LAUBE

Doinua: Kantatzera nihoa

 

 

- 1 –

Barrukoa atera

behar da kanpora

zuk egiten baduzu

egin beahr gustora

oraingo gazteentzat

sekulako droga

ez baduzu erabiltzen

oxidatuko da

 

-         2 –

Kalean nengoela

huraxe algara

neska bat ikusi ta

hurbildu bertara

zer dagoen ikusi

ta ikasi, hara!

praktikatzea oso

garrantzitsua da

 

-         3 –

Gauza bat gustatzen zait

niri izugarri

eta praktikatzera

zu hona etorri!

Mingaina erabili

behar da sarri-sarri

emango al diogu

gustoa elkarri?

 

 

-         4 –

Hori egin dezakegu

Nahiz joan txokora

Praktikan jarri eta

Gerokoa gerora

Haur, gazte eta zaharrek

Egin behar gustora

Basatu behar dugu

Ahotik ahora

 

-         5 –

Ahoarekin egin

zerbait bat-batean

batzuek uste dute

dagola kaltean

ez dago sobran inor,

guztion artean,

elizan eingo dugu

datorren astean

 

-         6  –

Muxuka hasi eta

hainbeste endredo

jolas hauetan ere

gu gara bezero

parte hartu ezazu

ahal bada egunero

askoz hobe elkarri

kutsatu ezkero

 

-         7 –

Ez da birus makala

“lenda” ohar dadin

hogeita hamar urte

eta dago berdin.

Lagunek ez badute

ez hauxe atsegin

kalera joan ta beste

batzuekin egin.

 

 

LAUTADAKO BERTSO ESKOLA

2007ko abenduaren 3a