Laster ditugu gurekin ihauteriak. Zehazki otsailaren 12 eta 13-an izanen dira, ostirala ta larunbata. Urtero bezala larunbatean Herri Bazkaria izango da eskoletako jantokian eta urreko urtean bezala bi menu daude aukeran.

Bazkarira apuntatzeko epea irekia dago, kartelean dituzue azalpenak. Eta motorrak berotzeko hemen ikusi ditzakezue lehengo urteko argazki batzuk.  

Argazkiak

Lehengo urteko Argazkiak

Urtarrila atzean utzi dugu eta Santa Ageda gai-gainean. Aurten ere Irurtzunen aterako gara ohitura  “zaharra berritzeko asmoz,….”.  Baserritarrez jantzita, makila, txapela, kantuak eta bukaeran, txistorra, urdaia eta ardoa Iratxon.

Nahiz eta hotza, edo euria, edo elurra izan Santa Agedako koruak Irurtzungo karriketan zehar ibiliko dira.

Espero zaituztegu !!

Zorion, etxe hontako denoi!
Oles egitera gatoz,
aterik ate ohitura zaharra
aurten berritzeko asmoz.
Ez gaude oso aberats diruz,
ezta ere oinetakoz.
Baina eztarriz sano gabiltza,
ta kanta nahi degu gogoz.

Santa Ageda bezpera degu
Euskal Herriko eguna,
etxe guztiak kantuz pozteko
aukeratua deguna.
Santa maitea gaur hartu degu
gure bideko laguna.
Haren laguntzaz bete gentzake
egun hontako jarduna.

Info gehio eta doinua entzuteko

Urtea bukatu da. Azkeneko urtetan tradizioa bihurtu da mendira joatea urteko azkeneko eguna. Aspalditik mendizaleak igotzen dira Aitzgorrira, Gorbeiara, Adarrara,..

Orain dela hiru urte Iratxo hasi zen antolatzen abenduaren 31an igotzea Erga mendira. Bi-hiru urte jarrain eta ia-ia tradizioa bihurtu da Irurtzunen. Aurten ere Pikuxar-ek antolatu zuen ekitaldiren bat eta txokolate beroa igo zuen. Datorren urterako menua sartu beharko da Pikuxarreko txokolatea ?.

Dena den txistorra izan zen protagonista egun horretan. Ikusi, bestenaz, Iratxok igo zituen txistorrak . Zenbat jeitsi ziren herrira, Ramon ?

Dena den, guk, momentu honetan, aurkeztu nahi genituen aurtengo mendi egutegiak. Iratxok prestatu duena eta Sakanako Mendizaleen egutegia.

Hor duzue irteerak, herriak eta lekuak aukeratzeko

On egin!!!!

IRATXO MENDI TALDEA. 2010.

Eguna                                   Lekua                                   Arduraduna

2010- 01-17              Aralar                                     Ramon Dorronsoro

2010- 02-14              Iturgoien                               Xabier Goñi

2010- 03-14              Aitzgorri                                Manolo Moreno

2010- 04-18              Adi                                         Alicia Navarro

2010- 05- 23             Orreaga – Zubiri                  Mikel Goldarazena

2010- 07- 27             Gorbea                                  Manolo Moreno

2010ko uztailean    Kanpaldia                             Santos Iragi

2010- 08- 22             Leitza – Andoain                 Ramón Dorronsoro

2010- 09- 12             Deba – Zumaia                   Karlos –Mikel

2010- 10- 12             Belate – Beruete                

2010- 11- 28             San Gregorio                       Pello Alzueta

2010- 12- 19             Mendigoizaleen Eguna

2010- 12- 31             ERGA . Bukatu urtea mendian                     

Telefonoa. 948-500882

2010 urteko hasiera. U-2. Ez da musika talde mitiko iragarkia. U-2 Bilbon, arratsaldeko 5:00etan, zen zita. Uholde haundi bat elkartu zen Euskal Presoak Euskal Herrira, Etxera, aldarrikatzeko. Milaka eta milaka lagun elkartu ginen. 44.000 lagun kontatu zituen Gara egunkariak. Ehunka gehiago, ehunka gutxiago ez dauka inportantzia haundirik.

Irurtzundik lagun dexente animatu ziren Bilbora joateko, Sakanatik bost autobus eta beste batzuk kotxez joan ziren.

Ea 2010. urtean denon artean ematen diogun bultzada bat EUSKAL PRESOAK ETXERA ekartzeko.

Urte berri on guztioi!!

Euskal Ekitaldiak abendu osoan ospatu dira eta erantzu oso ona izan dira.

PIRRITX-PORROTX ETA MARI MOTOTS jaialdian 1.400 lagunek bete zuten Irurtzungo Kiroldegia.

Bizkaia aldera egin zen txangoa , abenduak 6, eta 40 lagunek  joan  eta ikusi zituzten El Pobal burdinola, Enkarterrien museoa eta La Arboledako mehategi zaharrak. Bazkaria La Sabina etxean egin zen, La Pasionariak, gaztea zenean, lan egin zuen etxean.

Abenduaren 11an, Ange Duhalde bere kontzertua eman zuen Kultur Etxean, abesti berriak eta zaharrak nahastuz eta abenduaren 15ean, Pello Zabalak aurkeztu zuen bere azkeneko liburua EGURALDIA BETI AIREAN. Eguraldiari buruz daukan jakinduria azalduz. Oso giro entretenigarri eta modu atseginean.

Asteburuan ospatu dira azkeneko ekitaldiak. Larunbatean, EUSKARAREKIN TXAPELDUN  lehiaketa sariak banatu ziren. Bi lagun hauek izan ziren irabazleak.

AMALIA GARCIA ETA NAHIA CORDON TEREZ

Biak hartu zituzten Gabonetako Saskiak . Guztira 40 lagun inguruk parte hartu zuten lehiaketa honetan. Aurten, lehendabiziko aldiz Aizpearen blogaren bidez jaso ziren erantzunak.

Sariak banatu ondoren BERTSO-AFARIA ospatu zen . Azkeneko urtetan baino partaide gehiago eta giro beroagoan egon ziren aurtengo bertsolariak. Xabier Paya eta Xabier Silveira.  Afarian berrogeita hamar lagun eta bertsoak entzuten hirurogei inguru. Festa eta gozamena goizeko ordu biak arte luzatu zen.

Giroa eta partaidetza onarekin ospatu dira aurtengo EUSKAL EKITALDIAK Irurtzunen.

Neurketa hau termometro baten moduan ulertzen dugu, herri baten hizkuntza-politika eskala batean kokatzeaz gain, beste herrien politikarekin alderatzeko aukera ematen du.

Hemen aurkezten dugun Irurtzunen hizkuntza-politikaren azterketa 2008an bururatu zen. Hortaz, hemen eskaintzen diren datuak orduko errealitatearen argazkia dira, orduz geroztik gauza batzuetan aldatu dena.

Datu kuantitatiboari dagokionez, 2008ko ebaluazioaren arabera, Irurtzungo nota orokorra 3,89 puntukoa izan zen. Sakanan ebaluatutako herriekin alderaturik, Etxarri-Arantz (8,02) eta Altsasuren (5,64) atzetik gelditu zen Irurtzun.

Ebaluazioaren alde kualitatiboari dagokionez, elementu positiboak aurkitu genituen Irurtzungo udalaren hizkuntza-politikan, baina, euskara lehenesteari begira, hobetu beharreko hainbat kontu ere baziren.

dokumentu osoa

Bideoa Ikusi

Aspaldi daramagu BLOG honetan bideoren bat sartzeko gogoekin eta aurkitu dugu aproposa den bat. Duela aste batzuk Baztango Xaloa telebistatik egin ziguten elkarrizketa bat hemen daukazue. PIKUXAR-en inguruan.

Ez baduzu ezer ikusten Flash Player programa instalu beharko duzu. Aukeratu zure Sistema eragilea eta nabigatzailea. Ohartu Mcafee-ren aukera kentzeaz, ez da behar.  Flash instalatu