LAUBE

Nun arraio da Monotema

doinu berritan abila?

ez al duzu idatzi behar

bertso-eskolako gindila?

 

Zalduondoko Artzaia ere

dabil erabat galduta

Kañabera eskutan eta

ordenagailua ahaztuta

 

Ta Zeledon, gure zeledon

berriro joan da hirira

krisiari aurre egiteko

txapelak saltzen hasi da

 

Zalduondoko Markitos ere

Isilik dago aspaldian

Harriekin maiteminduta

hautsontziaren herrian

 

Kafesbakek ez du aurkitu

gure blogera bidea

Bizikleta ta telebista

nahikoa ditu ordea

 

Txote dago ingresatuta

Zainketa berezietan

10 urte zahartu zaigu

astebukaera honetan

 

Auskalo ta Opiumekoak

bere munduan dabiltza

eta oraindik ezin zaie eman

Bertso-eskolako giltza!

 

BKN berriz ondartzan

turista pijoen erara

ostiralean azalduko ote

da norbait bertso-eskolara?

 

NO WOMAN NO CRY....

belarriak eukitzeagatik
entzun behar dena enfin
araian ez zeuden eta
bertso honak ezin egin

ostiralean ez naiz juango
baina izango da mundiala
bertso-konferentzia dago
ta jada gauza normala

asteburu honetan ez
zara eskapatuko
bakaikura goaz denok
ta tregua ez duzu eukiko

Hantxe nengoen lehenengo filan

igande arratsaldean...

abandonatu behar al nauzu

berriro ostiralean?

 

Bertso-eskola doinu honetan

Izango da ta ze osti!

Konferentzia egingo dugu

musikari eta guzti!

 

Etxera heldu bezain laster

internet ta bloga  piztu,

betiko martxan! zenbat mezu!

hola behar da jarraitu!

 

zenbat bandera egon den han

ikurriñarik batere.

oroitzapenak hala esan zidan:

"lasai, iritsiko da hori ere!"

 

basamortutik bertso-eskolara

etxean nago ni lasai,

ostiralean han egongo naiz,

beraz, andereño no cry!

Ongi etorri! Markitos jauna

hemen zaude... hau da poza!!!

Ostiralean bertso-eskolan

daukagu plan aproposa:

 

Mikel dator edo gu goaz

Milenen ta lokalera

doinu hontan irailerako

azterketa prestatzera!

 

hogeita hamar mila sarrera

ni kanpoan nengoela,

argi dago behintzat denbora

aprobetsatu duzuela.

 

ni banoa ba bertso eskolara,

agian goaz gu bakarrik.

gainontzekoek lana dute ta,

edo beste historiarik.

 

Bertsokalera etorriko da

Mikel Goikuria jauna.

Irailean bi azterketa ditut

prestatu behar dut garuna.

 

bertso-marroia da azterketa,

geofisika bestea.

zuk berriz hogeita hamarrean,

hobe duzu ba hastea.

Neskak eta Opiumekoak

igual etorriko dira

hogeitamar mila sarrera!!!

botilak hustu behar dira...

 

Esan diet doinu honetan

izango dela mobida

pianoa kitarra eta

bateria egongo dira...

 

Monotemak dio printzipioz

bera be badatorrela

Amonaren belarrak ere

berarekin datozela...

 

Betiko legez mobida hasi

zen lokal txiki batetan...

Ta ondoren, a ze saioa!

Araiako piztinetan

 

Aupa! aupa! bertso eskola!

hau da daukagun sasoia

Ze nolako inbentu ona

Bertso-reagge herrikoia

Zalduondon afaldu ta gero

joan ginen Bakaikurantza.

Poteak garesti zeuden sakanan,

ta ez zekiten ondo dantza.

 

Horregatik joan ginen gero

Olazti bisitatzera,

ta bide batez, bertso-librismo

pixkatxo bat egitera.

 

ta Gasteiztarrak, zer moduz hortik

blusa ta neskaz jantzita.

zuen txanda da, badakizue,

egin zazue zuen kronika.

Ba ondo baina, guk berakatzik

ez genuenez aldean

Espiritu txarrak han zeuden..

Hobe zeundeten ohean!

 

Bestela zera, blusen jantziak

oso dotoreak noski!

Etiketa jarri ta gero

Zeledonek pertsonalki

 

 

 

Bertsolari, musiko, aktore

eta dantzariak hara!

Akelarre bat montatzeko

Bihar elkartuko gara !

 

Horregatik gogoratu behar

berriz ere bertso-jazza

bertso-eskola izango al da

hau egiteko kapaza?