LAUBE

2008/05/03

Txirrita bertsotan (marrazki bizidunak)

Bideo hau aurkitu dugu Euskaltuben. Ia gustatzen zaizuen. Saiatuko gara tarteka horrelako kontuak jartzen. Hala ere, zuek beste zerbait aurkitzen baduzue, bidali WEB orriaren helbidea eta saiatuko gara jartzen

Nork: Laube.2008/05/03
Etiketak: bideoak | Permalink | Erantzunak (0) | Errenferentziak: (0)

2008/05/01

Irailean bertso udalekua Zuhatzan

ZUHATZA, ARABA

Adina: 9-12 urte
Lekua: Zuhatza uhartea (Araba)
Egunak: irailak 2-5
Prezioa: 80 €
Kopurua: 70

Ezaugarriak: Ur kirolak, bertso-jolasak, kantaldia, bertso-saioa, gau-bela magikoak, "piropoposta"...

Zuhatzako uhartean bustialdi ederrak hartu nahi badituzu, zatoz! "Mac Giverrek" eta "Superwomanek" ere dar-dar egingo dute bertso-abentura honetan!

Izen ematea hemen

Nork: Laube.2008/05/01
Etiketak: gazteen-txokoa berriak | Permalink | Erantzunak (0) | Errenferentziak: (0)

2008/04/22

Eskolarteko bertsolari txapelketa 2008

Abian da Arabako eskolarteko bertsolari txapelketa. Lautadako Finalerdia Maiatzaren 24ean izango da Agurainen. Baina lehenago nahi duzuen guztiek parte hartu ahal izango duzue Maiatzaren 9a baino lehen.

GAIA (Bat aukeratu)

1- Eskolako azken eguna da gaur, zure gauzak jaso eta etxera zoaz.

2- Gauza asko esan nahi zenizkioke, papera eta boligrafoa hartu eta idazten hasi zara.

EGIN BEHARREKO LANA

14 urte arte: Bi bertso doinu eta neurri librean

14-18 urte: Hiru bertso doinu eta neurri librean

PARTE HARTZEKO EPEA ETA MODUA:

Maiatzaren 9a baino lehen bertsoak entregatu zure ikastetxean edo bertso-eskolan.

ERRIMATEGI TXIKIA bertsoak egiten laguntzeko.

Maiatzaren 24ean, Lautadako finalerdia AGURAINEN.

10:00etan Idatzizko finalerdia AEK-n

11:30etan Bat-bateko finalerdia Matadero Zaharrean

12:30etan Epaileen erabakia jakitera emango da.

Nork: Laube.2008/04/22
Etiketak: gazteen-txokoa berriak | Permalink | Erantzunak (0) | Errenferentziak: (1)

2008/04/21

ZAKU BEREAN Andoni Egaña

2008-02-20 Andoni Egaña Aita Zabalarekin kantari

"ZAKU BEREAN"

Doinua: Habanera
Egilea: Andoni Egaña (2008-2-20)

1.- Orain bost urte iritsi
ziren etxeko atera
txamarra zaku, gizon bat
Patroleraino atera.
Argazkitan azaldu zen
txamarra burutik behera
begiratua oinetan,
bideko har-legarrera.
Zer ote zeukan aurrean?
Zer uzten zuen atzera?
Nork egin zuen oihua:
“EGUNKARIA aurrera!”?
zihoana zihoala
ez zihoan soilik bera
mordoska bat gindoazen
zakupe hartan batera.

2.- Ziega batean sarturik
zeinek babestu behar nau?
Berriro krisketa-hotsa
bizia, mingarria, rau!
“Todos son del mismo saco”
giza-lege eza arau…
“ez al duzu erantzun nahi?
zutitu, biluztu, barau!”.
Zaku bat burutik behera
zaku zaku zakua hau!
Dena zulo beltz bihurtuz
den-dena bilakatuz gau
oihu ta umilazio
txilio eta alarau
denbora asko joan da…
izu-ikarak hor dirau.

3.- Kaleratu zituzten bai,
denbora igaro ahala…
“Zaku berekoak dira”
hasi zen berriz fiskala.
“Zaku beretsuan daude”
Audientzia Nazionala…
Justizia irudiaren
begietako oihala
esan liteke zaku zahar
zirrikituduna zala
neurtzen zuen momentuko
aukera koiunturala
Justiziak koiunturaz
baldin baleki bezala…
horrexek erakusten du
hain Justizia ez dala.

4.- Zakua uler dezake
bakoitzak bere gisara
gure hau emana dugu
euskal nahiz herrigintzara.
Epaiketaren atetan
aurkitu gintezke iada…
izenak hamabi dira,
baina epaitu ilara.
Gu ere sar baikintezke
akusatuen pilara
ozen esango dizugu
epailea, entzun hara:
“Zaku hortan egotea
delitua baldin bada…
gu’re gaizkile gaituzu
zaku berekoak gara”.

