Beni.Kom

2008/10/21 20:35:35.366 GMT+2

Bloglines utzi eta Google Reader-era noa

Bloglines zerbitzuaren berrikuntza eskasiarekin aspertuta Google Reader rss irakurgailura pasatzea erabaki det gaur arratsaldean. Erabaki eta egin, azkar benetan. Ez dakit erabaki onena den zeren 'guztia' googleren esku uztea aurrera begira arazoa izan daiteke, baina beste zerbait aurkitu bitartean googleren tresnarekin ibiliko naiz.

Post hau irakurtzen duen norbaitek erabiltzen du? Erabaki egokia da?

Nork: Beni K.2008/10/21 20:35:35.366 GMT+2
Etiketak: rss google bloglines aldaketa reader | Permalink | Erantzunak (5) | Errenferentziak: (0)

2008/08/12 19:36:30.305 GMT+2

Gora Realsozialismoa!

Irudia: Realsocialismo!

2008-2009 denboraldian kamixeta honekin joango naiz Anoetara. Norbait gehiago?
Hemen erosi daiteke

Nork: Beni K.2008/08/12 19:36:30.305 GMT+2
Etiketak: realsocialismo erreala realsociedad | Permalink | Erantzunak (0) | Errenferentziak: (0)

2008/07/15 21:59:09.269 GMT+2

Polizia Teo gozotegian gosaltzen

1978ko uztaila oso berezia izan zen Euskal Herrian, German hil zuten Iruñean San Ferminetan, greba orokorrak, asanblada jendetsuak kalean...Garai horretakoa da Errenterian inoiz atera duten argazki ezagunenetako bat, hau:

Argazkia: Oarsoaldeko Hitza

4 hilabete betetzeko hiru egun falta nituen argazkia atera zuten egunean, 1978ko uztailaren 13an, beraz garai hori ez nuen zuzenean bizitu, baina gero istorio mordoa entzun izan dut, eta argazki horrek beti atentzioa deitu dit. Aurreko astean 30 urte beteko zirela jakinik argazkiaren bila ibili nintzen interneten, baina ez nuen ezer aurkitu. Gero igandean Oarsoaldeko Hitzan artikulu honetan ikusi nuen berriz.

Teo dendako pastel haiek

Datozen egunetan egun haien inguruko informazioa biltzen segiko dut. Norbaitek argazki edo testu "askeak" baditu, eskertuko nituzke...

Nork: Beni K.2008/07/15 21:59:09.269 GMT+2
Etiketak: polizia teo errenteria gozotegia 1978 | Permalink | Erantzunak (0) | Errenferentziak: (0)

2008/07/01 20:34:16.975 GMT+2

Bost urte enpresan

Gaur arte konturatu gabea nintzen egia esan, baina aurreko astean, ekainaren 24ean, gaur egun lana egiten dudan enpresan 5 urte bete nituen.
Kasualitatez hasi nintzen bertan, lanik gabe nenbilen eta diru pixkat irabazteko banatzaile lanetan hasi nintzen. Hortik aurrera gauzak azkar joan ziren, 3 hilabete banatzaile moduan, 18 hilabete banatzaile talde bat koordinatzen, eta azken hiru urteak enpresako gerente bezala.
Ordutik ikasi besterik ez dut egin, beharko!
Gaur egun 120 pertsonak egiten dugu lan Etxeraino banaketa enpresan, Berria, Hitza, Noticias de Gipuzkoa eta beste gauza mordoa banatzen.
Hemendik aurrera berriz gauza piloa ikasi eta egin beharko dugu, aldatu ere, garaiak eta egoerak behartuko gaitu eta.

Nork: Beni K.2008/07/01 20:34:16.975 GMT+2
Etiketak: bost ekt lana etxeraino | Permalink | Erantzunak (1) | Errenferentziak: (0)

2008/06/15 15:26:56.104 GMT+2

Anoetan azken txanpa

Argazkia: vecinodelquinto!

Alea jacta est. Bihar erreala primeran izanen da edo desagertzeko bidean. Nik kamixeta txuri-urdina jantzi dut eta banoa Anoetara!
Aupa erreala! Beti, beti maite, maite maitea...

Nork: Beni K.2008/06/15 15:26:56.104 GMT+2
Etiketak: real_sociedad erreala anoeta | Permalink | Erantzunak (0) | Errenferentziak: (0)

2008/06/14 20:26:00.284 GMT+2

Radiohead eta aparailu zaharkituak: Bideoa

Sarean bideo honekin egin nuen topo atzo. Radiohead oso gustoko dut, eta bideo honetan azken diskoko. Nude abestiaren bertsio oso berezi eta frikia ikusi daiteke. Benetan ona!

Big Ideas (don't get any) from James Houston on Vimeo.

Nork: Beni K.2008/06/14 20:26:00.284 GMT+2
Etiketak: bideoa radiohead friki | Permalink | Erantzunak (1) | Errenferentziak: (0)

2008/05/26 13:04:20.894 GMT+2

Turkia eta Kurdistango argazkiak

Kostata ( a ze pelma!) baina azkenean 2007ko maiatzan Anatolia zeharkatuz Turkia eta Kurdistanen egin genuen bidaiko argazkiak jarri ditut flickr-en, Turkia2007 izeneko 'set' mardula osatuz.

Bidaia benetan polita eta interesgarria izan zen, guk antolatua eta asko inprobisatuz egina. Argazkietan han ikusi genuen aniztasuna nabari dela uste dut, beraz denbora eta gogoa duenak hemen ikusi dezake argazki multzoa. Edozein galdera edo komentario egin daiteke argazkietan gainera!

Tagzanian egin genuen bidaiaren ibilbidea.

Nork: Beni K.2008/05/26 13:04:20.894 GMT+2
Etiketak: turkia2007 kurdistan flickr turkia bidaia | Permalink | Erantzunak (0) | Errenferentziak: (0)

2008/05/05 14:30:45.992 GMT+2

Argentinatik bueltan

Bueno, bueno...Laister aste bat egingo du Argentinatik bueltatu garela. Egia esan bidaia zoragarria izan da, eta gustora bueltatuko nitzake hara oraintxe bertan.

Datozen egunotan gutxi erabiltzen dudan blog hau erabiliko dut bertan egindako ibilbideak, ikusitakoak eta sentitutakoak esplikatzeko.

Bidaia honetan besteetan baina gehiago erabili dut internet, gauza askotarako, lekuak bilatzeko, informatzeko, komunikatzeko...eta ordainetan datozen astetan bertan jasotako informazioa interneten jartzen joango naiz, gauza guztientzat argentina2008 taga erabiliko dudalarik.

Bitartean bideo hau pixkat entretenitzeko: