Irurtzun Euskaraz

Blanca Ilundain

Egun hauetan buruari nerabilkion pentsatzen zertaz idatzi behar nuen blogean eta bi gai zetozkidan burura: Hauteskundeak eta Hezkuntzako murrizketen aurkako deialdiak. Hauteskundeak pasa berriak dira, baina ez nuke aukera hau pasatzen utzi nahi izango nire poza adierazi gabe, ez Espainan eskuinak irabazteagatik, hemen  eta  Euskal Herri osoan  euskaldunok, euskaltzaleak, abertzaleak  ugari garelako  eta Madrileraino joan gaitezkeelako gure aldarrikapenak azaltzera. Bai, agian haraino iritsi beharko gara, Iruñean, , Iribas jauna gogorra omen dagoelako, eta UPN - PSN akordia irmo sinatua omen dagoelako,   Hezkuntzako murrizketak aurrera baitoaz.. Ba,  gurasoak, irakasleak eta gainontzekook gurean jarraituko dugu.

 Irurtzunen, Guraso Elkarteak eta irakasleok asteartero, eguerdiko 13,20etan Astraingo gurutzean  elkarretaratzeak egitea erabaki dugu. Aste honetan hasi gara dagoeneko. Nafarroaren mailan ,Azaroaren 26an, larunbata, Iruñean egingo den manifestaziora joan zaitezten animatzen zaituztegu, baita abenduaren 15ean, ostegunean, egingo denera .Hauek guztiak egiten dira Nafar Gobernuari burutu nahi dituen aurrekontuak bertan bera utz ditzan eskatzen zaiolako ,eskola publikoan, ongizatean eta osasungintzan  adostuak dituzten murrizketak onartezinak eta jasangaitzak direlako.