G&A (Gauez eta Azpikeriaz) http://www.blogak.com/katixa Katixa Agirreren blog kriminala Isiltasuna http://www.blogak.com/katixa/isiltasuna Hurrengora arte, lagunok. Ondo pasa uda.


]]> isiltasuna oporrak http://www.blogak.com/katixa/isiltasuna#comments Katixa Fri, 04 Jul 2008 17:04:06 +0200 Ekobola http://www.blogak.com/katixa/ekobola Etxean bueltan (zer egingo diogu ba) eta hurrengo ihesaldia ailegatu bitartean (datorren asteburuan) etxeko kontuez arduratu beharko. Horien artean garbiketa.

Aspaldi nabil intrigatuta ekobola delakoarekin. Nire etxe azpiko denda batean saltzen dute (40 euro inguru) eta antza denez labadoran sartu eta detergente eta leuntzailerik gabe garbitzeko gai da bola magikoa. Oxigeno aktiboan omen dago koska (zer ote?). Aste honetako Argian ere Ekobolaren inguruko albiste bat irakurri dut. Internet bidez erostekotan, merkeago ateratzen da: 30 euro. Dena den, nire inguruko inork ezagutzen ez duenez, zalantzak dauzkat.


Norbaitek ezagutzen du ekobola delakoa?

Benetan garbitzen du?

Benetan da ekologikoa?

Etxekoandre eskasa naiz, baina hobetzeko ahaleginak egiten ditut behintzat.

]]> eko garbiketa ekobola http://www.blogak.com/katixa/ekobola#comments Katixa Mon, 30 Jun 2008 17:02:15 +0200 Pivoak direla eta http://www.blogak.com/katixa/pivoak-direla-eta Eslovenieraz plurala eta singularraz gain, duala ere desberdintzen dute numero gramatikalaren barruan. Proto-eslavieratik gelditzen zaien arrastoa omen da hori.

Ez da gauza bera ni, gu biok, edo gu hirurok (edo gehiago).

Ez da gauza bera zerbeza bat eskatzea, bi eskatzea, edo hiru eskatzea.


Beraz, kontuan hartu...
  • Eno pivo (singularra)
  • Dve pivi (duala)
  • Tri piva (plurala).
Prosim bat erantsi esaldi bakoitzaren bukaeran eta Esloveniatik arazorik gabe bidaiatzeko prest zaude.

Na zdravje!
]]> zerbeza pivo eslovenia slovenija http://www.blogak.com/katixa/pivoak-direla-eta#comments Katixa Thu, 26 Jun 2008 20:22:52 +0200 Nasvidenje! http://www.blogak.com/katixa/nasvidenje Esloveniara abiatuko naiz.
Ondo bidean, datorren astearen bukaeran izango naiz bueltan.

Nasvidenje!


]]> eslovenia http://www.blogak.com/katixa/nasvidenje#comments Katixa Wed, 18 Jun 2008 11:33:29 +0200 Agur, Esbjörn http://www.blogak.com/katixa/agur-esbjorn Herenegun zendu zen, urpekaritza istripu baten ondorioz, Esbjörn Svensson piano-jole suediarra. 44 urte zituen.

2003an jo zuen Gasteizen Esbjörn Svensson Trioak. Kanpoan nengoen eta ezin izan nuen joan. Pasa den urtean errepikatu zuten, Principial Antzokian, XXI. mendeko jazza sailaren barruan. Baina gauean, McCoy Tyner eta Spike Lee (Terence Blanchard konpositorearekin) aritzekoak ziren Mendizorrotzan, eta hauekin gelditzea erabaki nuen.

Tyner ondo egon zen. Spike Leek ez zuen gauza handirik egin Mendizorrotzako taula gainean: Barçako kamiseta batekin atera eta Espainian egoteaz oso pozik zegoela aldarrikatu.

Joan dira betiko Svensson taula gainean ikusteko aukerak. Youtuberekin konformatu beharko.

]]> esbjörn trio svensson jazz est gasteiz jazzaldia http://www.blogak.com/katixa/agur-esbjorn#comments Katixa Mon, 16 Jun 2008 12:40:01 +0200 Bikote arraroak http://www.blogak.com/katixa/bikote-arraroak Bihar, Bidebarrieta liburutegian eta Bilboko Udalak antolatutako hizketaldi ziklo baten barruan, Juan Manuel de Prada eta Aizpea Goenaga arituko dira  literatura eta zinearen arteko harremanez.



