El cuarto punto es el más novedoso dado que abogan por la implantación de las NIP o núcleos de intervención participativa para que se fomente así la participación directa de la ciudadanía. Hay que considerar que gracias a los NIPs se ha llegado a acuerdos importantes en diferentes municipios guipuzcoanos, sin ir más lejos en el acuerdo para la ubicación del campo de fútbol de Idiazabal.

---

Hitza
Berdeak plataformaren alegazioekin batera, Santa Katalina komentuan bizi izan ziren mojen izenean aurkezturiko eskakizunak daude. Azken horiek 2006ko azaroaren 27koak dira, eta kontuan hartuko dituzte.

Gunearen osotasuna

Berdeak-Independeteak plataformak komentuko gunea eta San Miguel futbol zelaiko gunea batera landu beharko liratekela uste du. Horretarako, Mutriku Futbol Klubak herriko alderdi guztiei aurkeztutako planteamendua ontzat hartzen du.

Futbol klubaren poposamenean, egungo futbol zelaiaren azpian jartzen ziren aparkalekuak. «Horrela, komentuko gunearen barruan aurreikusten den bost solairuko aparkalekuaren beharrik ez litzateke egongo».

Horretaz gain, «espazioa zabaltzea eta askatzea» proposatzen du plataformak. «Fubol zelaia eta komentuko lurren artean egin nahi den errepideak guztiz kontrako efektua sortuko luke. Gunea zatikatzen du eta azpiko aldean gelditzen den zatia lur azpian egotearen sentsazioa areagotu».

Errentagarritasun soziala

Berdeak-Independenteen arabera, komentuko guneari «ahalik eta errentagarritsun sozial handiena» atera behar zaio.

Ematen dituen aukerei erreparatu eta horren gainean lan egin beharko litzateke Berdeen ustez. «Estrategikoki kokaturiko gunea da; herrigunea bertan du, San Miguel egoitzarekin mugan dago eta zenbait auzoren irisgarritasuna hobetzeko giltza da. Ez dugu ahaztu behar herri barruan gelditzen den berdegune bakarra dela».

Horretaz gain, gune horretan dauden fruta arbolak kontserbatzea eta «ahalik eta kontu handienarekin» tratatzea eskatzen dute. «Herriko historiaren parte izateaz gain, dituzten ezaugarriengatik altxor botanikoa dira».

Herritarren parte-hartzea

Komentuko garapenean herritarren parte-hartzea gauzatzeko bideak jartzea eskatzen du plataformak alegazioetan.

Berdeentzat herritarrez osaturiko erabaki guneak sortzea «guztiz interesgarria» litzateke. «Proiektu hori eta etorriko direnak aurrera eramateko era egokiena dela uste dugu. Herritarrak informatuta egongo lirateke, eta jende askoren ekarpenak jaso ahal izango ziren».

Konponketa beharra

Mojen ordezkariak bere aldetik, inguruak beharrezkoak dituen konponketak proposatzen ditu udaletxean aurkeztutako dokumentuan.

Elizaren funtzionamendurako zenbait espazio eskaera egiten dituzte mojek, eta ingurune erlijiosoa izanik ¬elizak bertan egoten jarraituko du¬, errespetua eta begirunea eskatzen dute inguru hartan dauden elementuentzat.

Horrekin batera, oinezkoentzat pasabide egokia eraikitzeko eskatzen dute. Baita komentuko plazaren malda egokitzeko ere. Azken eskakizun horren funtsa eliza urez ez betetzea da.

Mojen arabera, azken urteetan egindako obrak direla medio, lurraren altuera igotzen joan da. Hori dela eta, eliza bi aldiz bete zitzaien urez. Horrelakoak ekiditzea da mojen helburua.

Berdeek eguneko zentroa komentuan ipintzea poposatzen dute

AR-6 gunean komentuko eraikina sartzen ez den arren, alegazioetan sartu dute proposamena.


Berdeak-Independenteak plataformak komentuko eraikinean eguneko zentroa egin beharko litzatekeela proposatu du. Proposamena komentuko AR-6 gunearen alegazio bezala aurkeztu du.

Komentuko eraikina AR-6 guneko garapenean sartzen ez den arren, xehetasun azterketan eraikina hotel bezala erabilia izan daitekeela aitatzen da. Erabilera posible horrekin ados ez daudenez, Berdeek «erabilera egokiagoa» aurkeztu dute idatziz.

Komentuko eraikina «herriko hutsune bat betetzeko leku guztiz egokitzat» jotzen dute Berdeek. «Eguneko zentroa komentuan jartzea planteatzeko orduan, eraikin horrek dituen zenbait baldintza hartu ditugu kontuan. Alde batetik, irisgarritasunari begira, herrigunetik oso hurbil dago. Beste alde batetik, eraikina lorategiz inguratuta dago, eta horrek aisialdirako kalitatea eskaintzen du. Eta azkenik, eguneko zentroa eta inguruneak belaunaldien arteko topagunea izan behar dela ulertzen dugu, eta ez gure zaharrak lagatzeko leku bat».

Teknikariekin bilera

Eguneko zentroaren gainean sakontzen duten alegazioak Ongizateko zinegotzi Zeferina Goenagak izenpeturik daude. Gai horren inguruan edukitako bilera baten berri ematen du bertan.

Dokumentuan azaltzen denez, 2007ko azaroaren 30ean Goenaga, Josebe Astigarraga alkatea, ongizateko udal teknikaria eta Juantxo Sabadie eta Jon Iribar diputazioko teknikariak batu ziren. «Aldundikoak eguneko zentroa finantzatzeko prest agertu ziren, Udalak 300 metro koadroko eraikina jarriz gero. Alkateak Bernaben horretarako lokala egongo zela adierazi zuen, komentua ez omen zegoen erabilgarri».