lekittoko lasunak

ABIAN DIRA LABURMETRAI BATZUK!

iokofas — Sat, 17 May 2008 20:45:22 +0200

Beno, ikusirik HUHEZINEMAko lehiaketan ez dudala zorte handirik izan, ba lan gehiago egitea erabaki dut.

Momentu hauetan, 3 laburmetrairen proiektuarekin nabil, bat ia errodaje prozesuan dago eta besteak gidoi prozesuan. Ea zer ateratzen den, laister edukiko duzue hauen berri.

JOXE ARANZABAL ESKERRIK ASKO DENAGATIK ETA ZURE PAZIENTZIAGATIK ERE!

iokofas — Thu, 15 May 2008 22:06:50 +0200

NI ETA NIRE LAGUNAK NEGU GORRIAN SURF EGITEN! URTARRILAK 1!

iokofas — Thu, 15 May 2008 22:05:12 +0200

Nire ibilbide kuttuna.

iokofas — Thu, 15 May 2008 21:57:43 +0200

tagzaniapaste
Tagzania: iokofas

FIRFOX EDO EXPLORER?

iokofas — Thu, 15 May 2008 21:40:51 +0200

Egia esan nik Fire foxa ez dut ako erabiltzen, garai batean internet explorerarekin hasi nintzelako eta orain safarirekin nabilelako eta hau oso ona iruditzen zait.

Baina badago Firefoxak duen abantaila handi bat. Informazioaren gizartean bizi garela esaten dugu eta kaka asko zurrupatzen dugula, ba Firefoxak kaka hori neutralizatu egiten du. Zenbat aldiz sartuko ote giñen orrialde web batean Explorerarekin eta Spama zenbat aldiz klikatu behar izan dugu? ba Firefoxek behintzat hori dena neutralizatu egiten du.

Badago beste puntu bat ere esan beharrekoa. Gu internetaren munduan Explorerarekin hasi giñen eta horrekin ohitu gara, ez bakarrik nabegatzen, baita bisualki ere eta estetikoki noski. Agian tontakeria da, baina jendeak horrela uste du eta horrela jokatu ere.

Badakit gaur egun gogorra dela entzutea hau baina egia ere bada, asiske zertarako harritu?

Batek faboritoak dituela eta besteak seguritate gehiago? batzuk ohituago daudela batekin eta ohitura hoiek apurtzea oso jauzi kualitatiboa dela beraientzat? Zer egingo diogu ba? Gero ez daitezela nazkatu birusekin edo korreo eta informazio aspergarrien bonbardaketekin, nik neuk neutraltasuna adieraziko dut eta ez EXPLORER EZTA FIREFOX ERE! NIK SAFARI!

AURRERA MAC ETA MACTARRAK!

PATXI TRAPEROOOOOO ETA PAKITO TXOKOLATEROOOOOO!

iokofas — Thu, 15 May 2008 21:19:47 +0200

Kaixo guztioi, izenburua nahiko baziloia da baina, humore toke bat emateko izan da besterik ez.

Patxi traperok eta Iban Aranzabalek hitzaldi bat eman zuten gure unibertsitatea den HUHEZIn. Hauek blogen sustapenari buruz hitzegin zuten.

Duela urte batzuk oso murriztua zen bloglarien kopurua eta gaur egun, blogez beteta dago sareen sarea. Nik ongi deritzot, ze egia esaterik nahi baduzue irakurle maiteok, nik aipatutako blog hauek, bai surfarenak, bai y generazioarenak eta bai amari buruzkoarenak ere, oso blog interesgarriak dira eta uste dut, beharrezkoak ere badirela. Askotan pentsatzen dut ea zergatik behar dudan web orrialde bat, blog baten ia nahi dudan guztia jarri bait dezaket.

Blogak askotan norberaren korapiloen askatzaile izan daitezke, sentimenduen adierazle eta ahots isilduen mikrofono ere bai. Ni neu harrituta geratzen naiz jendeak idazten dituen gauzekin, baina zer arraio! Adierazpen askatasuna

Innerarityren arian...

iokofas — Thu, 15 May 2008 21:07:04 +0200

http://es.youtube.com/watch?v=CzYzVXxbAoA

ESKERRAK EZ DELA BAKARRIK RAMONET ETA INNERARITYREN KEZKA, ZUENTZAKO!

iokofas — Thu, 15 May 2008 21:07:54 +0200

http://es.youtube.com/watch?v=lPXlwyCqFjM

Daniel innerarity

iokofas — Thu, 15 May 2008 21:03:10 +0200

Daniel innerarity Bilbon jaio zen 1959an. Gaur egun Zaragozako unibertsitateko filosofiako irakaslea da. Alexander von Humboldt fundazioko bekario ohia da. Bere azken lanak, Etica y hospitalidad eta La transformacion de la politica dira, azken honengatik Miguel de Unamunoren 3.saiakera saria jaso duelarik. 2003an literaturako sari nazionalaren saiakera saria irabazi zuen La sociedad invisible liburuarekin.

