Sanjuandegiko Festa Btzordeak, honako balorazioa egin du 2009ko auzoko jaien
inguruan:

Orokorra

2009ko jaien inguruko balorazioa, orohar, oso positiboa da. Balorazioa egiterako
orduan, hurrengo irizpideak izan ditugu aintzat: parte hartzea, giroa eta ekimen bakoitzaren
gauzapena.

Jende aldetik, sanjuandegiko jaiek, gorakada izan dutela uste da. Auzotar eta herritar
ugari izan da auzoan, jaietan zehar eta antolatutako ekimenen aurrean ere, erantzun ona
eman da orokorrean.

Aipamen berezia egin nahi genioke, merkatari, tabernari eta negozio ezberdinen parte
hartzearen inguruan, egin den apustuari. Erantzuna, ia erabatekoa eta eredugarria izan da.
Ikaragarria izan da guztien jarrera. Hauei, eskerrak ematea eta jaien arrakastan,
ezinbestekoak direla errepikatu nahi da Sanjuandegiko Festa Batzordetik. Bestalde, lehen
urtea izanik, ezin izan da guztiengana iritsi eta sentitzen da, gauzak hobetuko dira duda izpirik
gabe.

Egun guztietan zehar izan den giro ona ere, nabarmendu beharreko puntua da. Ederra
izan da, jaietan bizi izan den armonia eta baita, nabarmendu beharreko istilurik jazo ez izana
ere.

1 Astelehenetik, 4 Ostegunera

Ekimen guztiak aurrera atera dira eta hori berez, pozgarria da. Dena den, mus
txapelketan, parte hartzaile kopuruak gora egin izana azpimarragarria da.

5 Ostirala

Euri artean ekin zitzaion programatutakoa betetzeari, baina hau, ez zen oztopo izan eta
gerora ongi eutsi zion eguraldiak. Arratsaldean izandako jendetzaz gain, gau osoan zehar giro
aparta izan zen Sanjuandegin. Saloi dantzak bereziki, jende ugari bildu zuen, beste behin ere
parte hartzea bultzatuz.

6 Larunbata

Larunbateko bazkaria zen, erronka nagusietako bat. Bertan, jende multzo ederra bildu
zen. 150 bat lagun bildu ziren, azken urteetako goranzko joerari jarraituz. Bestalde, egun
guztian zehar, jende kopuru txukuna ibili zen auzoan. Horretarako dauden zailtasunen jabe
izanik, urrats garrantzitsua izan da hau. Aurreko egunetan bezala, programako ekimen guztiak
burutu ziren.

7 igandea

Goizeko txokolatea gaizki irten harren, egunak eurrera jarraitu zuen sokamuturrarekin.
Honen leku aldatzea, erabaki ona izan zela uste da. Ondoren, jende ugari izan zen goiz osoan
zehar. Arratsaldean ere, giro ona izan zen ekimen ezberdinetan, parte hartze txukunarekin.
Suzko zezena eta azken traka, ez ziren aurrera atera azken orduko arazoengatik.

14 Igandea

Krossa astebete atzeratzearekin, asmatu zela uste da. Hemen ere, parte hartzeak gora
egin du.

Badago zer hobetu

Sanjuandegiko Festa batzordetik, bi puntu azpimarratu nahi dira:

Alde batetik, aurrekontuak topea jo duela uste da. Sanjuandegiko auzoak, gaur egun,
jaien inguruko dinamika indartsu bat martxan jartzeko apustua egin du eta bide horretan
sakontzeko, aurrekontu handiago bat behar da. Auzoaren dimentsioari erreparatuz gainera,
desproportzionatua da gaur egun jasotzen den kopurua.

Bestetik, izan dira inork jazotzerik nahi ez zituen hainbat gertaera. Hauen aurrean,
auzoa eta auzotarrak errespetatzeko eskatzen zaie jaietan parte hartzen duten guztiei. Nahiz
eta hainbat gauza saiestea beti zaila izango den, berriz horrelakorik izan ez dadin lan egingo
du Sanjuandegiko Festa Batzordeak datozen urteetan.

Eskertza

Jaietan modu batean edo bestean, parte hartu duten guztiei eskerrak emanez amaitu
nahi da balorazioa. Eskerrik asko guztioi!

Sanjuandegiko Festa Batzordeak eskerrak ematen dizkio jaietan laguntza eman duten guztiei.

 

Denen laguntzarekin eta parte hartzearekin jaiak aurrera ateratzea lortu da.Dena ondo irten dela eta jendea gustura gelditzea ez da erraza, baian lortu dugu.

Jaien balorazioa egiteko bilera hilaren 18an katekesiko lokaletan egingo da gaueko 20,00tan.

Ondo izan eta milesker!!!

JAiak medio, auzoan aparkaleku asko kendu dira. Arazo honi irtenbidea emateko, Azpeitiko Udalak Betharram zein Oktogonoko (perretxikoa) jolastokiak irekiko ditu autoak bertan lagatzeko.

 

Milesker,

 

Barkatu eragozpenak

 

Sanjuandegiko Jaiak direla eta, Barraketako arduradunekin adostu da umeentzako eguna datorren ostegunean, 4ean, izatea. Egun horretan bidaiak 1€ balioko dute. Espero denek disfrutatzea.

Sokamuturra

 

Oharra:

 

Ekainaren 7an, igandea, goizeko 7.00tan sokamuturra izango da La Salve 37 eta 38 atzealdean SFBk antolatuta.

