ABENDUAREN 4ean,
18:30etan Euskararen eguna AGURAINEN.
1. Behean azaltzen den bertso-sorta Huajaloteen "Mexiko kuba eta" doinuan
2. Tabernaz taberna bertso-poteoa Egun da Santi Mamiña doinuan baina estribilo berriakin:
Aguraingo kaleetan
beti gabiltza festetan
Gaur euskararen eguna denez
hasi gaitezen kopletan
Abenduaren 4ean, 19:30etan Gasteizen
Bertxoko finalera juteko autobusa. Gazteentzat bakarrik, helduak lanpetuta ibiliko gara Aguraingo kaleetan. Itzulerarako lasai... esango diogu autobusari Agurainerako juteko. Baina astearterako edo erantzuna behar dugu eh? Bitartean, entzun, entzun halabedi irratiko kuña hau...
Bisitak
Erantzunak
EUSKARAREN EGUNERAKO
______________
BERTSO BERRIAK
JENDEA BUSTITZEKO JARRIAK
- 1 –
Hasi gaitezen denok
Gaurkoan bertsotan
Ez zaitezte gelditu
Ixilik ta lotan
Itoko al gara gaur
Pintxo ta ardotan,
Agurainen dagoen
Akelarre hontan?
- 2 –
Hori egin dezakegu
Nahiz joan txokora
Praktikan jarri eta
Gerokoa gerora
Haur, gazte eta zaharrek
Egin behar gustora
Pasatu behar dugu
Ahotik ahora
- 3 -
Zeozer dugu denok
Mingainaren puntan
Ez dugu erabiltzen
Bakarrik batzutan
Atera dezagun ta
Jar dadila sutan !
Edozeinekin eta
Edozein lekutan
-4 –
Barrukoa atera
behar da kanpora
zuk egiten baduzu
egin behar gustora
oraingo gazteentzat
sekulako droga
ez baduzu erabiltzen
oxidatuko da
- 5 –
Batzuk dute murritza
Besteek zabala
Batzuk gordeta dute
Urrea bezala
Baina lotsarik gabe,
Atera, aibala!
Gure-gurea da ta…
Oso naturala
- 6-
Lehenengo lekzioa
eskuina eta ezkerra
Nork nori nork ikasi
“Nik zuri izterra”
Mingaina erabiltzea
da gauza ederra
Zuk ta nik egitea
Nolako plazerra!
- 7 –
Ez da birus makala
Jendea ohar dadin
Baina ez da kutsatzen
Behar bezain arin
Lagunek ez badute
Huraxe atsegin
Kalera joan ta beste
Batzuekin egin
2009ko Abenduaren 3an
LAUTADAKO BERTSO ESKOLA
www.blogak.com/laube
Nork: Oihane.2009/11/29 09:55:28.451 GMT+1