Gaur egun El Pais, El Correo eta Diario Vascon eritzi artikuluak idazten ditu eta Claves de la razon practica aldizkarian idazten du.

Infoxikazioaren gizartean bizi gara, informazio output non nahi zurrupatzen ditugu nahita ala nahitaez eta honen aurrean adierazpen, erreflexio edo gogoeta batzuk egin zituen.

Gizartea ente superdotatu bat da eta gure aldean askoz inteligentzia handiagoa du, normala da gu honen aldean inurri batzuk garelako.

Bere ustetan, gizarte honetako partaideak garenok dudan bizi gara. Nahastuta gaude, desorientatuta. Gainera, tontotzat hartzen dugu ezjakina. Hala ere, gu ezjakinak bezala, arazo bat daukagu: ezjakinari liburu bat eman behar zaio baina nahastuta dagoen horri liburua kendu behar zaio. Beraz, biek dute arazo bat. Informazioa mugatzen eta behar dena bakarrik jasotzen ikasi behar dugu, baina hori ez da erraza izaten, behin eta berriz, informazioa jasotzen ari garelako. Nahiz eta, informazio gehiegi izan, horrek ez du esan nahi informatuta gaudela.

Ignacio Ramonet ekarri zidan gogora, informazioaren gizarteari buruzko gogoetetan.

5 BLOG OSO ONAK. HEMEN JENDEAK EDOZERGATIK IDAZTEN DU!

iokofas — Thu, 15 May 2008 20:43:20 +0200

Kaixo guztioi! Nik aukeratu ditudan blogak oso dezberdinak dira beraien artean, baina egokiak direla iruditu zaizkit, aniztasuna bultzatu behar dugulako, gai berdinari buruz irakurtzeak automata bilakatzen gaitu eta!

Nik aukeratutako blogak zeintzuk diren aipatuko dizkizuet eta beraiei buruzko azalpen txiki bat ere botako dizuet.

-BLOGDECINE.COM:

Blog honetan, zineari buruzko informazioa jaso dezakezu, sinopsiak, kritikak, estreinaldiak... Niri asko gustatzen zaidanez zinea, sarritan begiratzen dut, horrela badakit zer dagoen zineetan eta pelikularen batek merezi duenala ez.

-SESIONES DE SURF 2.0:

Surflari batentzako ezinbestekoa da egunero meteoaren berri izatea eta aparte leku dezberdinetako hondartzen baldintzak jakitea. Ehundaka blog daude honen kontuan baina bueno, informazio orokorra edukitzeko hau ez dago txarto.

-HANDS&SURF PERU:

Hauek bai hauek! Nire adineko gazte surflari koadrila bat dira, hau da 26 urte ingurukoak. Perura surf egitera joan ziren eta bertakoen esku zabaltasuna ikusi, bertako itsasoa, turismoa egiteko baino gehiago zela ohartu ziren. Hegazkinean zihoazela konturatu ziren zerbait egin behar zutela eta halaxe egin ere! Bertan surf eskola pare bat egin nahi dituzte eta dirua biltzen ari dira horretarako, kamisetak eta beste gauza gehiago salduz. Bejondeiela!

-GENERACION Y:

Blog honek Kubako gazteen egoera azaltzen du. Nola ez duten aukerarik beraien ahotsak lau haizetara zabaltzeko etabar luze bat. Blog honen egilea neska gazte bat da eta Espainiako estatuak sari bat eman dio, baina Kubako gobernuak ez dio utzi sari hori jasotzen, ezin bait daiteke atera Kubatik. Nere ustetan balentia handiko lana da blog hau egitea, baina ez nago ados beraren ideia askorekin. Agian nire ezjakintasunagatik izango da, ez bait naiz bizi kuban, baina laister ikstera joateko esperantza dudanez, ba kontrastatzeko aukera izango dut.

-MAS RESPETO QUE SOY TU MADRE:

Blog hau argentinar batek sortu zuen eta hemen idazten duena istorio bat da familia bati buruz. Familia honetako pisua, amarengan jausten da eta honi buruz idazten du egileak, emakume lodien kasuaz... Munduko blog hoberenaren saria jaso du. Zorionak beraz!

-EUSKAL HERRIA SOZIALISTA:

Blog hau langile borrokari lotutakoa da, hemen patronalaren gaineko kritikak jasotzen dira eta langileriari buruzkoak. Kutsu marxista-leninista dauka eta nire ustez oso ondo dago.