Baga, biga, bloga! http://www.blogak.com/jozulin Jozulinen begitantziñoak Peter-en printzipioa http://www.blogak.com/jozulin/peter-en-printzipioa

Peter-en printzipioak honela dio: "Hierarkia orotan, pertsona bakoitza bere inkonpetentzia mailara igotzen da eta bertan irauten du". Oraindik aurrera irratiko tertulietara hedatu ahal izango da Peter-en hasiera -barkatu, printzipioa-. Zergatik? galdetuko diozue zeuen buruari. Bada, hona erantzuna: Uztailaren 6tik aurrera zenbait igande goizetan Jozulinek baieztatuko baitu Peter-en printzipioa Euskadi Irratiko Amarauna saioko tertuliakide izango delako. Dena dela, "eta bertan irauten du" dioen atala ez da beteko, udako programazioan baino ez baita izango Jozulin tertuliano.
Bestalde, "Uneren batean, hierarkia bateko postu guztiak inkonpetentez beterik egongo dira" dio Peter-en printzipioaren korolarioak; hau ere ez da beteko, tertuliakideen artean (Iturri, Josu, Leire, Patxi) ez baitago inkonpetenterik. Ez horixe.






 ]]> abenturak blogak irratia http://www.blogak.com/jozulin/peter-en-printzipioa#comments Jozulin Fri, 04 Jul 2008 14:30:44 +0200 Hurrengo bizitzan http://www.blogak.com/jozulin/hurrengo-bizitzan

Bizitza bat -edo bi, pentsatzen jarrita- beharko nituzke pianojolea izateko.
Bateriajolea izateko beste bat.
Saxoa,
gitarra elektrikoa
eta kontrabaxuarentzat ere bizitza bana.

Opera konpositorea ere izan nahi nuke
baita biologoa ere;
eta zoologoa,
etologoa,
botanikoa,
fisikaria,
astronomoa
eta astronauta (badakizue, Martera joango diren horietakoa...).
Filologoa ere bai.

Eta emakumea.

Aberats mezenas errenazentista izan nahi nuke
bizitza oso batean
eta aberatsa, besterik gabe,
beste batean;
ahaztu barik nabegantea, belauntzian bakarrik hortik zehar dabilena.

Izan nahi nuke idazlea,
blogari profesionala,
multimaitalea (erran nahi baita maitale anitza;
anitzen maitalea, alegia),
etorkizun urrunetako biztanlea,
arotza,
eskultorea,
eta margolaria.

Neandertala izan nahi nuke galdutako garai haietan,
kazetaria,
nekazaria,
eta aktore pornoa ere bai.

Txoria izateko ere bizitza bat behar dut,
kurloi, txantxangorri edo enara.

Azkenik, orain naizena ere izan nahi nuke.
Berriro.
Ea horrela gauzak hobeto egiten ikasten dudan.
Behingoz.





Post Scriptum: Mezu hau gure Patxiren beste honek iradoki zidan.




 
]]> bizitza zoriontasuna umorea http://www.blogak.com/jozulin/hurrengo-bizitzan#comments Jozulin Mon, 30 Jun 2008 19:23:16 +0200 Horrelakoa da futbola (II) http://www.blogak.com/jozulin/horrelakoa-da-futbola-ii



“Tximinoa gorago...






]]> politika futbola patriotismo_constitucionala http://www.blogak.com/jozulin/horrelakoa-da-futbola-ii#comments Jozulin Fri, 27 Jun 2008 16:00:58 +0200 Horrelakoa da futbola http://www.blogak.com/jozulin/horrelakoa-da-futbola
Ez naiz futbolzalea -badakizue- baina gustura ikusiko nuke hurrengo norgehiagoka, final polita izango litzateke, ez egin dudarik. Eta aurreko esaldian norgehiagoka hitzak zentzu bat baino gehiago hartzen du.


Espainia     vs     Turkia





]]> tortura politika futbola http://www.blogak.com/jozulin/horrelakoa-da-futbola#comments Jozulin Mon, 23 Jun 2008 18:18:34 +0200 Euskaldun tristeak http://www.blogak.com/jozulin/euskaldun-tristeak  

 

Tristurak janda gabiltza aspaldian, ezinak mugatuta, amorruak elbarrituta. Oraintsu arte jasan dugun eguraldi ugerragatik izango da, akaso. Edo euskaldunon alperrikako duintasun transzendentalerako joera; badakizue zer den hori: nahiago zutunik hil, belauniko bizi baino eta hori guztia. Azken bolada honetan inpresioa dut blogean idazten dudan erdietan baino gehiago zerbait irmoki salatzeko, injustizia bat aireratzeko dela. Konturatu nintzen ez nik idatzitakoa, baizik beste batena irakurtzean. Konatxe jaunak konstatazio goibela zekarren bere euskarazko blogean baina erdarazkoan, egun batzuk geroago, sexuaz eta bizipozaz ziharduen (bere kidea ere izan zitekeen). Eta, jakina, ematen du blogari euskaldunak, euskaraz ari garenean behintzat, erretxindu kuadrilla garela. Agintzen dizuet hemendik aurrera gogotik ahaleginduko naizela “carpe diem” gehiago eta “morituri te salutant” gutxiago agertzen hemendik. Sexua, alkohola eta rokanrola, lagunok; ken dezagun gainetik herdoilaren tristezia. Hala bedi.

