berbak dantzan

Sentimendu xumeen hitzak

 

Bizitzak une gazi-gozoak izaten ditu. Gazietako batetik igaro nintzen, nire bizitzako momenturik goxoenera igarotzeko. Gaziaren gaziaz eta azukre apurraz zipriztindu nituen hitzok:

 Amildegiak

Zerbait galdu dut bidean, egunotan

Lurra borobila izatetik laukia izatera igaro da

Amildegiak badirela konturatu naiz

Eta, ni, ertzean nago

Zuloari begira,

Nork eta noiz bultzatuko zain.

**** 

 Heriotzaz

Isiltasuna arnas,

Arnasa isil,

Gero,  hil

 ****

 Azukrea 1

Gorri koloreko elizak maite ditut,

Kanpandorre berde argia dutenak

Ate laranjak eta eskailera gorriak

 ****

 Bi aste eta segi

Tan tanak bihotzean,

Tantak begietan

Hala daramatzat bi aste

Dar dar amaitezin batean

**** 

 Azukrea 2

Bizi poza merke eta barra-barra saltzen dituzten

merkatuak maite ditut

Irriparre eta muxuak

                                   Agur goxoen truke

 

Algara usaia duten zapiak saltzen ditu

                                   begi berdedun andreak

 

Maitasun kolorea duten lore mordoa oparitzen ditu

                                   ezpain gorridun gizonak

 

Muxuak oparitu nahiko nituzke nik

                                   era guztietako muxuak:

gorriak, urdinak, laburrak, politak, goxoak, zakarrak, indartsuak, beroak, umelak eta bustiak.