Irabazi arren Aramaiok pasa du hurrengo faserako Rubicon-a. Ave Caesar, morituri te salutant zuzenago litzateke. Baina ostiralean Aramaiokorik ez zen Izarraratu eta plebeyoen zeruan, nagusiaren faltan ohi den bezala, Bertso-bakanala. Entsalada, haragi egosia barazkiekin nafarroako ardoaz lagundurik eta profiterolak txokolatearekin. Gero  akeita, patxarana ta txokorra. Izarrako bertsolariak bi eder erre zituzten bederen. Davidoff, Suitza aldeko barbaroa. Eta gero dantza. Bueno, musika. Bertsoen doinuak. Batzuetan musika intrumentuez lagundurik.

Adibidez, bertso-sorta kolektiboak abesterakoan. Amurrioko taldea, dultzaina, trikia eta tanboreakin VS Pandoran Kutxa txalapartarekin. Gero bat-bateko  bertso lanak. Izarrako bertso eskolatik Zigor Enbeita, Alberto Martinez (Betto) eta  Unai Gomez. Elosuko Iturrigorritik Estitxu Saratxo, Josu Ormaetxea, Nagore Irazabal eta Elyem Chej. Gai jartzaile Olatz Bayer. Bertsolariak aitona borrokalari eta ERE-an dagoen biloba, arrano gosetu, autoko gurpil zulatua aldatzen ez dakiten lagun edo ordu aldaketaz jabetu ez eta lantegira goizegi joandako langile bihurtu ziren. Eta txaloak. Delirum tremens. Eta opari banaketa parte hartzaileeei bukaeran. Delirium tremens tremens.

Epaimahaiaren hitza falta bakarrik. Bertso sortako garaile Amurrioko taldea. Txaloak. Bat-batekoetan garaile Izarrako bertso eskola. Txaloak, muxuak, agurrak eta argazkiak. Finis coronat opus. Bukaerak lana koroatzen du. Orain, finalerdietara pasatu den ligako garaileari babesa eman besterik ez. Ave Caesar.   

Atzo, martxoak 6, Elosuko txokoan aukera paregabea izan genuen Arabako Kuadrilla arteko Bertso Txapelketaren Zuia-Gorbeialdea ligako, bigarren saioaz disfrutatzeko. Afari zoragarria ta giro aparta.

Elosuko elizaren goiko aretoan, bapo afaldu (eta edan) ondoren Bertso Sorta Kolektiboen lehiaketarekin hasi zen saioa. Lehiaketa honen oinarria bertso idatziak dira eta taldean kantatzen dira. Talde bakoitzak bere herria du gaia. Bart, Kanpezu, Bertsoaren Saltsan eta Maeztu aritu ziren kantari. Azken bi hauek pasatu ziren finalerdietara.

Ondoren bat-bateko saioa hasi zen. Aurreko saioaren irabazleak, Aramaiokoak, gorriz jantzita: Andere Arriolabengoa, Manex Agirre, Xabier Igoa eta Iker Agirre. Etxekoak, Elosu-Iturrigorrikoak, berdez: Josu Ormaetxea, Nagore Irazabal, Estitxu Saratxo eta Elyem Chej.

Bi herriko bertsolariak primeran aritu ziren, eta bertsozaleok txaloka eskertu genien. Azkenean,  Aramaio nagusitu zen eta finalerdietara pasatuko da.

Bertsolarien eskutik bertsozaleok gau alaia eta polita pasa genuen. Ehun lagun inguru elkartu ginen antolatzaileen gozamenerako.  Datorren ostiralean, martxoak 12, Izarrako Frontoia tabernan Izarrako bertso-eskola Elosuko Iturrigorriren kontra arituko da

Bertso sorta kolektiboen lehiaketa. Finalerdietara sailkatuak

euskaltube.com bideoak | Izenburua: Elosun Bertsoaren saltsan taldea. Arabako Bertso-sorta Kolektibo Lehiaketa | Erabiltzailea: abe" title="

euskaltube.com bideoak | Izenburua: Elosun Maeztu taldea. Arabako Bertso-sorta Kolektibo Lehiaketa | Erabiltzailea: abe" title="

Ba bai, aurrera doa kontua, neska mutilak. Larunbat honetan (martxoaren 6an) izango da, azpian duzuen marko inkonparable honen inguruan, Gorbeialdeko bertso ligaren 2. kanporaketa (nahikoa aldiz errepikatu ez dizuegunez, Arabako Kuadrilla Arteko Txapelketaz ari gara, jeje):

Bertan nor lehiatuko den?

ARAMAIOKO BASURDEAK

ELOSUKO SILUROEN KONTRA

Afalostean izango da saioa Elosuko Txokoan (20:30etan afaria), eta bapatekoaren aurretik bertso sorta kolektiboen txapelketako beste emanaldi bat ere izango dugu: Bertsoaren saltsan, Kanpezuko gazteak eta Maeztuko bertso-eskola taldeek erakutsiko digute prestatutakoa.

