Superbloga
Marrazkilari baten bloga
SuperblogaNosfe-k, Bilboko banpiroak, San Mameseko lurra dauka bere hilkutxan, Athleticzalea baita!
Pasa den egunian irratian egon nintzen, Patxi eta Jabi nire lagunek gonbidatuta. Ederki pasa genuen! Zeri buruz aritu ginen? Internet, telebista, Disonancias, eta komikiak. Batez ere www.norbaitezagutu.com gure komikiblogari buruz!
IGZ (Irakaskuntzarako Gaitasun Ziurtagiria) ikasten ari naiz, euskaraz. Egunen batetan, ikastetxe publiko batean irakasle izango naiz (Iupi!). Talde lan batentzako komiki bat egingo dugu. Nerabezaroen psikologiari buruzko lana da. Asko gustatzen zait gaia, nerazebarotasuna bizitzaren arorik flipanteena dela uste dudalako, distiratsuena eta nazkagarriena, biziena eta suizidena... Komikia kutre xamarra da, baina aizue, oso denbora gutxian eginda dago, eta, honetan bai, inportantea kontzeptua da. Hona hemen kanpoan gelditu den zirriborro bat:
Kill Billen eszenak pintatzen dituen artista: Christine Weber. Zoragarria deritzot. Maite dut! Eta hau da bere galeriaren webgunea. On egin!
Webgintzan ari direnen artean, Bilboko estudiorik kreatiboena, aktiboena eta oparoena Vudumedia da. Bost lagunek osatzen dute 2000. urtean sortutako estudio hau: Karramarro, Paulo, Romerales eta Emilio errobota (beste egunen batetan arituko gara hauei buruz); eta jadanik sariren bat irabazi dute. (Bilatu "papel continuo"). Neurri batean beraiei esker bilbotarrok hiri moderno batean bizi garela uste dugu, zeren eta beraien aktibitatea ez da mugatzen sareen sarera, kalea ere bihurtu dutelako beraien artelanen euskarria.Vintage kutsua dute egiten duten geiena, estetika retroa aukeratu dute, um...
The Baskis komiki bat izango da. Laster azalduko da, Saioa Olmok prestatzen ari den liburuan, Euskadi Trade Mark delako proiektuan.Pertsonai ieratikoak irudikatu nahi nuen, oso sinpleak, eta hala ere barregarri. Asko dira, ez soilik hemen ikusten dituzuenak. Kolore askotakoak. Euskaraz eta gazteleraz.
Zer gertatuko luke Kriptonetik habiatutako superumea Lurrara 12 ordu lehenago helduko balitz? Rantxo batean ez, eta Kolhos batean eroriko litzateke. Stalinen zerbitzari izango zen! Hauxe da oinarrizko planteamendua. Superhoeroien komikiaz gain, nobela grafikoa ere bada, umore finaz zipriztindurik, eta baita ere etika eta moralaren klaserako baliogarri. Kritika ere badu, Gerra Hotzaren erregimen totalitaristei. Biei. Eta bai, antiutopiaren kutsua ere bai. Orwelli gustatuko litzaioke komiki hau.
Interneten zehar galduta, noraezean, ematen dut denbora dexente, gustoko linkei sakatuz, askotan aurkitzen dut nire burua ezezagun batzuen famili argazkiak ikusten, edo kode informatiko ulertezinaren kontra burua nekatuz.Gaurko pasioan Mozillaren Firefox logotipoaren diseinadorea ezagutu dut. Jon Hicks deitzen da eta hona hemen bere weba. Beste gauza grazioso bat ere aurkitu, nahi duzun webgunearen tag graph sortzaile dinamikoa! saiatu hemen eta ikusiko duzu... halako zerbait:
Kaixo, Pernan Goñi naiz eta, azkenean, Superbloga idaztera animatu naiz. Aurkezteko esango dut Bilbon bizi den tipo bat naizela, Oñatin jaio eta hezi nintzela ... (betiko datu ergelak, zeren eta ez naiz Oñatin agertu orain dela urteak... Ez da harro sentitzen naizenik herrira ez joateaz, ez ez... Kontua da beti iruditu zaidala pixkat baliogabeko datuak "Nongoa zara?" horren erantzunak. Hala ere, ni ere hasi naiz jaioterriarekin... En fin, gaur, Oñatin, Errosaixo Bixamonaren Bixamona izan da. Gorantziak!), eta, aurkezpenarekin jarraitzeko, beti marrazkilari sentitu izan naiz. Hasteko, horra ...
Blog honetan irudiei buruz arituko naiz. Diseinua, marrazkiak, komikiak eta halako kontu bisualei buruzkoa izango da. Saiatuko naiz umorea erabiltzen.
