Dirudienez, Txinako talde inbertsore batek begia botea du Realean. Akzio pakete handi bat erosi eta klubaren kudeaketan esku hartu nahi du, ordainean diru inbertsioa eginez. Bi saiakera egin eta gero, badirudi hirugarrena egingo duela orain, azaroan akziodunen batzar orokorra datorrela aprobetxatuz-edo.
Askok diote Realaren izaera bera berriro planteatzeko unea dela; aditzera ematen dute atomizazio famatu horretan oinarritutako klub tradizional izatetik jabe indartsu bat edukiko lukeen klub moderno baterako urratsa egiteko garaia dela.
Bueno, nik uste dut jadanik emana dagoela pauso hori: atomizazioarena txantxa krudel bat da, azken garaiotan Realean pasatzen ari dena ikusita. Kluba interes talde jakin batzuen esku dago, argi eta garbi, ez bazkide edo akziodun xumeen esku.
Gainera, azken hauei batere jaramonik egin gabe gidatzen dute kluba, ia-ia kirol emaitzek garrantzirik izango ez balute bezala, kudeaketa enpresariala bakarrik dute helburu, eta hori ere oso gaizki eraman dute; arlo ekonomikoan dagoen egoera larria besterik ez da ikusi behar. Ez kirol emaitzarik, ez emaitza ekonomikorik; egungo agintarien inkapazidade nabarmena ikusita, ze inporta dio interes talde hori Tolosaldekoa edo Beijingekoa izatea?
Realzaleok talde indartsu bat nahi dugu, kudeaketa serio eta koherentea izango duen kluba. Fundamendu hori Txinatik badator, ongi etorri.
Erantzunak
Ufa! Ez nekien honeri buruz, baina boteprontoan, behintzat, falta jakuna iruditzen jat. Taldeagaz dagoan identifikazino falta areagotzeko, kanpoko jokalari mordoari gehituz, entrenatzailea be atzerrikoa, orain zuzendari atzerritarrak? Pieterman jatorkit burura... eta Tau Baskonia. Lagun batek esaten deusta Baskoniari talde gasteiztarra deitzea larregi dala, kontuan hartuta jokalari (ia-ia) guztiak eta entrenatzailea Gasteizkoak ez dirala. Bai, baina behintzat zuzendaritza hamengoa da.
Tolosaldekoa edo Beijingekoa? Zeozer gipuzkoarra mantentzeko, mesedez Tolosaldekoa.
PD Albeceteren aurkako partidan, estadioan emoten deutsuen foileto horietako batean ikusi genduan hiru mantxego baino ez zeudela 22 jokalari artean. Errealean, titularren artean 6 edo 7 ziran gipuzkoarrak. Neuretzat, desbardina da.
Nork: patxi lurra.2007/10/26 10:19:06.138 GMT+2
www.asapala.org/mahatsorriak/patxilurra
Patxi, azpitxapeldun izan ginenean ere, 2003an, 5 edo 6 gipuzkoar zauden talde titularrean. Talde txinatar baten kapitala erabiltzeak ez du esan nahi jokalari atzerritarrak ugalduko direnik.
Nork: Lutz Long.2007/10/26 11:47:20.426 GMT+2
Nork: Josu.2007/10/26 12:57:58.345 GMT+2
http://www.blogak.com/josu
Josu, zuk uste duzu Reala azken aldian kudeatu dutenak Piterman baino hobeto aritu direla?
Nork: Lutz Long.2007/10/26 13:03:59.533 GMT+2
Nork: Josu.2007/10/26 14:01:59.005 GMT+2
http://www.blogak.com/josu
Nork: Lutz Long.2007/10/26 14:13:46.033 GMT+2
"Zuk uste duzu Reala azken aldian kudeatu dutenak Piterman baino hobeto aritu direla?"
Neuri ez dago zuzendurik galdera, baina erantzungo deutsut, axola ez bajatzu. Neuk nahiago dot orain deukogun "errepublika bananeroa" inolako, inoren eta inongo diktadura baino.
Orain dagozan zuzendarien aurka egiteko aukera demokratikoa egon da, neuk dakidanez. Eta gehienek ez eben aurkako botorik emon, batzar guztiz lotsagarri hartan (neuk ez deukot boto-eskubiderik eta ez nintzan han egon, zorionez).
Argi dago klubak galdu dituala beste sasoi bateko seriotasun, profesionaltasun umila eta iskanbilarik ezatasuna. Orain diferentzia handirik ez dogu edukiko edozein klubagaz, horren aldetik. Baina, behintzat eta zorionez, ez deukogu Pieterman modukorik geurean.
Nork: patxi lurra.2007/10/30 18:57:11.645 GMT+1
www.asapala.org/mahatsorriak/patxilurra
Patxi, honakoa diozu: "orain dagozan zuzendarien aurka egiteko aukera demokratikoa egon da, neuk dakidanez".
Zuk eta nik ondotxo dakigu pakete handiak dituzten taldeek (akzio paketeak esan nahi dut, ez gaizki pentsatu) kluba kontrolatzen dutela, ezinezkoa baita 5 - 10 akzio dituzten akziodun txiki guztiak juntetara joatea. Ya, gaur egun, de facto, Piterman etxean daukagu, nahiz eta Gipuzkoako erakunde garrantzitsu batzuk izan Pitermanen lana egiten dutenak. Eta, zinez, ez dira Piterman baino hobeak klubak kudeatzen.
Eta akziodun txikiek indarra dutela uste baduzu, ez larritu, panorama ez da aldatuko hainbeste, orain datozen inbertsoreek klubaren % 30 - 40 erosi nahi omen dute. Beraz, gainerako akziodunek % 70 - 60 kontrolatuko dute klubaren gehiengoa.
Azkenik, ez ahaztu inbertsore horiek ere gipuzkoarrak izango direla, gaur egungo klub agintariak bezain gipuzkoarrak.
Nork: Lutz Long.2007/10/31 08:10:17.030 GMT+1
Patxi Lurrak deskubritu duenez jada, hemen ekarriko dut bihar nire blogaren azalean egongo den apuntea.
Badirudi serioa dela txinatar talde honen ekimena. Ea zein den proiektua.
Nork: iturri.2007/11/04 21:21:01.400 GMT+1
http://www.eibar.org/blogak/iturri
Nork: Luistxo.2007/11/28 08:33:57.030 GMT+1
http://eibar.org/blogak/luistxo
Bai, zinez, hobeto zuen ezer ez esatea, hori esateko. Edo, gutxienez, interes minimo bat erakutsi eta esaldia ganoraz presatzea. Baina, noski, euskaraz zeozer esatea paparrean 'jator label' bat zintzilikatzea besterik ez da batzuentzat.
Baina tira, ez da ezer berria, Astiazaranen 'euskara' ezaguna dugu, baita Uranga, Fuentes eta De La Peñaren... erdara.
Nork: Lutz Long.2007/11/28 10:49:33.626 GMT+1