Bazkari edo afaritara izena emateko (ostegun hau baino lehen!!):
e-posta: araba.sustapena@bertsozale.com
telefonoa: 675707971

ATZO HASI ZEN ARAMAION ARABAKO KUADRILLARTEKO LEHENENGO BERTSO TXAPELKETA

            Aramaioko Marixeka elkartean ospatu zen txapelketa irekitzen zuen Zuia-Gorbeialde ligako lehen bertso kanporaketa.

            Etxeko taldeak, Aramaiok, prestatutako afari goxoa jan ostean. Bertso Sorta Kolektiboen lehiaketarekin hasi zen gaua. Lehiaketa hau taldekako bat-bateko bertso txapelketa honekin paraleloan ospatzen da. Hemen saio ezberdinetan talde ezberdinak idatzizko bertsoak kantatzen dituzte eta irabazlea zuzenean finalerdietara pasatuko da. Saio honetan Izarra eta Aramaio aritu ziren lehian, bat-batekoan bezala. Gaia bakoitzak bere herria zeukalarik bertso politak entzun ahal izan ziren. Aramaioren kasuan, gorriz jantzita, trikitixa, panderoa eta kajoiaren soinuarekin lagunduta 15 lagun aritu ziren kantuan. Izarrako taldean, beltzez jantzita, 3 lagun aritu ziren ederto asko bere herriaren berri ematen. Azkenean Aramaio taldeak lortu zuen lehiaketa honetako finalerdietarako pasea.

euskaltube.com bideoak | Izenburua: arabako bertso sorta lehiaketa. Aramaio | Erabiltzailea: abe">

euskaltube.com bideoak | Izenburua: arabako bertso sorta lehiaketa. Aramaio | Erabiltzailea: abe">

            Ondoren bat-bateko saioa hasi zen. Etxeko taldean Manex Agirre, Andere Arriolabengoa, Iker Agirre eta Xabier Igoa aritu ziren kantuan, eta Idoia Beitia gai jartzen. Kanpoko taldean, Izarra, Zigor Enbeita, Alberto Martinez “Betto” eta Unai Gomez aritu ziren bertsotan.

            Bat-bateko saioa nahiko azkarra eta alaia izan zen. Ale politak entzun ahal izan ziren bi taldeen aldetik eta bertsozaleak gustura ikusi ziren.

euskaltube.com bideoak | Izenburua: Arabako kuadrilla arteko I. bertsolari txapelketa. 2010 Aramaio | Erabiltzailea: abe">

Arabako kuadrila arteko I. bertso txapelketa egosten hainbat hilabete pasa ondoren heldu da labetik ateratzeko ordua... Otsailaren 6ean erditu genuen, kolorez betetako aurkezpen ekitaldi xume batean... Orain ibiltzen hasteko ordua da...

Eta ibiltzen nor hasiko, eta Gorbeialdea lehenengo. Zer nahi zuten beste talde eta ligek, konejilloindiasak bilatzea?.... damutuko zaie!

Hona hemen kanporaketen egutegia eta taldeen aurkezpen txiki bat:

EGUTEGIA

KANPORAKETAK
OTSAILAK 19, ostirala, afaria: Aramaio – Izarrako BE
MARTXOAK 6, larunbata, afaria: Elosuko Iturrigorri - Aramaio
MARTXOAK 12, ostirala, afaria: Izarrako BE – Elosuko Iturrigorri

GORBEIALDEko LIGA:

Arabako bertso sorta kolektiboen I. Lehiaketa


Arabako bertsozaleak lagun artean bertsoak idatzi eta kantatuz gozatzea da lehiaketa honen helburu nagusia. Eta horrexegatik,  Bertsozale saltsero eta euskaltzale martxosoen bila gabiltza… Taldean kantatzea gustuko duten horien bila. Euskaltegiko ikasle-irakasleak, mintzalagunak, bertso-eskoletan ibilitako jendea, entzule finak, bertsozale kuadrilak, gerrako beteranoak… denak izango dira ongi etorriak! BERTSO BERRIAK ARABARI JARRIAK lelopean, Arabako bazter guztiak kantuan jarri nahi ditugu.

Lehiaketan parte hartu nahi duten taldeek, Urtarrilaren 25a baino lehen eman behar dute izena (E-postaz edo telefonoz) eta Bertso-sortak entregatzeko epea Otsailaren 6ean amaituko da. Arabako 15 urtetik gorako lagunek osatutako taldeek hartu dezakete parte (gutxienez 4 lagun behar dira taldea osatzeko). Informazio gehiago nahi izanez gero, idatzi edo deitu hemen azpian dauden helbide eta telefonoetara.

ANIMATU eta PARTE HARTU!


Arabako Bertsozale Elkartea
Benito Perez Galdos plaza z/g
01002 GASTEIZ
Tel: 945 010505 - 688616531
e-posta: araba@bertsozale.com
www.arababertsotan.wikispaces.com