Ez dut ukatuko: bikoteak morbo izugarria pizten dit. Zoritxarrez, ezingo dut joan. Inor baldin badoa, kontatuko ahal du hemen esperimentuaren emaitza!


]]> aizpea_goenaga juanmanuel_deprada literatura bidebarrieta bilbo http://www.blogak.com/katixa/bikote-arraroak#comments Katixa Tue, 10 Jun 2008 12:33:18 +0200 Errutina http://www.blogak.com/katixa/errutina James Bonden nobela berri bat atera da: Devil May Care du izena. Ez du Ian Flemingek idatzi, aspaldi hil zelako (goian bego), baizik eta Sebastian Faulks idazle britainiarrak. Enkarguzko lan bat, jakina, Flemingen jaiotzaren mendeurrenaren harira.



007ren sortzaileak, bon vivant bokazional horrek, bizimodu lasai eta erosoa eraman nahi zuenarentzat idazlearen ofizioa gomendatzen zuen. Bere idazketa-errutinak ez du zalantza izpirik uzten: munduko bizibiderik zoragarriena da idazlearena. Jamaikako bere etxean dago Fleming. Egun berri bat hastera doa. Eguzki ederra beste behin ere. Errutinari ekin beharra dago: mila hitz idatzi, buzeoa praktikatu, martini pare bat edan, bazkaldu, maitasuna egin, beste mila hitz idatzi, afal aurreko beste koktel bat eta afaria, Jamaikako ilunabarra lagun. Horrela egunero.

Konpara ezazu zure eguneroko errutinarekin, eta atera kontuak. Ez al da paregabea idazlearen errutina?



Sebastian Faulksi, bere sekuela aurkeztu duenean, Bonden faszikulu berri hau idazterakoan Flemingen errutina bera jarraitu ote duen galdetu zioten. Eta baietz, berak, nobela idatzi bitartean maisuaren errutina jarraitu duela. Tira, Jamaika, buzeoa, koktelak eta maitasun-saiorik gabe, baina beste guztia, baietz, hertsiki jarraitu duela.

Kontrakoa entzungo zenuen baina idazlearen bizitzak zerikusi handiagoa dauka Sebastian Faulksek kontatzen duenarekin Ian Flemingek deskribatzen zuenarekin baino. Gehienetan besteei funtzionatu diena kopiatzen saiatzen da idazlea. Ez dauka etxerik Jamaikan (asko jota, Bob Marleyren diskoa jar dezake idazten duen bitartean), ez du kirolik egiten (edo udal-igerilekura jotzen du bizkar-mina arintzeko), ez du martinirik edaten (tira, marianitoren bat agian, igande goizetan) eta maitasun-saioei dagokionez hurkoa bezain trakets ibiltzen da. Batzuek, ordea, ez dute esperantza galtzen, eta Fleming dute eredutzat. Idazleak bere buruari kontatzen dizkio ipuinak, beste inori baino lehenago.
 ]]> ianfleming jamesbond http://www.blogak.com/katixa/errutina#comments Katixa Fri, 06 Jun 2008 12:48:25 +0200 Fidelaren ahotsa http://www.blogak.com/katixa/fidelaren-ahotsa Legendak dioenez Alexander von Humboldt naturalista Orinokon gora bidaiatzen ari zen, Atur herri galduaren bila nonbait. Halako batean loro batekin egin zuen topo, etengabe ezin ulertuzko hitzak botatzen zituena. Loroa zaharra zen, ia-ia ez zitzaion lumarik geratzen. Inguruetako jendeak ez zuen bere marmarra ulertzen: bertakoen esanetan, Atur-eko hizkuntza galdua zen hura, eta loroa, azken hizlaria. Azken aturtarra aspaldi desagertua zen, masakratuta, baina Amazionako loroak ehun urte bizi daitezke.


Humboldt loroaren alboan geratu zen, belarria zorroztuta, eta azkenean Atur hizkuntza zaharraren berrogei hitz inguru deszifratzea lortu zuen. Horri esker daukagu gaur egun Atur herriaren berri.

