Kuriosoa iruditu zait abc.es orrialdean Zuriñek aurkitu duen bideo hau. Atzo, Eusko Legebiltzarrean ordezkaritza duten alderdi demokratiko santuek Patxi Lopez Lehendakari izendatu zuten. Ibarretxeren hilketa politikoaren ondoren izan zen. "Raison d'état” delakoa nagusitu egin da, eta berdín du herritarren hitza errespetatu den ala ez. Espainiak gobernatzen gaitu; atzo, EAJrekin eta gaur, Lopez I (el breve)rekin.
Ibarretxeri eskua eman zion bai, hauteskundeetan bozka gehien lortu zituenean deitu ez bazion ere, eta bideo honetan ondo ikusten da zer izango den lau urte hauetan biziko duguna Gasteizko Parlamentuan.
Ibarretxeri eskua eman ostean, bere eserlekura itzuli zen Lopez txotxongiloa. Ez zuen gogoratu Basagoitik (el Papa Negro, edo Lehendakari in pectore denak) eman diola Lehendakari izateko aukera. Ikustekoa da nola Aresek, “La mano, la mano, Corre! Corre! Corre!” esaten dion; nori eta Basagoitiri eskua emateko! Ea lehenengo egunean haserretzen duten Basagoiti PSEkoek!!
