Blogak.com

Sortu blog berria   Sar zaitez blogera

2011/12/03 19:41:00.568 GMT+1

BOE euskaraz

Abenduaren 1ean hasi da argitaratzen Estatuko Aldizkari Ofizialaren (BOEren) euskarazko gehigarria, Jaurlaritzak eta Espainiako Gobernuak izenpetutako hitzarmen baten ondorioz.

BOEren euskarazko gehigarriak, katalanez eta gailegoz aspaldi argitaratzen direnak bezala, Aldizkariaren 1. Atalaren ("Xedapen Orokorrak") aurkibidea argitaratuko du egunero euskaraz eta, bestalde, lege-mailako xedapenen, hots, legeen, lege-dekretuen eta legegintzako dekretuen euskarazko testua. Jaurlaritza arduratzen da itzulpenaz.

Horren haritik, Eusko Legebiltzarraren legeak ere argitaratuko ditu Estatuko Aldizkari Ofizialak, gaztelaniaz ohiko aldizkarian eta euskaraz hizkuntza honetako gehigarrian.

Nork: legegile.2011/12/03 19:41:00.568 GMT+1
Etiketak: legeak_euskaraz boe estatuko_aldizkari_ofiziala | Permalink | Erantzunak (0) | Errenferentziak: (0)

2011/10/01 21:33:14.697 GMT+2

Konstituzioaren 135. artikuluaren aldaketa

2011ko irailaren 27an argitaratu zuen Estatuko Aldizkari Ofizialak Espainiako Konstituzioaren 135. artikuluaren aldaketaren testua.
Aldaketaren helburua, herri-erakundeen egiturazko defizita galaraztea izan da, ekonomiaren krisiari aurre egitearren.
Aldaketa, inoizko lasterren aurkeztu, onartu eta lege-antolamenduan txertatu da, erreferendoma egiteko eskatu duten hainbat alderdi eta eragileri entzungor eginez.
euskal legezalea web gunean duzue euskarazko testua.

Nork: legegile.2011/10/01 21:33:14.697 GMT+2
Etiketak: espainiako_konstituzioa konstituzio-aldaketa defizita | Permalink | Erantzunak (0) | Errenferentziak: (0)

2011/09/19 13:15:31.228 GMT+2

UNESCOren eta LNEaren testuak

Giza eskubideen alorreko testu gehiago argitaratu ditu euskaraz euskal legezalea web guneak

Lanaren Nazioarteko Erakundearen testuak dira honako bi hauek:

Beste lau, berriz, Unescorenak:

Nork: legegile.2011/09/19 13:15:31.228 GMT+2
Etiketak: nazioarteko_erakundeak giza_eskubideak | Permalink | Erantzunak (0) | Errenferentziak: (0)

2011/09/16 14:18:45.039 GMT+2

Giza eskubideei buruzko nazioarteko testu gehiago

Giza eskubideei buruzko nazioarteko zenbait testu gehitu ditu euskal legezalea web guneak.

Nazio Batuen Erakundeak onartutakoak dira hauek:

- Larrialdi edo gatazka armatu egoeran emakumearen eta haurraren babesari buruzko adierazpena
- Emakumearen aurkako indarkeria ezabatzeari buruzko Adierazpena
- Haurren eskubideei buruzko Konbentzioaren hautazko Protokoloa, gatazka armatuetan haurren parte hartzeari buruzkoa
- Haurren eskubideei buruzko Konbentzioaren hautazko Protokoloa, haurren salerosketa, haurren prostituzioa eta pornografian haurren erabilerari buruzkoa

Beste hauek, berriz, Lanaren Nazioarteko Erakundearenak:
- Gutxieneko adinari buruzko Hitzarmena, 1973
- Haurren lan modurik makurrenei buruzko Hitzarmena, 1999


Nork: legegile.2011/09/16 14:18:45.039 GMT+2
Etiketak: giza_eskubideak nazioarteko_erakundeak | Permalink | Erantzunak (0) | Errenferentziak: (0)

2011/09/16 14:10:50.228 GMT+2

EAEko azken legeak

Eusko Legebiltzarrak onartutako azken legeak eta aurreko lege-arauak baterabiltzen dituen testu bat dituzue honez gero euskal legezalea web gunean.