 

 

Post Scriptum: Tarte batean ez badut injustiziarik salatu behar, aprobetxatuko dut orain; hona pare bat: uzker hau eta mokordo hau.  

 


 

]]> tristura bizipoza http://www.blogak.com/jozulin/euskaldun-tristeak#comments Jozulin Thu, 19 Jun 2008 23:13:48 +0200 Begiak edukitzeagatik http://www.blogak.com/jozulin/begiak-edukitzeagatik

 

Irakurri dugu blogak kontrolatu beharra dagoela zurrumurru, gezur eta egiaztatu gabeko berri asko argitaratzen direlako bertan. Eta irakurri diogu gaur Giuliana Sgrenari Armadarekin zihoazen “embedded” kazetariek beren kroniken zentsura onartu behar zutela sinadura bidez. Eta amerikarrek tirokatu zutela esan zuenean CNN ahalguztidunak elkarrizketa bat-batean eten zuela ere irakurri diogu Giuliana Sgrenari gaur.

 

Irakurri dugu astean 65 orduz lan egin ahal izango dugula –hori bai, nahi izanez gero, etzazula pentsa inork behartuko zaituenik- eta irakurri dugu derrepentean 1870 arte egin dugula atzera, 64 orduz lan egiten zen garaira. 1890 meatzari bizkaitarrek egunean 12 ordutik 10era jeistea lortu zutela greba luze bat medio. 1919an dekretu bidez asteko 48 ordutara mugatu zen ia lanbide guztientzat; 1980an 42 ordura eta hiru urte geroago 40ra.

 

Begiak edukitzeagatik, eta irakurtzeko erabiltzen irakatsi zigutelako irakurri dugu hau guztia.



 

]]> gerra blogak askatasuna gezurra http://www.blogak.com/jozulin/begiak-edukitzeagatik#comments Jozulin Sun, 15 Jun 2008 21:37:05 +0200 Bazterkeria kasu bat http://www.blogak.com/jozulin/bazterkeria-kasu-bat  

 

Tematzen gara, tematu. Denok berdin, jarraitu beharreko moda bailitzan. Jose Luis Rodriguez Zapaterori, Zapatero deitzen diogu; Alfredo Perez Rubalcabari, Rubalcaba. Zer du txarrik "Rodriguez Presidentea" esateak edo "Perez Gobernuko bozeramalea" erabiltzeak? Ez ote gaude abizenagatiko arrazakeria kasu argi baten aurrean? Ez ote da baztertzailea Perez eta Rodriguez deituren jabeekiko? Eta berdintasun legea? Ni, morroi hauen aita banintz - desdeluego- zeharo haserre egongo nintzateke dagoeneko inbisibilitate mediatiko hau dela kausa.  Eta agian Abizen Arrunten Jabe Baztertuen Elkartea ere sortuko nukeen.

Nicolas Paul Stéphane Sarkozy de Nagy-Bocsari ez diote deitzen Nicolas de Nagy-Bocsa, ezta Ibarretxeri Markuartu. Eskerrak.

 

 

 

]]> arrazakeria umorea sinfundamento http://www.blogak.com/jozulin/bazterkeria-kasu-bat#comments Jozulin Fri, 13 Jun 2008 15:56:38 +0200 If poets were king http://www.blogak.com/jozulin/if-poets-were-king

 



 

“Poetak erregeak balira,

munduak bere doinua aldatuko luke

eta oso berandu arte ez litzateke ezer egingo,

arratsaldez.”

                                                           Elliott Murphy

 

 

Astelehena. Berriro.

 

 



]]> astelehena elliott_murphy http://www.blogak.com/jozulin/if-poets-were-king#comments Jozulin Mon, 09 Jun 2008 13:56:28 +0200 Gaurkoan, politika apur bat... http://www.blogak.com/jozulin/gaurkoan-politika-apur-bat









]]> argazkiak politika herri-jakintza ehpañña http://www.blogak.com/jozulin/gaurkoan-politika-apur-bat#comments Jozulin Fri, 06 Jun 2008 20:03:04 +0200 Argi ibili http://www.blogak.com/jozulin/argi-ibili  


Komunikabideek zapaltzailea maitaraziko dizuete eta zapaldua gorrotarazi.

                             Malcom X


 

 

 

]]> bush chavez malcom_x http://www.blogak.com/jozulin/argi-ibili#comments Jozulin Thu, 29 May 2008 20:00:28 +0200