hijosdelangelgorria

Krisi ekonomikoa eta hauteskundeak. Krisialditik at gidatuko gaituen “mesiasa” aukeratzeko ordua heldu da. Hauteskundeak gero eta hurbilago daude. Hasi gara, komunikabideen urduritasuna nabaritzen. “Inkisidore modernoan  atzaparrei” poltrona amaituko zaiela dirudi, baina batzuk Todo por la patria egiten duten moduan, besteek Todo por la poltrona egingo dute. Horregatik, mugimendu gehienak ikusteko gaude. Gogoan dut, Arzallusek hauteskunde eta hauteskunde osteko momentu hauek “ritos de apareamiento” moduan nola definitu zituen. Basagoiti atzo bertan hasi zen. Lopezi hiru kontseilaritza eskatu zizkion: Herrizaingo saila, Kultura eta Hezkuntza. Zertarako gehiago, ezta?

Hala ere, Lehendakari izan nahi dutenen ikasketak ikertzen ibili naiz. Kuriosoa: Ibarretxerena aurkitu dut (lehenengoan), Basagoitirena aurkitu dut, Ziarretarena aurkitu dut, Ezenarrorena, Madrazorena baita ere, baina, hara non! Lopezena ez da inon ageri!! Zer ari ote da ezkutatzen?

Izaronews-en horri buruzko artikulu bat topatu dut eta dirudienez, Patxik ikasketa industrialak egin zituela esaten du. Ez zituen amaitu baina ze kurtsoan utzi ote zituen?

Bere blogean bere bizitzari errepaso sakon bat egiten dio. Harritzekoa, enpresa pribatuetan ez delako egon. PSOE-n bakarrik egin du “lan”. Politiko-Politikoa, beraz.

Krisi ekonomikotik at  aterako gaituen mesiasaren aukeraketa hasi da. Momentu latza da ekonomian, gero eta jende gehiago kale gorrian, depresioa... Basagoiti ekonomilaria da, Ibarretxe ekonomilaria, ezker abertzaleak  norbait aurkeztea lortzen badu, ziur lizentziatua izango dela (espetxea dela eta lizentziatu kopuru altuena izango duelakoan nago) eta GALosoek... Patxi batxiller! Eta bestela atera dezala CV-a!!