Nork: Laube.2008/04/21
Etiketak: bertsoak | Permalink | Erantzunak (0) | Errenferentziak: (0)

2008/04/20

Egunkariaren alde

Apirilaren 19an, Egunkariaren aldeko jaia egin genuen Aguraingo euskaltzaleok. Haurren aurpegiak eta EGUNKARIA hizkiak mila kolorez margotu eta "Patata tortila borobila" leihaketa egin zen. Tortila karraturik ez zen aurkeztu eta patata tortilarik borobilena eta goxoena bertso-eskolako Mirenek egin zuen, ZORIONAK!

Bezperan atondutako bertso-sorta kantatu genuen gero bertaratutako guztiekin batera. Blogean ere entzungai duzue, entzuteko egin KLIK

Grabazioa boteprontoan eta halamoduz egin bagenuen ere, emaitza oso polita atera zen (Aupa "audioshop" eta gure Jere!)

Mirenentzako eskari bat, patata tortila horren errezeta nahiko genuke zortziko txikian, posible da?

Hemen beste argazki polit batzuk

Nork: Laube.2008/04/20
Etiketak: berriak | Permalink | Erantzunak (7) | Errenferentziak: (0)

2008/04/18

Egunkariaren aldeko bertso sorta

SORTA ENTZUN!

DOINUA: Oskorriren "Forjariaren kanta"

Orain bost urte etorri ziren

Guardia Zibilak gurera

eta eraman Egunkariko

langileak espetxera.

Herri oso bat mobilizatu

eta irten zen kalera

esanez ozen, beldurrik gabe

EGUNKARIA AURRERA!

EGUNKARIA aurrera libre

mintzo da Euskal Herria

Faltsukeriak eta gezurrak

ez digu kentzen irria

Hordago handira, aukeratu

erosi beti BERRIA.

Tortura eta basakeria

hori da demokrazia

Egunkariak ikusi zuen

otsoaren justizia

zoritxarrean ohituta gaude

ta heldu zen sententzia:

Euskaldunak izateagatik

zigorra eta desgrazia.

EGUNKARIA aurrera libre...

Egunkari bat herri oso bat

egun batetik bestera

olatu handi ta gaizto batek

nahi zituen urpera

Urak ez dira etorri eta

oraindik bere onera,
elkar gaitezen ta goazen denok

justizia eskatzera.

EGUNKARIA aurrera libre...

Gogoan dugu Egunkaria
Eskuan berriz Berria
Batzuei emango diegu
disgustu ikaragarria

Egun batean agertuko da

espero dugun orria

Euskara libre ta betirako

tinta gorriaz jarria

EGUNKARIA aurrera libre...

Maiteminduta naukazu orain
hau sentimentu larria.
Beste batzuk probatuta dauzkat
baina zu xarmangarria.
Egunero noa zure bila,
sentitu nahi dut herria.
Nola biziko naiz zu gabe
nire bihotza BERRIA.

EGUNKARIA aurrera libre...

Hurbil zaitezte denok

ta egin borobila

igual sobratuko zen

patata tortila

txalo joko diogu

ta eman muxu pila

non da irabazlea?

hurbildu dadila

Festa bukatu eta

ezer ez da berdin

hemen gauden guztiok

gogotsu eragin

badugu hemen lana

ta nahiko zeregin

konpromisoa hartu

ta aurrera egin

AGURAINGO BERTSO-ESKOLA

Helduen taldea

Nork: Laube.2008/04/18
Etiketak: helduen-txokoa | Permalink | Erantzunak (1) | Errenferentziak: (0)

2008/04/13

Egunkariaren aldeko jaia

Apirilaren 19an, Larunbata

Santa Maria plazan

Lehiaketa: “Patata tortilla borobila”

18:00 umeentzako auzo-eskulana
18:30 tortillak aurkezteko ordua
19:30 irabazleari txapela jarri

talde-argazkia

tortilla-pintxoak eta ardoa

txartel mutuetan mezuak

20:30 bertsoak

^*EGUNKARIAko materiala salgai izango da plazan: kamisetak, liburuak...

EGUNKARIA LIBRE!

Kafe-solasaldia

Kazetariak: Martxelo Otamendi eta Txema Auzmendi

Apirilak 21, astelehena, Kale Nagusiko erakusketa gelan 20:00etan

Nork: laube.2008/04/13
Etiketak: helduen-txokoa berriak | Permalink | Erantzunak (8) | Errenferentziak: (0)

2008/04/12

Apirilaren 12an UDABERRIKO JAIA

100 lagundik gora bildu ziren Aguraingo Aniturri institutuko kiroldegian Udaberriko jaiari hasiera emateko prest. Luxuzko teloneroak izan genituen: PEÑA, EGAÑA, MAIA eta ARZALLUS. Giro ederra eta bertso-saio dotorea. Aguraingo bertso-eskolako ikasle-irakasleok izan genuen saioa gidatu eta bertsolariei harrera egiteko ardura.

Hemen JEREk ateratako argazkiak (eskerrik asko!):

AGURAINGO BERTSO-ESKOLAREN AGURRA