Fidela Bernat 1991eko otsailaren 23an hil zen, 93 urte zituela. Bera zen erronkarierazko azken hiztuna. Hogei urte baino gehiago zeramatzan Nafarroako ipar-ekialdeko euskalki hura erabili gabe bere Humboldt partikularra agertu zitzaionean, eta horri esker bere jarduna ondo erregistratuta geratu da.


Izaba, eliza-gotorlekuaren irudi bat

Izabako herri xarmantean ireki berri duten Oroipenaren Etxea museoan entzungai dugu Fidelaren ahotsa, eta zoragarria da segaz, almadiaz eta antigoaleko beste hamaika tresnez betetako aretoan andre zaharraren jarioari adi geratzea. Ez da guztiz arrotza bere uskara, nahiz eta andrea, hizkuntza zaharraz ez oso seguru, entzuleak ulertuko ez ote duen beldur izan, sarri-sarri galdetzen baitu: entelegatu duna ze erran duran? Eta bai, gutxi gorabehera entelegatzen dugu, zenbait minuturen buruan ohitzen hasten baikara erronkarieraren bitxikerietara: keben, zren, dra, anitx onki (hemen, zeren, dira, anitz ongi)…


Almadia Burgin

Almadiak galdu dira, ahaztu dira antigoaleko tresna guztiak, itzali zen Fidela ere, eta hala ere bere ahotsa bizirik da. Erronkariko ibaxan euria goiti-beheti ari duenean, babesleku paregabea da Oroipenaren Etxea. Erronkariera entzuteko, adibidez, eta geure baitarako esateko: “Hau ez da guztiz arrotza, eta entelegatzeko gauza bagara, ez da guztiz galdu, ez da oroipen hutsa, Atur herria den bezala”.

Eskerrik anitx, Fidela. ]]> izaba euskara fidela_bernat burgi erronkariera http://www.blogak.com/katixa/fidelaren-ahotsa#comments Katixa Tue, 03 Jun 2008 19:40:28 +0200 Asteazkenean, Josi Basterretxea Irakurlearen Tartean http://www.blogak.com/katixa/asteazkenean-josi-basterretxea-irakurlearen-tartean "Mandatariaren Gerra" bere azken eleberriarekin, nobela laburrentzako Augustin Zubikarai saria eskuratu zuen Josi Basterretxea idazle eta irakasleak .


Gure tartean izango dugu asteazken honetan. Gerra, misio sekretuak, Pirineoak eta beste hamaika gauza hizpide izango ditugu, seguru. Ohiko moduan, gonbidatuta zaude.

Maiatzaren 28an, asteazkena, arrastiko 8etan Santutxuko AEKn (Arbidea 21, Txurdinaga).
 
Uxue Alberdik moderatuko du berbaldia.
]]> http://www.blogak.com/katixa/asteazkenean-josi-basterretxea-irakurlearen-tartean#comments Katixa Mon, 26 May 2008 13:06:49 +0200 Bihar, mahai-ingurua Bilbon http://www.blogak.com/katixa/bihar-mahai-ingurua-bilbon Cliblik elkarteak antolatuta, bihar (maiatzak 21) euskarazko edizio independientearen inguruko mahai-inguru batean eseriko naiz. Blogari gisa gonbidatu nautela uste dut, baina gauza ez dago oso argi. Bihar argituko delakoan nago.

Bilboko Areatzan propio jarritako karpa batean arituko gara. Hemen daukazue programa osoa. Eta nire gonbidapena.
11:30 Aurkezpena Armiarma proiektua

13:00 Presentación de la Editorial Belleza Infinita

17:30 La revista de humor el Karma: sistema, autogestión supervivenvia

19:00 Mahai ingurua : Euskarazko Argitalpena. Gutxienen hizkuntza mundura zabalik: internet kultura zabalkundearen tresna. Blogs, databaseak eta liburuak .

Parte hartzen dute:

Dinamizatzilea Lutxo Egia

Katixa Agirre (Idazlea)

Gorka Arrese (Susa)

Jorge Giménez (Alberdania)


]]> blog literatura mahai-ingurua clicblik http://www.blogak.com/katixa/bihar-mahai-ingurua-bilbon#comments Katixa Tue, 20 May 2008 15:22:26 +0200