 

Segurtasun arazoak medio, kotxeak bertan ez aparkatzea eskatzen da. Ahalik eta eragozpen gutxien egiten saiatuko gara.

 

Beraz, goizeko 6 eta 9ak bitartean zezenarentzako erabiliko da plaza.

 

 

 

Barkatu eragozpenak,

 

 

 

SANJUANDEGIKO FESTA BATZORDEA

http://www.diariovasco.com/20090530/costa-urola/fiestas-sanjuandegi-comenzaran-lunes-20090530.html

http://www.urola-kostakohitza.info/albisteak/8945/Sanjuandegiko_festetako_ekitaldiak_astelehenean_hasiko_dira.htm

Ekainaren lehen astean izango dira Sanjuandegiko jaiak

 

Ekitaldiz betetako kartela aurkeztu dute SFBko kideek. Aurreko urtean berreskuratutako ohiturak mantenduko dituzte. Zenbait aldaketa ere sartu dituzte kartelean. Berrikuntza gehienak igandean izango dira.

 

<SFB> Urtero legez eta udaberriarekin batera Sanjuandegiko jaiak antolatu dira. Sanjuandegiko Festa Batzordeak (SFB) Ekainaren 1etik ekainaren 7ra antolatu ditu aurten. Ekitaldi anitz eta ugari izango dira auzoan.

Aurtengoa ez da urterik onena izan diru sarrerari dagokionez. Laguntzak jaitsi dira Festa Batzordearentzat. Zenbait enpresa eta laguntzaileek aurtengo egoerari erreparatuz diru gutxiago eman dute festak antolatzeko. Hesi guzti horien gainetik ekintzaz jositako kartela osatu dute batzordekoek.

 

Astean zehar tabernaz taberna

Ekainaren 1ean,astelehenean, irekiko dute jaien aurretik egiten diren ekintzen programa. Bizkaiko monologista sariak jasotakoak izango dira Sanjuandegin beraien istorioak kontatuz.

Musika eskolako ikasleen txanda izango da asteartean. Hollywoodeko pelikula ezagunen soinu bandak interpretatuko dituzte Izaro tabernako atarian. Asteazkenean berriz, ekainaren 3an, ohiturei eutsiz Idiazabalgo txiste-kontalariak umoreari ekingo diote. Barrez jarriko dute Erreka tabernara hurbiltzen den oro.

Ostegunean mus txapelketa azkarra izango da. 30€ko kostua izango du inskripzioa eta ONGI-ETORRI erretegian jokatuko da. Egun honetan ere barraken salneurria euro batekoa izango da.

 

Txupinazoa

Ostirala izango da Festei hasiera ofiziala egingo zaienean. Txupinazoa, buruhandiak, erraldoiak eta bertsoekin arratsaldea pasatuko da. Gau partean Jose Mari Orbegozoren taldearekin Saloiko Dantzen erakustaldia izango da (23,00tan) eta ondoren Kupelarekin ongi pasatzeko unea.

 

Larunbatean goiz esnatuko da auzoa. Aurten lehen aldiz Izarraitz Txistularien eskutik diana izango da, igandean ere. Aurreko urtean berreskuratutako ekintzei jarraipena emango zaie. Judo Erakustaldia izango da Igerilekuan eta umeentzat jokoak antolatuko dira Jose Antonio Agirre plazan. Bertsolariekin poteoan egon ondoren, auzo bazkari ezin hobea izango da, Haurrek ere beraien tartea izango dute: puzgarriak, txokolatada, ipuin kontalaria, erraldoiak eta buruhandiak.

Bertso saio paregabea izango da larunbateko 22,30tan. Jarraian The Row (BCN), Kasik (Azp.) eta talde sorpresa baten emanaldia.

 

Igandearekin aldaketak

Sokamuturra izan da aurten SFBkoek egingo duten aldaketarik handiena. Segurtasun arazoak medio, zezena ez da Jose Antonio Aguirre plazan irtengo. Kokapena aldatzea ezinbestekoa izan da.

Salda, pintxoak, txokolatea eta luncha banatuko dira igandean. Azpeitiko musika bandarekin hurbilduko da jendea auzoko enparantzara. Bertan Dantzari txikiak beraien emanaldia eskainiko dute.

Arratsaldean poney, zezenak eta herri kirolak izango dira auzoan. Sanjuandegi ez da atzean geldituko, eta festei amaiera emateko Kapoeira erakustaldia eta amaierako traka izango dute.

 

Aurtengoan ezinezkoa izan da festen egitarauan sartzea haurren krossa, baina SFBk adierazi duenez, ekainaren 14an izango da.

 

Festak dagoeneko antolatuta daude, baian Batzordekoei ez zaie gaizki etorriko laguntza. Edozein laguntza emateko prest badago 679695737 telefonoan, cfb.sanjuandegi@yahoo.es posta elektronikoan edo www.blogak.com/sanjuandegi www.uztarria.com/blogak/sanjuandegi blogen bidez jartzea kontaktuan batzordekoekin.

Dagoeneko festa garaia gainean dugu.

SFBk aurten ere ez da atzean gelditu eta bete-beteta dagoen kartela osatu du aurtengo Udaberri jaietako.

Hala ere, jendea behar izaten da jaietako egunetan ekintzak aurrera eramateko eta elkarrik ongi pasatzeko. Eskertuko genuke zure laguntza.

Laguntza eskaini nahi baduzu: cfb.sanjuandegi@yahoo.es edo 679695737an jarri gurekin kontaktuan.

Aldez aurretik eskerrak emanez,

Adiorik ez!