Hitzarok urtero egin ohi duen Batzar Nagusia otsailaren 26an egingo da, arratsaldeko 18:30ean, Barrena Kultur Etxean. Elkarteak deia luzatu nahi die bazkide guztiei batzarrak duen garrantziagatik. Bilera honetan erabakiko dira urte osorako egitasmoen zerrenda eta Zuzendaritza berriaren osaketa.
Batzarraren ostean, eta urtero egiten den legez, bazkideak eta mintzalagunak Ataungo Urbitarte sagardotegira joango dira afaltzera.
SAGARDOTEGIRA JOATEKO IZEN EMATE-EPEA OTSAILAREN 19AN ITXIKO DA.
Hitzarok, Udaleko Euskara Zerbitzuak eta AEK-k elkarlanean egiten duten mintzalagun programa irailean izena eman zuten gurasoekin indartuko da otsailetik aurrera. Ikasturte hasieran izena eman zuten gurasoek orain helduko diote mintzalagunen dinamikari.
Mintzalagun programaren barruan aurkeztu zen Gurasolagun irailean baina dataren egokiera aztertuta urte berriarekin batera hastea erabaki zen, gurasoek ikasturte hasieran ezin zutelako.
Zutagu ezagutza partekatzeko sare sozial bat da eta Elurnet enpresak sortu du. Bere helburua,
besteekin ezagutza partekatu nahi duten pertsonak bildu eta beraien
artean elkartzea da. Goi mailako ikasketak dituzten pertsonak, gai
batean lanean diharduten profesionalak edo aisi moduan gai baten
inguruan interesa duten pertsonei baliabideak eskaini nahi dizkio sare
sozial berri honek. (Irakurri osorik)
100 lagun baino gehiago elkartu ziren urtarrilaren 23an Durangon XXI. mendeko Euskara Elkarteen izaeraz solasteko. Ekarpen kopurua eta parte hartze maila oso handia izan zen lan-talde guztietan, eta oraindik egun batzuk beharko ditugu bertan esandako guztiakn ondo sintetizatu ahal izateko. Behin hori eginda, eztabaidatzen jarraitzea da asmoa, horretarako sortu berri den zutagu interneteko plataforma erabiliz.
Dena prest uzten dugun bitartean, eguneko argazki batzuk jarri dizkizuegu hemen. Mila esker guzti-guztioi zuen ekarpenengatik!
Azaroan eta abenduan mintzapraktika egitasmoetan parte hartzen dutenei inkesta egin genien Topaguneak. 1.800 lagunek erantzun zioten galdeketari eta, ondorioz, kalitatezko informazioa lortu ahal izan da.
Inkesta bete zuten guztiek zozketa batean parte hartu zuten. Joan den urtarrilaren 13an, asteartearekin, eguerdiko 12:00etan bildu ziren Eusko Jaurlaritzan, Hizkuntza Politikako Sailburuordetzako teknikariak, AEK-ko ordezkariak, Topaguneko ordezkariak, eta Aztikerreko ikertzaileak. Saria Oioneko inkesta bati, eta ondorioz, bere taldeari egokitu zitzaion. Zorionak hortaz Oionen, ostegunetan, 20:30ean biltzen den taldeari eta bertako dinamizatzaileari.
Microsoft eta Google-ek euskararen alde egiten dute erabilera
zenbatekoa den ikusita (hilero zenbatzen da), oso garrantzitsua da
ahalik eta bezero gehien egotea euskarazko erabilera egiten duena.
Hotmail eta Gmail zerbitzariak euskaraz dira baina euskaldunon artean
ez dago hedatuta. (Irakurri osorik)
Globalizazioa, nazioartekotasuna,
herri kultura, identitatea…. Interesatzen bazaizkizu eta 18
eta 30 urte bitarte badituzu, anima zaitez eta parte hartu gure
proiektuan.
Gaur
(igandea) irekiko ditu azken aldiz ateak Ordiziako I. Liburu Azokak.
Ostiral iluntzean hasiera ekitaldia egin zenetik ehunka herritar pasa
da bertatik bi egunotan. (irakurri gehiago)
Hitzaro Elkarte Kulturalak dei egin nahi die
bere bazkideei abenduaren 19an Egunkariaren Alde Bilbon egingo den
manifestazioara joateko.
Euskararen eta euskalgintzaren kontrako eraso
gisa ulertzen du Hitzarok Egunkariako bost langileen aurka gaur (abenduak 15)
Madrilen hasiko duten epaiketa.
Hitzarok elkartasuna adierazi nahi die
Egunkari auzian auzipetu diren guztiei.
Autobusa:
Beasainen:
15:00etan abiatuko da autobusa Barrendain
plazatik. Itzuli, 20:00etan Bilbotik.
Tiketak salgai: Jon Aranbururen kioskoan
(geltoki parean), Basakana tabernan, HITZAren bulegoan, Goierri Bodegoian eta
Antzizar tabernan.
