2011/01/21 11:59:14.919 GMT+1
HAMAR ARRAZOI GREBARAKO
- Pentsioen erreforma gezurretan
oinarritzen da, aurreikuspenak manipulatu egiten dira. 1995ean “adituek” esan
zuten hamar urte barru (2005ean) pentsio-sistema defizitarioa izango zela
(KPIaren -%1,8), baina urte hartan, beste guztietan bezala, superabita
egon zen (+%0,67). 2009an +%0,8ko superabita egon da.
- Pentsioen sistema publikoa
bideragarria da. Gainbehera doana pentsio sistema pribatua da: pentsio plan pribatuak %28 jaitsi dira azken urteetan. Sistema
publikoa ahulduz, banketxeen eta finantza-gizonen negozioa bultzatu
besterik ez dute egin nahi.
- Hala eta guztiz ere, 2010 eta 2011
urteetan pentsioak izoztea erabaki du Espainiako Gobernuak. Honen
eraginez, pentsiodunen erosmen-ahalmena jaitsi da. Eta kontutan hartu
beharra dago Euskal Herriko pentsiodunen erdia pobreziaren mugaren azpitik
bizi dela.
- Gobernuak pentsioaren zenbatekoa
kalkulatzeko urte zenbaketa zabaldu nahi du,
azken 15 urteetatik azken 20 edo 25 urteetara. Gero eta gazteagoa izan,
orduan eta soldata kaxkarragoa izaten denez, neurri honek %5-7ko
murrizketa suposatuko dio soldatapeko gehienei.
- Gobernuak jubilatzeko adina
atzeratu nahi du. Hau zuzenean egin dezake, adina 65 urtetik 66 edo 67ra
atzeratuz. Edota neurri hori bertan behera utzi
(“negoziazioen” emaitza gisa salduz) baina praktikan atzerapena eragin
dezake, pentsio osoa jasotzeko kotizatu beharreko urteen kopurua 35etik
40ra zabalduz (zenbat lagunek egin dezakete lan inolako etenik gabe 25
urtetik 65era?).
- Gobernuak, pentsio ordaindua
jasotzeko kotizatu beharreko urteak gehitu nahi ditu. Gaur egun, 15 urte kotizatuta pentsioaren %50a jasotzen da. 20
urtera atzeratzeko aukera aztertzen ari dira orain, milaka lagunei
pentsioa ukatuz.
- Emakume eta gazteak pobreziara
kondenatu nahi ditu Espainiako Gobernuak. Gazteei
ez zaie lana bermatzen, baina kotizatzea exijitzen zaie. Emakume asko,
aldiz, etxeko lanetan dabiltza eta lan merkatuan ari direnek prekarietatea
pairatzen dute.
- Berriro ere, pentsioen gaineko
erabakietan parte hartzeko eskubidea ukatzen zaigu nafar langileoi. Pentsioen gaineko erabakiak Madrilen hartzen dira, Banco
Santander, BBVA eta enparauen agindupean. Hemen lan egin eta kotizatzen
dugun aldetik, hemen erabakitzeko eskubidea aldarrikatzen dugu.
- Pentsioen erreforma plan
neoliberal orokor baten barruan kokatzen da. Helburua:
banketxeek eta patronalak langileok sortzen dugun aberastasunaren zati
handiago bat irenstea.
- Egoera hau aldatzeko, antolatu eta
borrokatzea beste aukerarik ez dago. “Elkarrizketa soziala” iruzur handia
izan da. UGT eta CCOO Gobernuaren eta
Patronalaren menpe jarraitzen dute eta euren dirulaguntzak mantentzearren
edozer onartzeko prest daude.
Nork: aizpea.2011/01/21 11:59:14.919 GMT+1
Etiketak:
| Permalink
| Erantzunak (0)
| Errenferentziak: (0)
Idatzi artikulu bat