Nire inguruko kontuak

Atzo igande ezberdin bat izan zet, bazen garaia! Larunbatan etxean geratu nintzen trankil-trankil, hurrengo egunean goiz altxatu behar nintzen eta. 8:45etan altxatu, dutxa bat hartu, zerbait gozaldu ta kotxea hartu nuen Usansolora abiatzeko, neska hartu behar nuen eta.

Hau egin eta gero San Juan de Gaztelugatze zen lehenengo gelditzeko-puntua, baina horra ailegatu baino lehen Bakion bota genituen argazki batzuk. Gaztelugatxera joateko, kotxea goian ustea erabaki genuen, eta horrela ibilalditxo bat egiten genuen, beti politago da horrela eta. Hartu genuen lehen ibilbidea ez zen zuzena, baina ez genekien, gainera txakur batekin joan ginen, Rufo zuen izena eta gure 'gida' bezala izan zen ibilbide okertu horretan; leku beretik bueltatzean, txakur polit hura hasieran zegoen leku berdintsuan geratu zen eserita, segur asko hurrengoren bat edo itxoiten. Bigarrenean ibilbide zuzena aurkitu genuen, eta tartean hainbat argazki bota genituen. Gaztelugatxeko 200 ta piku eskailerak igo ta gero, kanpaia 3 aldiz jo (esaten dute sorte-txarra alde batera usten duela), hamaiketako txiki bat hartu, eta kotxera bueltatu ginen.

Hurrengo geldialdia Bermeo izan zen, herriaren kanpoaldean kotxea utzi, eta bueltatxo bat eman eta gero parke polit batean gelditu, otartekoak atera eta gure gosea asetu genuen. Ondoren, portua eta alde zaharra bisitatu genuen, eta berehala kotxera abiatu ginen. Munkadan gelditzeko gogoak bageneuzkan, baina kotxea uzteko leku eza zela eta, ez genuen Mundaka bisitatu; orduan hurrengo geltokia Gernika izan zen. Gernika... historiaz eta istorioz betetako herria... zoritxarren hain ezagutua gauza batengatik... baina beste urte batzuk ziren. Pixkat herria ezagutu genuen, eta Batzarren etxea bisitatu genuen, han zegoen eta Euskal Herriko arbola famatuena, Gernikako arbola, alegia. Batzarren etxea uste nuen baino askoz politagoa da, eta oso pozik atera nintzen hartatik. Azkenik, kotxea berriro hartu, eta Usansolora abiatu ginen, txangoa bukatuta zegoen eta, behintzat egun horretakoa. Ordu pare bat beranduago, neu bakarrik bueltatu nintzen Zorrotzara, pentsatzen egun atsegina izan zela, eta pozik, zeren eta, Bizkaiko geografia hobetu nuelako.

Betidanik eduki dut galdera bat... Zergatik ezagutu hemendik urrun dauden herrian, zure herri maitatuan badituzu hainbat herri zoragarriak? Hemen uzten dut galdera hau.

Amaitzeko, esatea alboko zutabean gauza berri bat dagoela, 'flickr' izenekoa. Hor sakatuz gero, txangoaren argazkiak ikusi ahal iznago dituzue, espero dut gustokoa izatea. Besarkada haundi bat!

