hijosdelangelgorria

Dakizuenez Deustuko Unibertsitatean nabil ikasten. Urtero, unibertsitateak foro bat antolatzen du; Giza Zientzien Gipuzkoa XXI foroa. Politika eta gizartea dira hizpide. Hizlariak: J. Azkarraga (besteak beste, Justizia sailburua), J. Egibar (GBBko presidentea), Patxi Lopez (PSE-ko idazkari nagusia) eta A. Basagoiti (PP-ko presidentea).

Duela bi aste J.Azkarraga etorri zen. Bere hitzak mitin moduan definituko nituzke. Zein ondo egiten dituzten gauzak azaldu eta agenda arazoak zirela lehenbailehen alde egin zuen.

Egibar  izan zen asteazkenean hizlari. Denok dakigu zer nolako hitz-jario ederra duen honek. Dotorezia eta urte asko politikan beharrezkoa den jakintza eman diote. Ikasleok egin genizkion galderak nahiko ondo toreatu zituen birritan hitzak ondo neurtu behar izan zituen arren.

Aste honetan Patxi Lopezen bisita izango dugu. Hori dela eta, zuen parte-hartzea eskatu nahi dut. Ez dut Lopezen inolako konfiantzarik PSE-ko buruzagietan inolako konfiantzarik ez dudan bezala. Bake-prozesuan erakutsi zuten seriotasun eza, haien hitz jario gezuri bezain mingarria, Euskadi errealaren arazoen ziriak. Ez dugu ba konfliktoa pairatzen eta ez ditugu ba konflikto politikoaren eragin latzak sentitzen?

Patxi eta Patxitarren gezurrak gorroto ditut.

Ikasleok, hitzaldiaren bukaeran galderak egiteko eskubideak daukagu. Horregatik, galdera batzuk pentsatzea eta galderak blogean idaztea nahi nuke, gero aukeraketa egiteko eta berari galdetzeko. Merezi duen lekuan jartzeko.

Beraz, zer galdetuko zenioke Lopezi??