LAUBE

Nork ez du harrapatu
katarrorik aurten?
birus txarren bat dabil
bazterrak nahasten
denak eztulka dabiltz
ez dakit zer duten
azken aldi honetan
ez da giro hemen

Ñoooo, earra erantzuna. Ea beste hau:

Birusa izango balitz

arazo bakarra..........

ez litzake izango
aukera kaxkarra
baina azken honetan
dena da liskarra
Euskal Herrian dugu
panorama txarra

Baina bagara eta

hori ez da gutxi...

Baina bagara eta
hori ez da gutxi
betidanik hemen
eutsi eta eutsi.
Ta garena garela
nahi dugu erakutsi
ta izan nahi duguna
oso argi utzi.

Hori duk eta! hasi gara trankilloa hartzen kontuari. Ia beste bat

 

Argi utzi dezagun

Izan nahi duguna

 

Argi utzi dezagun
izan nahi duguna
hemengo herritarrok
badugu erresuma
euskara gure hizkuntza
gustatzen zaiguna
Euskal Herri maitea
bihotzez kuttuna.

Mendian erraldoiak

jarri nahi dituzte

ingurua salduaz

erraz eta merke,

baina makarra hoiek

zer pentsatzen dute

gure ama natura

behar dugu maite

 

Kijoteren antzera

erraldoien kotra

Ezer baino lehen aitortu behar dut errima asko gustatu zaidala. Earra benetan!
Saiatzea da kontua eta badoa:

Kijoteren antzera
erraldoien kontra
horren ibilgailua
ez zen opel astra
zaldiaren izenak
bazitun lau letra
ez naiz ondo oroitzen
akaso zen Petra.

Ez zen erreza errima horren zorrotz hartuta zentzuzko zerait egitea, ez. Baina nahiko itxura txukuna du, grazia eta guzti. Gainera gai interesgarria atera duzu. Euskaraz horren bakana den errima izanik malguago jokatzerik badago, eta behar bada komeni da

Letren ordena aldatuz: INPORTA, SORTA, DATOR TA...

Traba egiten duten bi letrak kenduz eta hoskidetasuna erabiliz: : KONTA, BOTA, MOTA, SOKA, TOPA, OPA.

 

Kasu honetan dominantea O-T-A da fonetikoki

Ia beste bat, RRIK errima lantzeko

 

Sarri pentsatu arren

ez gaude bakarrik

Ez dakienak galdetzen du:
-rrik rimatzeko -rri balio du? Ken daiteke azkenengo kontsonantea? ETORRI
-rrik rimatzeko -rik balio du? RR=R? DIRURIK

Sarri pentsatu arren
ez gaude bakarrik
baina denak batera
behar dugu etorri
Horiek ez daukate
amalur beharrik
Ez dira konformatzen
ez bada dirurik.

 

Aupa

Azkeneko kontsonantea mantentzea komeni da, nahiz eta bertso zaharretan eta badagoen horrelakorik. Printzipioz nik uste hobe dela IK bakarrik errimatzea K kentzea baino.

Errima zaila da, batez ere denak RRIK egitean ia derrigorrez "EZ" jarri behar delako ia puntu guztietan eta baldar samar geratuko litzateke. Horregatik jarri dizuet, buruari eragiteko

Hona hemen beste aukera batzuk

Bat oso praktikoa:

.....ALPERRIK

Atzizkiarekin baiezkoa egin daiteke, indartua:
BADA GAUZA TXARRIK                                           BADAGO BEHARRIK

Sujeto moduan ere erabili daiteke:

AZTORATZEN GAITUZTE

HAINBAT GAUZA LARRIK

Ala ba, segi fin fin

Norbait ausartzen da oinak emanda hamarreko txiki bat osatzen?

INDARRA

ZAHARRA

XAMARRA

ZORITXARRA

BEHARRA

Lehengoan Asierren zalantza bat argitzea ahaztu zitzaidan: RRIK eta RIK posible da bai, baina RR eta R ez dira familia berekoak.

Ados, ulertu dut.
Momentuz, hasierako bertsoa txukunduko dut.

Sarri pentsatu arren
ez gaude bakarrik
baina denak batera
bestela alferrik
Horiek ez daukate
amalur beharrik,
ez dira konformatzen
ez bada dirurik.