Eguna beti bezala hasi da, zegapoto madarikatuaren alarmarekin... nork asmatuko zituen alarmak? seguru nago bat baino gehiago aupako koieja bat emango ziola. Baina beno, aurrera noa. Gasteizko unibertsitatera ailegatu eta gero, lehenengo klasera joan nahiz, hain zuzen ere 'Elebitasuna eta hezkuntza' klasera... bai... horrela da, kriston txapa hoietako ikasgaia da. Geroago, Hegoalde polikiroldegira abiatu gara 'Jolas motorea' emateko, eta bazen garaia! 3 aste geroago berriro klasea eman dut, akabo klasea bankuan eserita ikusteari!! edo gutxienez, hori espero dut. Jolas tradizionalak landu ditugu, bai Euskal Herrikoak, eta bebai beste herrialdekoak. Geroago Heziketa Fisikoa eta bere didaktika eduki dugu, eta 'Jarduera atletikoak' landu ditugu: lasterketak, jauziak, eta jaurtiketak alegia. Klase polita izan da, baina beharbada sama gehiegi nire hanketarako... azkenik, dutxa berritzaile bat hartu eta etxera.
Etxera ailegatzean bazkaria hartu eta ordenagailura abiatu naiz pixkat denbora galtzera, beti bezala. Hori bai, klaseko kontu batzuen informazioa ere bilatu dut. Azkenean, 8ak eman ta entrenamendura abiatu naiz. Egun nekagarria izan da niretzat, eta entrenamenduan nabaritu da, baina zer egin? gutxienez tipoa mantendu behar da, eta horrela izan da. Orain dela ordu bat etxera ailegatu naiz, eta afaldu ostean korrika izotzaren bila nire tibia gaixoak lasaitzeko. Bai, gaixoak, periostitis-a izan dut bi tibietan, ze izen arraro ez? zer izango da hori? Hurrengo batean azalduko dut hobe. Oraintxe bertan pentzatzen ari naizena da ea bihar, gaur berragertu den min hori (gaur oso txikia izan da orain dela 3 astearenarekin konparatuz) desagertu bada.

Eta bukatzeko, bakarrik bi gauza egin behar ditut oraindik: lehenengoa artikulu hau bukatu publikatzen, eta bigarrena lotara joan ta aingerutzoekin amets egin.

Ondo izan!!

Gaur egun ezberdina izan da, 9tan Jolas motorea eduki eta gero, 10etan Lakuara abiatu gara magisteritzako eta IVEFeko ikasle eta irakasle batzuk, hain zuzen ere Euskal Jaurlaritzara. Han kontzentrazio bat zegoen prestatuta 10.30tan. Hasiera bakarrik 50 bat lagun geunden, baina 20 minutu geroago 500 bat ginen iada. Pankartak atera eta 'Ez, ez, ez, murrizketarik ez!' hasi gara ohiuka. Momentu batean pixkat tentsioa egon da, zeren eta pasatu nahi izan dugu eusko jaurlaritzara, baina ertzainak berehala eragoztu dute, eta antidisturbioen furgoneta bat ere bai agertu da. Ordun, ze erremedio? ba atzera bota, eta lehengo lekua okupatu. Pare bat 'pitada' sartu diogu ertzainei eta jolasak antolatzen hasi gara: sokatira, zapiaren jolasa, frisbia, futbola, mazorkak, sakuen lasterketak... Azkenean kontzentrazioa positiboa eta baliogarria izan da nere ustez, baina oraindik borroka asko geratzen da aurretik.

Denok batera:

Heziketa fisikoan, ordu murrizketarik ez!!

Gehiago irakurtzeko: http://www.blogak.com/sohat

Denbora aurrera doa. Orain dela hiru urte han nengoen, nire auzoko institutoan, betiko jendearekin, betiko lagunekin. Hortik aurrera nire inguruko kontuak asko aldatu dira: institutu eta klasekide berriak batxilergoa ikasteko, hainbat leku eta pertsona ezberdin ezagutu... eta gaur egun, betiko kontu batzuk mantendu arren, aldaketak bere bidea jarraitzen dute, oraingoz ez dakigu onerako edo txarrerako diren, baina bizitzaren legea da.

Ni Xabi Baraja naiz, Bilboko Zorrotza auzoan bizi den 18 urtedun mutila, eta Gasteizko unibertsitatean heziketa fisikoko irakasle bihurtzeko ikasten duena. Nire blog berri honetan nire inguruko kontu garrantzitsuenak aipatuko ditut: Gertatu zaidan istorioren bat, puri-purian dauden gaiak, kiroletan eta batez ere Athletik-en gertatzen diren albisteak...

Espero dut zuen gustokoa izatea, eta nahi baduzue, artikuluei erantzuteko aukera duzue, bai komentatzeko eta bebai kritika konstruktibaren bat jasotzeko.

Besterik gabe, Xabi Baraja.