NORTZUK GARA
Legazpiko Bertso Olariak, Legazpiko bertso eskola osatzen
dugun taldekideak gara. Astero astero bildu eta bertsotan aritzeaz gain beste
hainbat ekitaldi bultzatzen ditugu, besteak beste bertso-saioak eta urtero
egiten dugun bertso-antzerkia.
Larunbatero biltzen gara Bertso-Olarien lokalean, hau da, Itxaropengo
azkenaurreko lokalean, bertsotan aritu eta ekitaldiei eta beste hainbat gauzi
buruz hitzegiteko.
Partaidetza noski librea da, eta edonor ager daiteke bertara.
Web orrialde honen asmoa talde hau mundura zabaltzea da, eta nahiz eta
badakigun kazakhstan-en ez digutela kasu zipitzik ere egingo gutxienez gure
apurra hemen da.
Denborarekin bertsoak eta antzerako materiala gehitzen joango gara!
Eskerrikasko ta ondo segi!!
HISTORIA
Legazpin aspalditik dator bertsoei buruzko zaletasuna. 80ko
hamarkadan mundu hau ere bagenuen barneraturik,7ko talde bat zegoelarik Iñaki
Azarolak burutua.
90eko hamarkadan berriz,txapel ugari jaso zituen legazpiar bertsolari
batek,Nerea Elustondok hain zuzen ere. Bainan hura ez zen izan bertso olarien
sorrera, bultzadatxo bat besterik ez zen izan, oraindik inoren buruetan
zegoena.
Egia esan, Legazpiko Bertso Olari estola 1998 ko udan Legazpin. Hasera batean helduen taldea
ez zen ugaria izan, gazteenak aldiz, partaidetza ugaria izan zuen. Kontua zen, gazte
horietako askok ezin izan zutela asko iraun eta 15-16tik 6 besterik ez ziren
irten salbu. Hasera batean, haztegi ikastolako gela batean izaten ziren klaseak
Joxe Olabideren eskutik, geroago lan hau Nerea Elustondok, Asier Iriondok eta
Asier Otamendik hartu zutelarik.
Eskola, aurrerantza zijoan eta helduak gerturatzen ziren heinean gaztetxoak
"ihes" egiten zuten mundu honetatik kanpo. Lokala ere berria izan zen
denen eskuetara, kultur etxeko gela batean kokatua zegoelarik. Helduen
mailakoek, Asier Iriondoren aginduetara zeuden. Geratzen ziren hiru gaztetxoak,
11 urtetakoak ain zuzen ere, Nerearenetan.
Urteak joan urteak etorri, jende berria joan zaigu gerturatzen bi mailetan
bainan askok ezin izan dute jarraitu eskolarekin bat. Txapelketak egiten hasten
dira Legazpiarron eskutik, afariak ere areagotuz dijoaz, baita saioak ere.
Eskolarteko Gipuzkoako txapelketan berriz gutxi izan ditugu tabladuaren gainean
eskola hasi zenetik. Hauek Nerea Elustondo eta Ibon Sotil izan direlarik.
Antzerkiarekin froga egin zen Santikutz festetan 2001 urtean. "bittor
agirreren hilkata" izan zen honakoa eta naiz eta eguraldi oso txarra egon,
ez zuen jendea galerazi honuntz gerturatzea.
Bikaina izan zen! errepikatzeko modukoa. Eta esan zen bezalaxe,izan zen.
Geroztik, urtero izan dira antzerkiak Bertso Olarien eskutik. Ezkontzak,
botoak, txapelketak... izan ditugu hauen barnean. Jendetzari dagokionez,
afizioa sortu zuen gazteak animatuz eskolaren oinetara.
Azken urte hontan berriz, asko aurreratu du eskola honek saioak,afariak...
areagotuz eta balkoitik balkoirako ohitura zaharra berriro ere gureganatuaz.
Bainan azken urte hauetan gehien azpimarratu daitekena, lokal berria da.
Eskolako partaidetza nahiko ugaria dugu, gaztetxoen talde berria sortuz eta
helduena indartuz. Hala ere animatu egiten zaitugu Larunbatero arratsaldeko
5etan lokalean agertzeko. Han egongo baigara edozeinen zain.
HELBURUA
Gure elkartearen helburua legazpiko herrian bertsolaritzak duen presentzia areagotzea da, baita haurrei nahiz helduei bertsotan egiten irakastea.
FUNTZIONAMENDU ARAUAK
Larunbatero biltzen gara bertso eskolako lokalean, 4etan haurrak eta 5etan helduak, edonor agertu daiteke bertara eta parte hartu gure ateak zabalik izango ditu.
NON GAUDE
Gure helbidea itxaropen 5 da, Sorgintxuloren lokalaren ondoan eta Apatxo baserriaren parean.
