AriketaBlog

Gaur arratsaldean Donostian 80 bat kirolarik agerraldia egin dute Euskal Herria nazioa dela, eta kirol txapelketa ofizialetan Euskal Herria ordezkatuz parte hartu nahi dutela aldarrikatzeko. Mikel Aranburu Realdeko futbol jokalariak, Angela Vilariño auto gidariak eta Ellande Alfaro pilotariak egin dituzte bozeramaile lanak.

Euskal Herria nazioa dela aldarrikatu dute, eta, ondorioz, nazioarteko lehiaketa ofizialetan parte hartzeko eskubidea duela. "Euskal kirolariok naizoarten era ofizialean Euskal Herria ordezkatzeko aukera aldarrikatzen dugu", irakurri du euskaraz Aranburuk.

Euskal Herriko eraigle politiko eta kirol federazioei, Frantzia eta Espainiakoei eta gizarteari eskaera bana egin diete, baita Euskal Herriko kirolari guztiak batuko dituzten federazioak behar dituztela adierazi.
Azkenik, abenduaren 29an Bilbon Euskal Herria: Nazio bat, selekzio bat lelopean egingo den manifestazioan parte hartzeko deia egin dute. Euskal Herria-Katalunia futbol partida jokatuko dela-eta, ESAITek antolatu du manifestazio hori.