Azkenean tresna eraginkorra dirudi honek! Tira, hurrengo ariketa nahi duenaretzat lehen jarritako bera, hamarreko txikia osatzea 5 oin horiekin.

Hau da nekea eta
lan egin beharra
blog honi segitzeko
behar da indarra
azkeneko errima
dugu zail xamarra
martxan jarri beharko
nere buru zaharra
bertsoa bukatu da
hau da zoritxarra

Ederki ari zarete!

Hemen beste bost oin bertsoa osatzeko

KANTARI

NABARI

ADI

OPARI

ENTZULEGOARI

 

 

Gure blog ero hontan

sartu naiz gaur adi

baina mugimendurik

ez diot nabari

hemendik nere partez

entzulegoari

agur bero bat eta

bertsoa opari

Ondo Miren!!! Kantari ahaztu duzu baina barkatuko dizut

Beste bost:

INGURU

SEGURU

APURU

HELBURU

DITUGU

Hau Lautadako bertso eskolako gaztetxoen izenean doa, beraiek animatzen ez direnez...

Finala hor dago ta
ai! zenbat apuru
txapela janztea du
Oihanek helburu.
Eskolan pasatuta
bost urte inguru,
hurrengo urtetako
txapelak seguru
Lautadako gazteok
jantziko ditugu.

Kaixo lagunok, datorren ostiraleko bertso-sorta entrenatzen joateko, hona hemen, AMAIERA bat zortziko nagusian bertsoa osatzeko. Ariketa honen bidez atzekoz aurrerako teknika sakonduko dugula uste dut.

 

BI HITZ BAKARRIK ESANGO DITUT: 

EGUNKARIA AURRERA!

 

OHARRA: Ez dakit ikusi duzuen, baina Amurizaren hiztegi errimatua digitalean aurkitu dut (ez nekien zegoenik) eta esteka jarri dizuet.

Lehengo egunean ere bidali nuen baina ziberespazioan galdu da, nonbait.

Hona nire entrenamenduaren emaitza:

Orain bost urte etorri ziren

Guardia Zibilak gurera

eta eraman Egunkariko

langileak espetxera.

Herri oso bat mobilizatu

eta irten zen kalera

esanez ozen, beldurrik gabe

EGUNKARIA AURRERA!

 

Egunkari bat herri oso bat

egun batetik bestera

olatu handi ta gaizto batek

nahi zituen urpera??? (s.o.s)

Urak ez dira etorri eta

oraindik bere onera,

esan dezagun ozenkiago

EGUNKARIA AURRERA!

 

GOGOAN DUGU EGUNKARIA
ESKUAN BERRIZ BERRIA
BATZUEI EMANGO DIEGU
DISGUSTU IKAGARRIA
EGUN BATEAN AGERTUKO DA
ESPERO DUGUN HORRIA
EUSKARA LIBRE TA BETIRAKO
TINTA GORRIAZ JARRIA

Aibaaaa! ze bertso-eskola langilea dudan... Ia proposamen batzuk Mirenentzat korrika eta presaka

 

Itxasontzia bota ziguten

olatu batez urpera

 

Olatu batek, kosta aldetik

eraman zuen urpera!

 

 

Balio du?

 

Mila esker,

biek balio dute,  baina itsasontziarena gustatu zait gehiago. ikusiko dugu ostiralean zer egin, ezta? laster arte.

 

TORTURA ETA BASAKERIA
HORI DA DEMOKRAZIA
EGUNKARIAK IKUSI ZUEN
OTSOAREN JUZTIZIA
ZORITXARREZ OHITUTA GAUDE
BAGENEKIEN ZENTENTZIA:
EUSKALDUNAK IZATEAGATIK
ZIGORRA TA DESGRAZIA

Kontxo, oso ondo Jere.

Uste dut sorta polita aterako zaigula...

 

aupa:

Berandu baina esana bete.

Maiteminduta naukazu orain
hau sentimentu larria.
Beste batzuk probatuta dauzkat
baina zu xarmangarria.
Egunero noa zure bila,
sentitu nahi dut herria.
Nola biziko naiz zu gabe
nire bihotza BERRIA.