Lekuan lekuko

Baliabide naturalak, naturak eskaintzen dituen lehengai eta produkzio-bideak dira . Nik definizio honi giza jarduera garatzeko lehengai eta produkzio-bideak gehituko nioke, gehienetan baliabide naturalak gizakiak ustiatzen baititu.

Blog honetako aurreko sarreran (eta bakarrean tamalez!) baliabide naturaletako bat aipatu zen, URA hain zuzen ere. Baliabide honen garrantzia eta bere kudeaketa jasangarria egunez egun nabarmenagoa da. Baina zergatik?

Giza jardueraren garapenean itzelezko papera betetzen duelako. Gizakiak ura edaten du bere gorputza martxan mantentzeko, ura behar du bere elikagaiak sukaldatzeko, ura erabiltzen du bere ingurua garbi mantentzeko eta industria asko ta askoren lehengairik garrantzitsuena da URA.

Gainera, azken urteotan, nahiz eta ezin ziurtatu dezakegun aldaketa klimatikoaren eragina denik, prezipitazioen patroiak aldatzen ari dira. Hau guztia kontuan hartuta, gobernu organo ezberdinek kontzientziazio kanpaina ederrak garatu dituzte uraren erabilera jasangarria bultzatu nahian.

Baina URA ez da balibide natural bakarra eta ezta ere garrantzitsuena. Urarekin lotura zuzena duen beste balibide naturala LURZORUA da.

Lurzorua, leku jakin bateko baldintza klimatikoez gain, osagai mineralen eta organikoen elkarrekintzaz sortzen den geruza da, lurraren gainazalaren zatirik handiena estaltzen duen geruza.

Osagai minerala arroka amatik dator eta bere alterazioak finkatuko du lurzoruak izango duen hare, lohi eta buztin kopurua. Lurzoruko materia organikoa, berriz, usteltze-maila ezberdinetan dauden landare, animalia edota mikroorganismoen hondakinak dira.

Lurzoruak oro har, ezaugarri ezberdinak dituzten horizonteetan banatzen dira.

A horizontea: gainazaleko geruza da, non materia organikoaren kantitatea nabarmen handiago den, sustrai ugari eta bizidunen jarduera handia izatearren.

B horizontea: erdiko geruza izan ohi da, A horizontetik lixibiatutako materialak eta arroka amatik meteorizatutako zatiak metatzen dira bertan.

C horizontea: eraldatu gabeko arroka ama.


Hurrengoan, lurzoruek giza jardueran duten eraginaz gain, beste hainbat gauza era xume batean azaltzen ahaleginduko naiz.

Martxoan 22, Uraren eguna.

Errekurtso naturalak izendatzeko astirik ere ez dit eman, atzo nire blog berria abian jarri eta gaur URAREN EGUNA da. Gogoratu beharreko eguna eta gutxienez gaurkoz, URAren inguruan zenbait eztabaida martxan jarri dira. Ura, eskubide publikoa ala pribatua da??? Munduan miloika pertsonek eskuragarri ur kutsatua baino ez duten bitartean, beste askok, boteilaratutako ur minerala edaten dute.

Ura soberakina ala eskasia??? Gaur bertan lankide bati entzun diot, guk geuk Euskal Herrian ur soberakina daukagula eta erabiltzen ez den ur hori leku lehorragoetara bideratzen ez baldin bada, ba ur hori galdu egiten dela. Baina ni ez nago ados! Nire ustez ZIKLO HIDROLOGIKOAK bere zeregina du eta urak dakarrena urak daroa, eta behin eta berriro berziklatzen da, horregatik bertoko ura beste norabaitera bideratuko balitzateke, bertoko ziklo hidrologikoa aldatuko litzateke eta nork daki, urteak pasata gu egon gintezke ur eske!!! Ez dago ur soberakinik edo eskasirik, herrialde bakoitzak bere kokepen geografikoak mugatutako ur edukiaren kudeaketa eskasa baino.

Uraren gaineko zerga merkeak ala garestiak??? Herri batzuetan, horien artean Markina-Xemeinen ez dute uraren gaineko zergarik ordaindu orain gutxirarte, beste batzuetan, Ondarroan adibidez, ur kontsumo minimo bat derrigorrez ordaindu behar da nahiz eta horrenbeste ur gastatu ez, eta Bilbon bestalde, pasadan astean 130 litro/egun/pertsona baino gehiago gastatzen bada kanon berezi bat ordaintzearen aldeko dekretu bat onartu zen. Aukerak ugariak eta ezberdinak dira, baina zein da uraren aurreko jarrera iraunkorrena??? Nire ustez, bakoitzak gastatzen duen ura ordaindu egin behar du, hori argi dago, baina ura aurreztu duten pertsonek onura bat jaso behar lukete, era honetantxe bakarrik itxiko du jendeak iturria.

Epa! Blog barri bat hasteko asmuaz jarri na ordenadoran aurrin, ze egixe esan sarri pentsa eta esan ez ditxuazen gauzak plazaratzeko aukeri emoten dozta. Bueno, dato batzuk: ni neu Nahia na, ondarrutarra, 28 urte eta formaziñoiz biologoa. Ziurrenetik ogibidetik datorren zeozer ixango da, bañe hamen ERREKURTSO NATURALAN ingurun berba etxeko esperantzi dakat eta euran erabileriai buruz, eta zelan gaur eguneko gizartin gerua urria dakauzen aparte dazen gauzak eta gerua apartia urrin dakauzenak, horretxeatxik niri gustaten gazta esati LEKUAN LEKUKO.