Honako hauek dira:

- 2/2011 Legea, Ehizarena

Nork: legegile.2011/09/16 14:10:50.228 GMT+2
Etiketak: legeak eusko_legebiltzarra | Permalink | Erantzunak (0) | Errenferentziak: (0)

2011/02/26 13:23:28.494 GMT+1

Lan-erreforma euskal legezalea-n

Langileen Estatutuaren Legearen testu bategina argitaratu du euskaraz euskal legezalea web guneak, 2010eko irailaren 18an onartutako aldaketak jasotzen dituena.

Lan-arloan dabiltzan profesional eta enpresa euskaldunei baliagarria izango zaiela espero dugu.

Nork: legegile.2011/02/26 13:23:28.494 GMT+1
Etiketak: lan_erreforma langileen_estatutua lan_zuzenbidea | Permalink | Erantzunak (0) | Errenferentziak: (0)

2010/10/20 18:06:05.247 GMT+2

Euskal Autonomia Erkidegoko Udal Legearen oinarriak

Urtetan atzeratu den Euskadiko Udalen Legea hizpide izan dugu berrikitan. Aurreko legegintza-aldietan zenbait lege-egitasmo landu diren arren, oraingoan Jaurlaritzak lege garrantzitsu hau jorratu, proiektua adostu eta Legebiltzarrera biberatzeko borondatea azaldu du.
EUDELek, Euskadiko Udalen Elkarteak, 2010eko martxoan plazaratutako dokumentua gehitu dugu euskal legezalea gunean, interesgarri izan daitekeelakoan:

Nork: legegile.2010/10/20 18:06:05.247 GMT+2
Etiketak: eudel udal_legea eae | Permalink | Erantzunak (0) | Errenferentziak: (0)

2010/07/25 21:31:49.407 GMT+2

Kontsumoari buruzko legeak

Kontsumoeri eta kontsumitzaileei buruzko hiru lege berri jarri dugu euskal legezalea gunean:
Hiru lege hauen euskarazko bertsioak  Euskal Herriko Unibertsitateari zor dizkiogu: Patxi Petrirena eta Irene Aldasoro izan dituzte itzultzaile eta Euskara Juridikoko Mintegiko kideak berrikuske eta orraztaile.
Eskerrak guztioi!

Nork: legegile.2010/07/25 21:31:49.407 GMT+2
Etiketak: kontsumitzaileen_eskubideak kontsumoa | Permalink | Erantzunak (0) | Errenferentziak: (0)

2010/07/13 16:38:47.955 GMT+2

Nazio Batuen Erakundearen zenbait konbentzio

Nazio Batuen Erakundeak giza eskubideen arloan onartutako zenbait konbentzio gehitu dugu euskal legezalea gunean. Honako hauek:

Nork: legegile.2010/07/13 16:38:47.955 GMT+2
Etiketak: nazio_batuen_erakundea konbentzioak giza_eskubideak | Permalink | Erantzunak (0) | Errenferentziak: (0)

2010/05/18 16:41:07.494 GMT+2

Trafiko alorreko arau nagusiak eguneratuta

Trafiko alorreko xedapenak sarri aldatzen dira Espainian eta ez da beti erraza itzulpenak eguneratuta edukitzea.

Oraingoan, sei arau-xedapen nagusiak bildu ditu euskal legezalea guneak:


Nork: legegile.2010/05/18 16:41:07.494 GMT+2
Etiketak: legedia_euskaraz trafikoa | Permalink | Erantzunak (0) | Errenferentziak: (0)